كورولا 2007 --بكام؟

[roffa1]

كرولا 2007 اوتوماتك 1600 ايرباج واحده تكييف سنتر ريموت 4 أزاز و مرايا كهربه عامله 42000 كم عامله صيانتها فى التوكيل لون السيارة : شامبين -حالة الصالون : ممتازة -الحالة العامة او التقييم العام للسيارة :ممتاز -حالة البطارية كويسه حالة الكاوتش محتاجه تغيير الكاوتش - حالة الموتور ممتازه
فابريقه بره و جوه ماعدا رفرف امامى شمال مرشوش
لو ممكن أعرف تساوى كام

[roffa1]

فبن الردود يا رجاله

[Ahmod]

لو الحالة العامة ممتازة

اعتقد

هتبقى في رنج 90-95

[rompo10]

90 ايه ياباشا دا الموديل دا ماسك سعر غريب عربيه زي دي و1600 كمان تعدي 105 مستريح خالص

[أبو عبدالله]

لو الحالة زي ما قولت بالظبط ومفيش غير كده
يبقى مش هتقل عن 110 الف

[roffa1]

كرولا 2007 اوتوماتك 1600 ايرباج واحده تكييف سنتر ريموت 4 أزاز و مرايا كهربه عامله 42000 كم عامله صيانتها فى التوكيل لون السيارة : شامبين -حالة الصالون : ممتازة -الحالة العامة او التقييم العام للسيارة :ممتاز -حالة البطارية كويسه حالة الكاوتش محتاجه تغيير الكاوتش - حالة الموتور ممتازه
فابريقه بره و جوه ماعدا رفرف امامى شمال مرشوش
لو ممكن أعرف تساوى كام

لو الحالة زي ما قولت بالظبط ومفيش غير كده
يبقى مش هتقل عن 110 الف

ألف شكر على رد حضرتك و كل اللى تعب نفسه و رد على
اولا انا اشتريت العربيه خلاص و لكن ب 115000 جم لأنى اخدتها من تاجر
انا مش هاممنى اذا كانت فيها زياده حتى 5000 جم لكن كل اللى يهمنى مايكونش ملعوب فى عدادها بالاخص انها من تاجر
لكن الحمد لله أنا اطمنت النهارده من الامر ده ازاى ................
اتصلت ب16550 وطلبت حجز ميعاد للصيانه فقالى صيانه ال كام
قولتله بصراحه انا لسه مشترى العربيه من يومين مستعمله ومش متأكد من عدادها بس اللى باعهالى أكدلى ان صاحبتها الاصليه استاذه فى الجامعه وكانت بتعمل كل صياناتها فى التوكيل
فقالى ...قوللى نمرة العربيه كام
فكشف على النمرة فى الكمبيوتر و قاللى ان العربيه دى دخلت عندهم صيانه 4 مرات
فقلتله اخر مره كانت امتى و كانت العربيه عامله كام كم
قاللى كانت فى 23/6/2010 و كانت عامله 28714 كم
و بحسبه بسيطه لقيت انها رخصت العربيه اول مره فى مارس 2007 لغاية يونيو 2010 لما عملت آخر صيانه كانت بتمشى حوالى 725 كم فى الشهر
و من تارخ آخر صيانه لغاية ما اشتريتها(42500 كم) من يومين كانت بتمشى حوالى 650 كم فى الشهر يعنى العداد ما اتلعبش فيه و مااتغيرش
فعلا انا اطمنت جدا و حمدت ربنا كتير بالذات انها أول مره فى حياتى اشترى عربيه مستعمله كل العربيات اللى اشتريتها قبل كده ( 3 ) كانوا زيرو و لسه حاجز بيكانتو زيرو لابنتى و دى تكون العربيه الرابعه الزيرو
أخيرا أنصح كل اللى عاوز يشترى مستعمل من تاجر لازم يتأكد ان العربيه مش ملعوب فى عدادها
علشان يكون مرتاح من ناحيه الموضوع ده ويفضل انه يشترى المستعمل من واحد صاحبه و يكون عارف تاريخ العربيه كويس

[Ahmod]

