دردشة في كتيب أرشادات اليارس ؟ لفقهاء التويوتا يارس

[me_medoo]

مساء الخير جميعاً ... انا بعد عدت سنين قررت أقرء الكتاب المرمي في شنطة العربية ولقيت في قسم منو بالعربي ... وبالصور بس في حجات مقدرتش افهمها ... ايه رأيكم لو كل واحد يجيب الكتيب ارشادات مالك العربية بتاع اليارس ونقعد نزاكر سوى ...




النقطة الاولى : يعني مثلا ً في صفحة 88 من الكتاب :

بيقولك عجلة القيادة قابلة للإمالة وضبط الطول ... قم بإمالة عجلة القيادة إلى الزاوية المرغوبة ، وادفع أو أسحب عجلة القيادة لضبط طول عمود القيادة المرغوب به .

انا جربت الكلام ده لكن منفعش معاية لقيت ان الدريكسيون مبيتقربش للصدر او يتبعد عن الصدر نهائي لكن لقيت فقط بيتعلى ويتوطى ... فهل الدريكسيون بتاع اليارس اربع حركات ام حركتين فقط ... يعني بيطلع وينزل فقط ولا كمان ممكن يخش لجوى ويطلع لبرة زي العربيات الفخمة . ولا الكلام ده مش لينا للعربيات الخليجي فقط .

[me_medoo]

النقطة الثانية :
عندك في اللوحة الديجتال بتاعت البانزين الي على اليمين فيه أربع أختيارات
الاول :OOOO ده بتاع المسافة المقطوعة
الثاني :TRIP A ده بتاع الرحلة رقم 1
الثالث : TRIP B ده بتاع الرحلة رقم 2
الرابع بأه : ----------
-----------------------
--------------------------

ده بتاع ايه ... في الكتلوج بيقولك انك بتقدر تتحكم بدرجة الاضائة بتاعت التابلوة حد يعرف ازاي ومنين ؟؟؟؟

[me_medoo]

طبعاً النقطة الثانية مذكورة في صفحة رقم 104 .

النقطة الثالثة : في ص 52 .
بيقولك بالنسبة للأيرباج مبيتفتحتش لا لو قدر الله العربية اتقلبت او اتخبطت من الجنب او حتى من ورى ... ولا حتى الناس الي بتقلك اصل في حساسات في الكرسي والي يقلك بيفتح اذا كنت رابط حزام الامان ... مذكور في الكتاب

يمكن لأكياس الهواء srs ألأمامية أن تفنتفخ إذا تعرضت المنطقة السفلية لسيارتك لصدمة قوية . ويضيف ايضاً الكتيب قائلاً : تنتفخ أكياس الهواء srs الامامية إذا كانت شدة الصدمة أعلى من المستوى الإطلاق المصمم ، أي ما يقابل تصادم بسرعة حوالي (25 كيلو) عند الارتطام باستقامة بجدار صلب لا يتحرك ولا يتشوه شكلو .

يعني من الاخر اذا لبست في عمود مثلا من قدام او كلت مطب ونزلت العربية على بوزها فينفتح الايرباج ... طيب هما ليه مسمينها srs مش أيرباج ... فخلي بالكم محدش ياكول مطب جامد او ينزل في حفرة .

وهنا ايضاً في الكتاب فيه تحذير : أن يجب ترك مسافة بين صدرك وبين الدريكسيون مسافة 45 سم علشان قوة الانفجار بتاع الوسائد الهوائية ... يعني الي قاعد بيسوق ومقعد ابنو على حجرو ... والاخت الي بتسوق وحضنة الدريكسيون ومنزلة الكرسي تحت الدريكسيون تبعد شوية والا ممكن يسبب لها تهشم القفص الصدري .

