عداد البنزين بيهيس كورولا 2009

[M.FOUAD]

دلوقتي العربية البنزين خلص منها و العداد الانالوج لسة على النص و كمبيوتر العربية كان لسة بيقول البنزين اللي فاضل يمشيني 300 كيلو كل اللي حصل اني كنت راجع من بورسعيد و ماشي على 160 طول السكة
مفيش حد جة جنب العربية خالص و لا عمري فكيت فيها اي حاجة من ساعة ما اشتريتها
رايكم افك العوامة جايز تكون معلقة و لا اشوف المشكلة في لوحة العدادات جايز تكون فية فيشة متحركة من مكانها

[Unendlich]

موضوع فك العوامة ده ممكن يبقى مكلكع حبتين
أعتقد أسهل حاجة ممكن تبدأ بيها (لو مش عايز توديها التوكيل أومركز معتمد) إنك تجرب تفرمتها
تفصل البطارية نص ساعة ساعة و بعدين توصلها تاني و تدور ال عربية 5-10 دقائق و تفصل البطارية تاني 30 ثانية و خلاص على كده (الكلام ده من forums تويوتا مش من عندي)
و ربنا يوفقك

[M.FOUAD]

هجرب يا باشا ربنا يكرمك

[Ahmod]

موضوع فك العوامة ده ممكن يبقى مكلكع حبتين
أعتقد أسهل حاجة ممكن تبدأ بيها (لو مش عايز توديها التوكيل أومركز معتمد) إنك تجرب تفرمتها
تفصل البطارية نص ساعة ساعة و بعدين توصلها تاني و تدور ال عربية 5-10 دقائق و تفصل البطارية تاني 30 ثانية و خلاص على كده (الكلام ده من forums تويوتا مش من عندي)
و ربنا يوفقك

ده كلام سليم +11111111111

افصل سالب البطارية ربع ساعة كفايا عشان تعمل ريستارت لل EUC

وان شاء الله هتكون مجرد معلقة وهتتحل

سعات عندي في الياريس بحط بنزين والاقي برضوا العلامة عمالة تنور وتطفي ! واول مرة عملت كدة كنت هرجع للبنزينة اتخانق معاهم لاني يومها ماركزتش مع المسدس ! وقلت بس اتنصب عليا

بعد كدة لقيتها اتعدلت لوحدها بس كتير بتعمل الموضوع ده

[ehab567]

سؤال لصاحب الموضوع بس مش في الموضوع أنا آسف
[overline]
معروض عليا كورولا 2009 بس خايف آخذها علشان القلق الي تكلموا عنه في الفتيس ودواسة البنزين فهل فعلا هناك مشكلة معينة في العربية ولا كل حاجة تمام أرجو الرد بسرعة وأعتذر مرة ثانية
[/overline]

[Ahmod]

سؤال لصاحب الموضوع بس مش في الموضوع أنا آسف
[overline]
معروض عليا كورولا 2009 بس خايف آخذها علشان القلق الي تكلموا عنه في الفتيس ودواسة البنزين فهل فعلا هناك مشكلة معينة في العربية ولا كل حاجة تمام أرجو الرد بسرعة وأعتذر مرة ثانية
[/overline]

الكورولا دي mmt ولا اتوماتيك عادي ؟

بمعنى لو هي جنوب افريقي mmt يبقى بلاش احسن

لو اتوماتيك عادي الفتيس p , r , n ,d يبقى توكل على الله واشتريها

[ehab567]

الكورولا دي mmt ولا اتوماتيك عادي ؟

بمعنى لو هي جنوب افريقي mmt يبقى بلاش احسن

لو اتوماتيك عادي الفتيس p , r , n ,d يبقى توكل على الله واشتريها

شكرا على سرعة الرد
بس سؤال كمان لو سمحت هيا عملة 85000 كيلو يبقى سعرها كام
وحكاية نوع الفتيس أعرفها ازاي ؟

[ibn_seena]

بص المشكله دي حصلت معايا في مرة وانا دورت على مكان فيوز العدادات في الكتالوج وطلعته لقيت عليه ماده سوداء نضفته وركبته تاني ظبط عداد البنزين

[M.FOUAD]

سؤال لصاحب الموضوع بس مش في الموضوع أنا آسف
[overline]
معروض عليا كورولا 2009 بس خايف آخذها علشان القلق الي تكلموا عنه في الفتيس ودواسة البنزين فهل فعلا هناك مشكلة معينة في العربية ولا كل حاجة تمام أرجو الرد بسرعة وأعتذر مرة ثانية
[/overline]

و لا يهمك يا باشا
بص انا اللي معايا مانيوال عادي مفيش في العربية اي مشاكل نهائي الحاجة الوحيدة الملحوظة ان التيل بميقعدش فيها زي الشكل اللي قبلة غير كدة العربية ممتازة اول مشكلة تحصلي هي موضوع عداد البنزين دة و العربية عاملة معايا 142 الف كيلو و اعرف ناس ماشية معاهم دلوقتي 250 الف و مصرفوش عليها ملليم
بس نصيحة لو العربية فتيس mmt ابعد عنها احسن سوق المستعمل واقف و محدش بيفهم فيها اما لو مانيوال او اوتوماتيك عادي توكل على اللة بدون تردد

[M.FOUAD]

بص المشكله دي حصلت معايا في مرة وانا دورت على مكان فيوز العدادات في الكتالوج وطلعته لقيت عليه ماده سوداء نضفته وركبته تاني ظبط عداد البنزين

شكرا يا باشا على الرد انا شيلت الفيوزات كلها و حطيتها تاني و مفيش امل هضطر اروح التوكيل بقى و خلاص

[ibn_seena]

شكرا يا باشا على الرد انا شيلت الفيوزات كلها و حطيتها تاني و مفيش امل هضطر اروح التوكيل بقى و خلاص

بسيطه ان شاء الله