مرايات الياريس بالأشارة

[HAMADASAIED]

عاوز أركب للياريس مرايات بالأشارات بس تكون بلون العربية مش فضى يعنى المراية من الخارج يكون راكب فيها إشارة
ياريت لو حد يعرف نوع مراية يركب على الياريس و لو محل بالإسكندرية
و شكرا

[myself112]

غالبا مش هتلاقى غير استيراد , و ده لو لقيت .. :(

[Ahmod]

طب ماتحاول تجبها فضي وترشها ؟

[me_medoo]

انا متابع .....

لأني انا كمان عاوز ... وعلى فكرة المرايا فيها وش لازق فيها من ورى بيركب كبس ... الوش ده بيتفك ويترش عند أي واحد حتى بيضرب بوية ومش هيكلفك 30 جنيه بس وميتالك كمان .

[HAMADASAIED]

ألف شكر ليكم على الأفادة و إن شاء الله حعمل بنصحيتكم و ححاول أشوف إستيراد على طول

[me_medoo]

على فكرة انا لقيت كافر لليارس في الحرفيين عند واحد اسمو عمرو متولي ... بتاع الرضا للكمايليات ...
واشتريتهم منوو شكلهم تحفة فيهم ليدات كده جميلة جداً جبتهم ب 375 جنية ... بس لمن جبتهم ويجت اركبهم اكتشفت انهم بتوع الكرولا هيا نفسها بالضبط بس فرقة على بزبوز واحد كنت عاوز اقصو والحمها في مرايتي وبعدين قلت خلاص يواد خليها كده فرقت يعني من الاشارة وبدون اشراه ورحت مرجعهم بس هيا للكورولا تركب على طول .

[mahmoud_afifi]

موجوده في التوكيل بس للياريس 2012, اخويا سأل عليها بس الموظف قاله ماتركبش لموديل 2008. مش عارف ايه صحة الكلام ده.
هو في اختلاف بين 2008 و 2012 ؟؟؟؟

[me_medoo]

معقولة في فرق في المريات. معتقدش على العموم هروح التوكيل وابص عليها وابلغكم

[mahmoud_afifi]

معقولة في فرق في المريات. معتقدش على العموم هروح التوكيل وابص عليها وابلغكم

الف شكر يا باشا مقدما ^_^

[asemx1]

كافر مرايات الكاميرى الى باشاره تركب على الياريس موجوده عند بتوع قطع الغيار ..... تحياتى لك