[me_medoo]

افتح يا سمسم قصدي أفتح يا أيرباااااااااااااج

[me_medoo]

النقطة الرابعة :

موضوع زيت العربية أي أحسن زيت أستخدمتموه .. أنا شفت موضوع زيت لوكي مولي بس مجربتهوش ... وشفت موضوع عن فافيون وكمان لسه مجربتهوش ... مين جرب الزيت ده ومين جرب الزيت التاني ... وكمان لقيت في زيت بيتباع في شارع دمشق اسمو تويوتا ... وفي كتيب العربية بيقلك بننصح بزيت تويوتا وهو صناعة امراتية يعني خليجي ... يعني الظروف الصعبة والشاقة والحرارة الي على حق . وتمنو 250 جنية ... ده غير اني لقيت زيت اسموو لكزيس كمان تابع لشركة تويوتا . فأيه رأيكم يا فقهاء اليارس مين أحسن زيت للعربية .

انا كنت بستخدم زيت موبيل 1 ... بس لمن تابعت موضوع الزيت لقيت اني في كزا موبيل 1 في السوق ... وانا كنت فاهم انو كلو موبيل ... ففتحت المنيوال بتاع العربية لقيتهم كاتبين ننصح بأستخدام ثلاث أنواع .

الاول : 20w50
الثاني :15W40
الثالث :10W30
واضاف كتيب العربية وبيقول زيت محرك متعدد الدرجات تصنيفAPI من فئة SL
''Energy-Conserving''
أو ''Energy-Conserving'' SM
أو ILSAC

ده الي مكتوب في الكتلوج ... المهم تنصحوني بايه بحيث الاقي العربية ملبن تحت رجلايا كده ونعمة وهدية وبنت حلال وشكراً ليكم ياشباب .

[AmAAmAs]

النقطة الثانية صحيحة
دور العربية
شغل من دراع الاضاءة نور التبلورة
دوس على زرار Trip
الاول :OOOO ده بتاع المسافة المقطوعة
الثاني :TRIP A ده بتاع الرحلة رقم 1
الثالث : TRIP B ده بتاع الرحلة رقم 2
الرابع بأه : ----------
-----------------------
--------------------------
الرابع دة دوس عليه ضغظة طويلة النتيجة الشرط الكتير دى هاتقل+نور التبلوة هايقل وكل ماتزود وقت الضغطة النور يقل لغاية بيبقى اضعف حاجة وبعدين يرجع اقوى حاجة تانى

[me_medoo]

النقطة الثانية صحيحة
دور العربية
شغل من دراع الاضاءة نور التبلورة
دوس على زرار trip
الاول :oooo ده بتاع المسافة المقطوعة
الثاني :trip a ده بتاع الرحلة رقم 1
الثالث : Trip b ده بتاع الرحلة رقم 2
الرابع بأه : ----------
-----------------------
--------------------------
الرابع دة دوس عليه ضغظة طويلة النتيجة الشرط الكتير دى هاتقل+نور التبلوة هايقل وكل ماتزود وقت الضغطة النور يقل لغاية بيبقى اضعف حاجة وبعدين يرجع اقوى حاجة تانى

تسلم ياباشا هجرب وهشوف ... صحيح مقلتلناش أخبار نوع الزيت معاك أيه جربت حاجة محددة ولا زي حالتنا موبيل 1 .
ومرسي قوي على مشاركتك يا غالي .

[bakroov]

انا كنت عايز استفسر عن حارات الاتوماتيك ايه فايدتها و حارة 3-d نخلى عصاية الفتيس لبره والا جوة .. هل غسيل الموتور وتشحيمها عموما بياثر على حاجة فى الياريس يعنى فى حاجة اقول للراجل يخللى باله منها والا عادى وشكرا ..

[me_medoo]

انا كنت عايز استفسر عن حارات الاتوماتيك ايه فايدتها و حارة 3-d نخلى عصاية الفتيس لبره والا جوة .. هل غسيل الموتور وتشحيمها عموما بياثر على حاجة فى الياريس يعنى فى حاجة اقول للراجل يخللى باله منها والا عادى وشكرا ..