ألف شكر على رد حضرتك و كل اللى تعب نفسه و رد على
اولا انا اشتريت العربيه خلاص و لكن ب 115000 جم لأنى اخدتها من تاجر
انا مش هاممنى اذا كانت فيها زياده حتى 5000 جم لكن كل اللى يهمنى مايكونش ملعوب فى عدادها بالاخص انها من تاجر
لكن الحمد لله أنا اطمنت النهارده من الامر ده ازاى ................
اتصلت ب16550 وطلبت حجز ميعاد للصيانه فقالى صيانه ال كام
قولتله بصراحه انا لسه مشترى العربيه من يومين مستعمله ومش متأكد من عدادها بس اللى باعهالى أكدلى ان صاحبتها الاصليه استاذه فى الجامعه وكانت بتعمل كل صياناتها فى التوكيل
فقالى ...قوللى نمرة العربيه كام
فكشف على النمرة فى الكمبيوتر و قاللى ان العربيه دى دخلت عندهم صيانه 4 مرات
فقلتله اخر مره كانت امتى و كانت العربيه عامله كام كم
قاللى كانت فى 23/6/2010 و كانت عامله 28714 كم
و بحسبه بسيطه لقيت انها رخصت العربيه اول مره فى مارس 2007 لغاية يونيو 2010 لما عملت آخر صيانه كانت بتمشى حوالى 725 كم فى الشهر
و من تارخ آخر صيانه لغاية ما اشتريتها(42500 كم) من يومين كانت بتمشى حوالى 650 كم فى الشهر يعنى العداد ما اتلعبش فيه و مااتغيرش
فعلا انا اطمنت جدا و حمدت ربنا كتير بالذات انها أول مره فى حياتى اشترى عربيه مستعمله كل العربيات اللى اشتريتها قبل كده ( 3 ) كانوا زيرو و لسه حاجز بيكانتو زيرو لابنتى و دى تكون العربيه الرابعه الزيرو
أخيرا أنصح كل اللى عاوز يشترى مستعمل من تاجر لازم يتأكد ان العربيه مش ملعوب فى عدادها
علشان يكون مرتاح من ناحيه الموضوع ده ويفضل انه يشترى المستعمل من واحد صاحبه و يكون عارف تاريخ العربيه كويس

الف الف مبروك وحتى لو السعر فيه زيادة بسيطة مش مشكلة طالما العربية حالتها نضيفة

واسف على السعر اللى قلته وطلع خطاء بس اصل كان واحد زميلي قدامه كورولا نفس الموديل وبسعر قريب من اللى انا ذكرته وهو ماشترهاش

ويظهر انه طالما السعر كان مخسوف بيه الارض كدة على كلام الاخوة يبقى العربية اللى كانت معروضة على زميلي كان فيها حاجة او عاملة حادثة وصاحبها عايز يخلص منها

الف مبروك ليك مرة تانية ولو احتجت اي حاجة احنا هنا كلنا اخواتك وتحت امرك

وربنا يباركلك في العربية ويحفظهالك

[Ahmedhussein007]

ياباشا الف مبروووك وفعلا ده رنج العربيه دى والعربيه دى فعلا تستاهل ربنا يديك خيرها ويكفيك شرها

[kisho55555]

الف مبروك .. وربنا يبارك لك فى العربية ...

[أبو عبدالله]

مبارك عليك العربيه وربنا يعطيك خيرها ويكفي عنك شرها ان شاء الله

[Mohamed.Mohsen]

بارك الله لك فيها ..ربنا يديك خيرها ويكفيك شرها
انا والله كنت من سنة في نوفمبر 2010 خلاص هشتري واحدة 2007 1600 خليجي كأنها زيرو بدون خدش وفي جراج وصيانة توكيل بجنوط سبور اصلي ومرايات فيها اشارات وفرش جلد اوريجينال وسبويلر بس كانت مانيوال 40 الف كم استعمال راقي ب 85 الف وبتاعة جاري وادامي وشايفها ومضمونة واستغليت المبلغ جدا وقتها.. يللا مفيش نصيب ..

[roffa1]

90 ايه ياباشا دا الموديل دا ماسك سعر غريب عربيه زي دي و1600 كمان تعدي 105 مستريح خالص

ألف شكر على مرورك و ردك فعلا العربيه دى ماسكه سعر
انا عارف واحد كان معاه نفس عربيتى بس من غير اى حاجه فى البودى و كانت عامله 139000 جم وكان طالب فيها 112000جم جابتله 110000 جم فى سوق الجمعه و من تاجر كمان هو اللى تمنها و فصل فيها

[MisterMaN]

سؤالى لحضرتك عن ثبات الكورولا 2007 انا عندى كورولا عيون 98 وبدون اى مبالغة العربية لحد 160 على طريق اسكندرية الصحراوى ما شاء الله ثابته بس انا عاجبنى شكل ال 2007 وعاوز عربية صالونها واسع وناوى ان شاء الله اجيبها 1600 بس عاوز اعرف هل ثباتها متأثر بارتفاعها عن الارض ؟؟وهى ثابته لحد سرعة كام كيلو فى الساعه انا سالتك فى مشاركة سابقه ارجو الرد خصوصا انى مش عاوز ادفع حوالى 50 الف زيادة ويكون الثبات اقل وشكرا

[أبو عبدالله]

مسألة الثبات في الكورولا حلها بسيط جدا
هتحط جنط 15 او 16 على الأقل وتعرض الكاوتش وانسى بقه اي مشكلة في الثبات

[ahmedkhairy]

ال5ف مبروك