استفسار عن تويوتا كرولا 1994 ..

[sammor_28]

ازيكم ياتويوتاويه ....
لو سمحتم كنت عايز اعرف معلومات عن العربيه التويوتا كرولا موديل 1994..
1600cc-اوتوماتيك-تكييف-زجاج-مرايات-كاسيت تويوتا..
تساوي تقريبيا في حدود كام؟
وهى انجكشن ولا كربراتير؟..وهى حلوه وقطع غيارها متوفره زي 1300 ولا لأ ؟
ياريت الي عنده اي معلومه يقدر يفيدني بيها يقولهالي وانا في غايه الشكر..
وشكرا :)

[wael6600]

اهلا بيك يا sammor

انا دورت شهور كتيره على الموديل ده بصراحه خصوصا ال1600 لم اجد عربيات كويسه كلها فيها عيوب واللى كانت كويس كانت غاليه اوى كانت ب 70 الف ونزلت السوق اكتر من مره لكن النظيف منها غالى زى ما قولتلك

وبخصوص قطع الغيار فى واحد اعرفه معاها الموديل ده و1600 برضه بيقولى ان قطع غيارها موجوده بس انا مش متاكد من كلامه اوى .

[hazem_khidr]

انجكشن و فيها Rbm
و استهلاك بنزينها كويس لاني لسه جايب واحده معاقين لواحد من بور سعيد الاسبوع اللي فات
و قولتله هات 1300 هو صمم علي 1600
بس بالنسبه لقطع الغيار لا اعلم مدي توافرها.
علي فكره جبناها من بورسعيد بالاجراءات بكله وقفت ب 60 الف

[tarekmomo]

انا كان معايا وحدة 1300 موديل 1993 ومن وجة نظرى ان كرولا من موديل 1993 الى 1997 من افضل السيارات التى انتجتها تويوتا من وجهة نظرى لو قدامك واحدة ما تفرطشى فيها

[د.محمود صلاح]

العربيات دى هى نمرة واحد فى الخليج زى ال 128 كده هنا فى مصر , شغالة تاكسي وهات يا حرت فيها وتتحمل الحرارة وبتجرى على كيفك
من 93 ال 97 شكل واحد تقريبا
ال1600 بتبقى كاملة زجاج ومرايات وباور وكاسيت تويوتا أصلى والدركسيون يمكن تعديل اوضاعه وعداد ار بى ام
اما ال 1300 بتبقى من غير عداد الار بى ام وزجاج عادى ولا يمكن تعديل وضع الدركسيون

[tarekmomo]

انا كان معايا واحة1993 1300سىسى مواصفات خليجى والدركسيون كان بيتعدل وكان فيها 4 زجاج كهرباء

[د.محمود صلاح]

يبفى كان فيه فئات للعربية حسب الكماليات .... والله أعلم

[mayky]

tab yagama3a ana 3andy so2al
hal fi 1300 full option wala la2 we law fih teb2a fi 7odod kam??
shokran

[Rsarabia]

بالذات موديلات 93 و 94 دى تقفيل ياباتى اللى بعد كدا تقفيل مصرى

[morabet79]

هل الكورولا موديل 94 / 1300cc إنجيكشن كامل ولا هاف؟

وإيه أخبار إستهلاك البنزين ، وتوافر واسعار قطع الغيار؟؟؟؟؟؟

[nobody]

بالذات موديلات 93 و 94 دى تقفيل ياباتى اللى بعد كدا تقفيل مصرى

تعديل بسيط
مفيش كرولا تقفيل مصري نهائيا

[ramzimz6]

معايا واحدة1994 اوتوماتيك 1300سىسى مواصفات خليجى والدركسيون يدوى وكذلك الزجاج أرغب فى تحويل الدركسيون ليصبح هادروليك باور كم يكلفنى باسعار الامارات؟