في صفحة 117 من دليل اليارس :
بيقولك ياسيدي ناقل الحركة التلقائي في سيارتك مجهز بنظام قفل تحويل لتقليل احتمالات التشغيل الخاطئ . هذا يعني أنه يمكنك تحريك الذراع ناقل الحركة خارج وضع الانتظار p فقط عندما تكون دواسة الفرملة مضغوطة والمحرك يعمل .

P: وضع الانتظار بدء تشغيل المحرك ونزع المفتاح
R : الرجوع للخلف .
D : وضع القيادة العادية (تحويل الى وضع السرعة الزائدة ممكن )
3 : فرملة المحرك (التحويل الى وضع السرعة الزائدة غير ممكن ).
2 : فرملة المحرك أقوى .
L: فرملة للمحرك قصوى .

أيه بأه ياسيدي حكاية فرملة المحرك دي ... يعني بيتقلك حركة المتور وبالذات لمن تكون نازل نزلة زي بتاعت جبل المقطم كده او مثلا لورحت الاردن او لبنان او حتى في السعودية حته اسمها حقل في الشمال ... وفي حته اسمها المجمعه كده قرب الرياض ... دي حتت بتلاقي الشارع منزل منزل يعني العربية بتجري منك لوحدها فعلشان متحرقش الفرامل فبتحط الثري او التو واذا كان المنزل جامد قوووي ومنحدر بتحط على حرف الال .

وتقريباً انو بيخلي العربية تمشي على التيرس او الغيار رقم 3 والاثنين كزالك بيخلي العربية كأنها ماشية على التاني .

لكن ملحوظة هنا في صفحة 119 :
بيقلك اقصى سرعة تقدر تمشي فيها على 2 لغاية سرعة 99 كيلو
وال ''L'' أقصى سرعة تمشي فيها عليها 54 كيلو .

وبالنسبة لل D 3 بيقلك استخدمهم عند صعود تل أو عند القطر الشاق يعني بتقطر عربية .

واللهي الناس دي محترمة جداً حتى كاتبلك هنا في صفحة 120 بيقلك السرعات بالنسبة للمنوال متزودش عنها بيقلك :
الترس الاول أقصى حاجة 44 كيلو
الترس التاني أقصى سرعة 82 كيلو
الترس التالت أقصى سرعة 120 كيلو
وأكتر من كده العربية هطلعلك لسانها ههههههههههههه
لا بس بصراحة فعلاً احيانا انا بجمع السرعات دي بكون مطر اني احرق على الغيار علشان افادي حاجة ومشاء الله على العربية تستحمل . بسم الله مشاء الله عليها .

[me_medoo]

صحيح بالنسبة لغسيل المحرك بطل ياباشا الكلام ده في العربيات التعبانة بس الي بتتغسل أما اليارس في فوم امريكي شايفو من قيمة يومين ب 35 جنية متجبش الصيني وغرق يا معلم براحتك ... بس متجبش حاجة نهائي على برفريز العربية الامامي علشان ميعلمش .
وبالنسبة للمصفحة الي تحت المتور رش عليها كده لتر سولر هترجع زي الفل بس اهم حاجه متجبش حاجة على الخراطيم سولر نهائي مد ايدك كده قدام الرموحة ورش لتر سولر هترجعهالك زي الفل . جديدة بتلمع ونظيفة .

[Ahmod]

مساء الخير جميعاً ... انا بعد عدت سنين قررت أقرء الكتاب المرمي في شنطة العربية ولقيت في قسم منو بالعربي ... وبالصور بس في حجات مقدرتش افهمها ... ايه رأيكم لو كل واحد يجيب الكتيب ارشادات مالك العربية بتاع اليارس ونقعد نزاكر سوى ...




النقطة الاولى : يعني مثلا ً في صفحة 88 من الكتاب :

بيقولك عجلة القيادة قابلة للإمالة وضبط الطول ... قم بإمالة عجلة القيادة إلى الزاوية المرغوبة ، وادفع أو أسحب عجلة القيادة لضبط طول عمود القيادة المرغوب به .

انا جربت الكلام ده لكن منفعش معاية لقيت ان الدريكسيون مبيتقربش للصدر او يتبعد عن الصدر نهائي لكن لقيت فقط بيتعلى ويتوطى ... فهل الدريكسيون بتاع اليارس اربع حركات ام حركتين فقط ... يعني بيطلع وينزل فقط ولا كمان ممكن يخش لجوى ويطلع لبرة زي العربيات الفخمة . ولا الكلام ده مش لينا للعربيات الخليجي فقط .

والله الدركسيون اعتقد انه حركتين اتنين فقط فوق وتحت

ولو حد يعرف عنده معلومة غير كدة ياريت يفيدنا

النقطة الرابعة :

موضوع زيت العربية أي أحسن زيت أستخدمتموه .. أنا شفت موضوع زيت لوكي مولي بس مجربتهوش ... وشفت موضوع عن فافيون وكمان لسه مجربتهوش ... مين جرب الزيت ده ومين جرب الزيت التاني ... وكمان لقيت في زيت بيتباع في شارع دمشق اسمو تويوتا ... وفي كتيب العربية بيقلك بننصح بزيت تويوتا وهو صناعة امراتية يعني خليجي ... يعني الظروف الصعبة والشاقة والحرارة الي على حق . وتمنو 250 جنية ... ده غير اني لقيت زيت اسموو لكزيس كمان تابع لشركة تويوتا . فأيه رأيكم يا فقهاء اليارس مين أحسن زيت للعربية .

انا كنت بستخدم زيت موبيل 1 ... بس لمن تابعت موضوع الزيت لقيت اني في كزا موبيل 1 في السوق ... وانا كنت فاهم انو كلو موبيل ... ففتحت المنيوال بتاع العربية لقيتهم كاتبين ننصح بأستخدام ثلاث أنواع .

الاول : 20w50
الثاني :15W40
الثالث :10W30
واضاف كتيب العربية وبيقول زيت محرك متعدد الدرجات تصنيفAPI من فئة SL
''Energy-Conserving''
أو ''Energy-Conserving'' SM
أو ILSAC

ده الي مكتوب في الكتلوج ... المهم تنصحوني بايه بحيث الاقي العربية ملبن تحت رجلايا كده ونعمة وهدية وبنت حلال وشكراً ليكم ياشباب .

انا من ساعت ماجبت العربية بحط موبيل 1 وزي الفل مافيش فيه اي مشاكل

لحد اخر تغييرة دي زي الزفت بصراحة

من ساعت ماحطيته وفيه خشونة وصوت الماتور عالي نسبيا !

قلت من فلتر الهوا غيرته بفلتر رياضي برضوا لسه فيه خشونة في صوت الماتور !

مش عارف بقى ده من الزيت ولا من ايه بس ارجح من الزيت لاني اول ماحطيته بدات احس بالخشونة ودلوقتي عامل بالزيت حوالي 3000 كيلو وبفكر انزله عشان اتخنقت فعلا منه

النقطة الثانية صحيحة
دور العربية
شغل من دراع الاضاءة نور التبلورة
دوس على زرار Trip
الاول :OOOO ده بتاع المسافة المقطوعة
الثاني :TRIP A ده بتاع الرحلة رقم 1
الثالث : TRIP B ده بتاع الرحلة رقم 2
الرابع بأه : ----------
-----------------------
--------------------------
الرابع دة دوس عليه ضغظة طويلة النتيجة الشرط الكتير دى هاتقل+نور التبلوة هايقل وكل ماتزود وقت الضغطة النور يقل لغاية بيبقى اضعف حاجة وبعدين يرجع اقوى حاجة تانى

معلومة جديدة بصراحة انا ماكنتش عارف الشرط الكتير دي بتعمل ايه لكن هجرب واقولكو

انا كنت عايز استفسر عن حارات الاتوماتيك ايه فايدتها و حارة 3-d نخلى عصاية الفتيس لبره والا جوة .. هل غسيل الموتور وتشحيمها عموما بياثر على حاجة فى الياريس يعنى فى حاجة اقول للراجل يخللى باله منها والا عادى وشكرا ..

شوف يا باشا بالنسة لفتيس الياريس الاتوماتيك

فهو مكون من التالي <<< قبل ده لازم تبقى عارف ان العربية 4 نقلات فقط !

P : ده يستخدم لما تيجي تركن العربية وبيفرمل العربية وبيمنعها من الحركة وطبعا المفتاح مش هيطلع من الكونتاكت الا والعربية على الوضع P

R : ده يستخدم عشان ترجع لورا ! معروفة

N : يستخدم عشان تحط العربية على المور يعني بتمور العربية " بتفصل الماتور عن العجل" بحيث لو زودت بنزين العربية ماتمشيش وفي حالة العربية وهي على المور ممكن تتزق عادي !

D: ده Drive المفروض ان طول مانت سايق يكون الفتيس على الوضع D وده بيسمحلك بالسواقة العادية مابين الغيار الاول والتاني والتالت والرابع بدون اي مشاكل

3 : ده هتلاقيه على شمال حرف D او بالاخص (D- 3) كدة المقصود انك لو وديت الفتيس للحارة الشمال هيكون على الوضع 3 ولو وديته للحارة اليمين هيكون على الوضع D مش مقصود انه ثري دي ولا حاجة

يعني انت لو حركت من ال N ونزلت لتحت كدة انت بقيت على ال D

لو وديته حركة شمال هتبقى على ال 3

طيب ال 3 ده بيعمل ايه ؟ ؟

ده بيخلي العربية ماتنقلش للغيار الرابع يعني يكتفي للغيار الثالث فقط

يعني العربية هتمشي معاك عادي جدا اول وتاني وتالت بس استووب مش هتدي الرابع !

ننزل بالفتيس تحت شوية من 3 الى 2

2 : ده يبقى العربية هتنقل معاك اول وتاني فقط ! مش هتدي لا التالت ولا الرابع

L : يبقى العربية هتفضل على الغيار الاول فقط !

طيب امتى نستخدم L ,2 ,3

دول تستخدمهم عموما لما تبقى محتاج عزم قوي او تسارع قوي للعربية واكنك بالظبط قلبت العربية مانويل لو هتحول الفتيس الى L يبقى لازم بعدها تنقل بايدك الى 2 ثم الى 3 ثم الى D عشان لو مانقلتش هتحرق الفتيس والعربية هتجيب وش سلندر ! !

ايووووووة حصلت مع واحد زميلي كان طالع على الصحراوي وميعرفش انه المفروض يسوق على ال D وسايب العربية على وضع 3 ! !

وفضلت العربية على الغيار التالت مانت مش سامحلها انها تروح للغيار الرابع

وبعدين ! ! التالت في الياريس اخره 160 ! بعد كدة هتبدا تدخل في الريد زون والماتور يفصل ولازم ياما تخف السرعة ياما تحول الفتيس على ال D عشان تروح على الرابع !

المعلم سايب العربية ودايس ! والماتور عمال يفصل منه وهو مش واخد باله ! اللمبة اللى المفروض لونها بيبقى اخضر وعليها Cool قلبت احمر ! وطلعلته لمبة الحرارة وهووب العربية جابت جوان وش سلندر ! !

يعني بإختصار انت كسواقة عادية خليك على ال D

حبيت تجري وتشد ممكن تسقط نقلات وتحول العربية على المانويل بس تخلي بالك من ال RPM مايدخلش منك في الاحمر عشان انت قلبت العربية مانويل ! ! فلازم تنقل بنفسك

برضوا عشان الغيارات دي بتدي عزم قوي للعربية فبينصح انها تستخدم في المطالع الجامدة

وفي نفس الوقت ممكن تعزز بيها ثبات العربية ! ! ازاي ؟ ؟

مثلا كنت من حوالي اسبوعين راجع من طريق الواحات وداخل على ملف على سرعة 140 ! حسيت العربية خفت مني خاصا ان كان المفروض اخد الملف في حارتي عشان فيه عربيتين على يميني وشمالي

رحت محول الفتيس ال 3 ! كدة انا سقطت تالت طبعا ماينفعش احوله الى 2 وانا ماشي على 140 ! كدة انا بحرق الماتور !

العربية كلبشت والعزم اداها ثبات وخدت الملف بدون مشاكل ! !

انت جرب بنفسك خليك مثلا ماشي في شارع على سرعة 60 على سبيل المثال وبعدين سيب رجلك من على البنزين وحرك الفتيس من ال D الى 2

دوس بعدها بنزين وسيب رجلك من على البنزين بص على ال RPM هتلاقي لسه عالي ! مانت محولها مانويل ! !

دوس بعدها بنزين تاني واستمتع باقوى عزم للعربية ! ! بس ماتنساش تنقل بعدها ل 3 ثم D

ويفضل لو انت مالكش في الجري والحرق يبقى تخليك علطول على ال D ولما تحب تتجاوز عربية تقل رجلك على البنزين حبتين وده انسب حل عشان تحافظ على العمر الافتراضي بتاع الفتيس وزيت الجير بوكس

في صفحة 117 من دليل اليارس :
بيقولك ياسيدي ناقل الحركة التلقائي في سيارتك مجهز بنظام قفل تحويل لتقليل احتمالات التشغيل الخاطئ . هذا يعني أنه يمكنك تحريك الذراع ناقل الحركة خارج وضع الانتظار p فقط عندما تكون دواسة الفرملة مضغوطة والمحرك يعمل .

P: وضع الانتظار بدء تشغيل المحرك ونزع المفتاح
R : الرجوع للخلف .
D : وضع القيادة العادية (تحويل الى وضع السرعة الزائدة ممكن )
3 : فرملة المحرك (التحويل الى وضع السرعة الزائدة غير ممكن ).
2 : فرملة المحرك أقوى .
L: فرملة للمحرك قصوى .

أيه بأه ياسيدي حكاية فرملة المحرك دي ... يعني بيتقلك حركة المتور وبالذات لمن تكون نازل نزلة زي بتاعت جبل المقطم كده او مثلا لورحت الاردن او لبنان او حتى في السعودية حته اسمها حقل في الشمال ... وفي حته اسمها المجمعه كده قرب الرياض ... دي حتت بتلاقي الشارع منزل منزل يعني العربية بتجري منك لوحدها فعلشان متحرقش الفرامل فبتحط الثري او التو واذا كان المنزل جامد قوووي ومنحدر بتحط على حرف الال .

وتقريباً انو بيخلي العربية تمشي على التيرس او الغيار رقم 3 والاثنين كزالك بيخلي العربية كأنها ماشية على التاني .

لكن ملحوظة هنا في صفحة 119 :
بيقلك اقصى سرعة تقدر تمشي فيها على 2 لغاية سرعة 99 كيلو
وال ''L'' أقصى سرعة تمشي فيها عليها 54 كيلو .

وبالنسبة لل D 3 بيقلك استخدمهم عند صعود تل أو عند القطر الشاق يعني بتقطر عربية .

واللهي الناس دي محترمة جداً حتى كاتبلك هنا في صفحة 120 بيقلك السرعات بالنسبة للمنوال متزودش عنها بيقلك :
الترس الاول أقصى حاجة 44 كيلو

يفضل عدم استخدام ال L لكن الاول عموما اخره 55 او 60 !

الترس التاني أقصى سرعة 82 كيلو

ده اخره 100 بالظبط من غير ماتدخل في الاحمر ! ومرة جبت 110 عليه بس دخلت سيكا في الاحمر ونقلت عند 7 !

Toyota Yaris Acceleration 0-100 1.3 L 11sec ! - YouTube

بص هنا هتلاقيني جايب 110 على التاني بس ال RPM كان دخل في الاحمر

الترس التالت أقصى سرعة 120 كيلو

يا كبير 120 ده انت لسه يدوب بتقول يا هادي في بداية الترس التالت ! !

اخره 155 يا كبير ! ومرة جبت 160 عليه على الصحراوي والعربية ماكنتش دخلت في الاحمر

Toyota Yaris 1.3 L vs Lancer 1.6 CVT Drag Race - YouTube

بص في الفيديو عند الثانية 1:16 هتلاقي العربية نقلت من التالت للرابع ركز مع العداد هتلاقيه عند 155 - 160 تقريبا ! مع اني كنت مديها ال D من مدة ! يعني لو كنت سبتها على ال 3 كان ممكن اجيب اكتر من كدة على التالت

وأكتر من كده العربية هطلعلك لسانها ههههههههههههه

لاء مش هتطلع لسانها ولا حاجة طالما مادخلتش في الاحمر ! ولو دخلت في الاحمر الماتور هيفصل منك وتلحقه بنقلة على السريع والا هيبدا يحصل معاك مشاكل

لا بس بصراحة فعلاً احيانا انا بجمع السرعات دي بكون مطر اني احرق على الغيار علشان افادي حاجة ومشاء الله على العربية تستحمل . بسم الله مشاء الله عليها .

[me_medoo]

النقطة الرابعة :

موضوع زيت العربية أي أحسن زيت أستخدمتموه .. أنا شفت موضوع زيت لوكي مولي بس مجربتهوش ... وشفت موضوع عن فافيون وكمان لسه مجربتهوش ... مين جرب الزيت ده ومين جرب الزيت التاني ... وكمان لقيت في زيت بيتباع في شارع دمشق اسمو تويوتا ... وفي كتيب العربية بيقلك بننصح بزيت تويوتا وهو صناعة امراتية يعني خليجي ... يعني الظروف الصعبة والشاقة والحرارة الي على حق . وتمنو 250 جنية ... ده غير اني لقيت زيت اسموو لكزيس كمان تابع لشركة تويوتا . فأيه رأيكم يا فقهاء اليارس مين أحسن زيت للعربية .

انا كنت بستخدم زيت موبيل 1 ... بس لمن تابعت موضوع الزيت لقيت اني في كزا موبيل 1 في السوق ... وانا كنت فاهم انو كلو موبيل ... ففتحت المنيوال بتاع العربية لقيتهم كاتبين ننصح بأستخدام ثلاث أنواع .

الاول : 20w50
الثاني :15W40
الثالث :10W30
واضاف كتيب العربية وبيقول زيت محرك متعدد الدرجات تصنيفAPI من فئة SL
''Energy-Conserving''
أو ''Energy-Conserving'' SM
أو ILSAC

ده الي مكتوب في الكتلوج ... المهم تنصحوني بايه بحيث الاقي العربية ملبن تحت رجلايا كده ونعمة وهدية وبنت حلال وشكراً ليكم ياشباب .

طيب اانا سئلت بتاع فلفين عن الزيت المناسب للعربية التويوتا ويعتبر هو رد على واحد تاني عندو النترا كأنو بيجاوب عليا شوف بتاع فلفين كتبلوو ايه

النوع المناسب هو SynPower 5W30 MST وده يمشي معاك لحد 20000Km

ولو عايز نوع كل 5000 ده هيبقى معدني 20W50 أو 15W40
وفي زيت نصف تخليقي DuraBlend 10W40 وده يقعد معاك 7000Km

يعني بالظاهر ان في كتيب تعليمات تويوتا بيقلك استخدم الزيت النص تخليقي كل 5000 كيلو واقلب وغير ... علشان تحصل على أفضل نتيجة وأحسن وأداء .

يعني طيب أحمد باشا أنتا المره الجي هتستخدم أيه زيت فلفين الهولندي ... ولا لوكي مولي الالماني ... ولا زيت تويوتا الاصلي الامراتي ... ولا هتفضل على موبيل 1 .








عاوزين كل واحد مننا المره الجيه يجرب نوع زيت مختلف ونيجي نقل بعض مين أحسن ... علشان ننصح بقيت قائدي اليارس بزيت معين . ولا ايه رأيكم يا شباب ... حد جرب نوع مختلف ياريت يقلنا .

[bakroov]

الله يكرمك يا استاذ احمد انت فعلا وضحتلى كل حاجة وربنا يجازيك خير .. اخر سؤال سمعت انه يفضل فى الاتوماتيك انك تقف وبعدين تنقل لو عايز تمشى مانيوال وطبعا ده صعب على الطريق فلو الغيار يسمح ممكن انقل وانا على 60 عادى

[Ahmod]

الله يكرمك يا استاذ احمد انت فعلا وضحتلى كل حاجة وربنا يجازيك خير .. اخر سؤال سمعت انه يفضل فى الاتوماتيك انك تقف وبعدين تنقل لو عايز تمشى مانيوال وطبعا ده صعب على الطريق فلو الغيار يسمح ممكن انقل وانا على 60 عادى

العفو يا باشا على ايه انا تحت امرك

وشوف بالنسبة لتحريك عصا الفتيس فيه اوضاع تقدر تحرك الفتيس وانت ماشي وبدون اي مشاكل

وفيه اوضاع لازم تكون واقف ! بل لازم تكون رجلك على الفرامل والا مش هيتحرك الفتيس ! !

تقدر تحرك عصا الفتيس من ال N الى D او العكس وانت ماشي بدون مشاكل

كذلك تقدر تحرك عصا الفتيس من ال D الى 3 , 2 , L او العكس بدون مشاكل بس لازم تاخد بالك من حاجتين

الاول : انك تنزل على غيار مناسب مع سرعتك

غيارات الياريس الاتوماتيك كالتالي

الاول : 55

التاني : 100

التالت : 155

يعني ماينفعش اكون ماشي 120 وانزل على وضع 2 وماينفعش اكون ماشي 70 وانزل على ال L

وماينفعش اكون فوق ال 160 واحول الفتيس للوضع 3

يعني لازم تنزل على غيار مناسب مع السرعة اللى انت ماشي عليها

تاني حاجة تاخد بالك منها انك هتحول العربية مانويل يعني لازم تنقل بايدك بعد كدة وماتبقاش منتظر ان العربية تنقل لوحدها

وعادي مافيش مشكلة وانت ماشي على 60 تنزل على 2

بس اهم حاجة لما تحرك عصا الفتيس تدي العربية حوالي ثانية او ثانية ونص كدة هتحس فيهم ان العربية بتجمع العزم او بتنقل وبعدين تدوس بنزين !

اما تحريك عصا الفتيس من ال N الى R او العكس ! لازم تبقى واقف

كذلك من ال P الى R او العكس لازم رجلك على الفرامل ولازم تبقى واقف !

حتى هتلاحظ ان ال R معمولة باللون الاحمر !

--------------

على فكرة يا جماعة انا جربت موضوع الشرط الكتير وطلع فعلا بيتحكم في قوة الاضاءة بتاعة التبلوه

[BLOODY_STONE]

بالنسبة للزيت متجيبش زيت تويوتا اللي مصنوع في السعودية عشان ده معدني مش تخليقي (5000 كم بس) و انا شايف حرام يتحط لأي عربية من المواتير الجديدة زيت غير التخليقي الكامل ... انا جربته مرة و مكونتش اعرف انه معدني و مفيش فرق في الاداء نهائي ..

الايرباج انا مكنتش مصدق الكاتالوج (في حاجات اوفر اوي فيه) لحد ما حصلت مع واحد صاحبي لبس بلاعة جامدة اوي و هو ماشي بسرعة (100 تقريبا) و فعلا الايرباج فتح ... بس العربية فولكس باسات

الدركسيون حركتين بس ..