كورولا

[adel1412]

افضل موديلات الكورولا 2005 ..2006...2007...2008
ياريت تفيدوني علي اعتبار ان الكماليات واحده بس اكيد في موديل افضل من التاني

[medododo]

بص انا مش هقدر افيدك أوي لأني مش خبير بالكورولا
بس على قد معلوماتي
مدام هتشتري مستعمل يبئى الحالة اللي بتتكلم
أهم حاجة متجبش 1300 سي سي

[S O P H O S]

بالعكس ال 1300 مش وحش فالكورولا صدقني انا كنت بقول زمان من هركب اقل من 1600 عاوز عربية قوية فسحبها وتجري معايا انما لما ركب التويوتا بصراحة غيرت وجهة نظري ف ال 1300 وبرضه حسب احتياجك فالاخر
بالنسبة اللسؤال الاساسي اظن ان موديل 2004 وموديل 2007 افضل موديلات الكورولا الشكل القديم
مجرد راي
تقبل مروري

[medododo]

أنا أقصد 1300 أوتوماتيك
أنا سوقتها
في الصيف مع التكييف طلعتها مش قد كده
1600 خطيرة ما شاء الله

[adel1412]

جزاكم الله خير عالرد .. اكيد 1600cc هتكون اقوي وافضل بس اي موديل تقفيل ياباني لاني بسمع ان التقفيل في مصر جنوب افريقي بس مش عارف اي موديل بالضبط وانا عايز ابعد عن الجنوب افريقي ا اي تقفيل غير ياباني ...
سوال تاني ايه هي افضل عربيه مستعمله في حدود 90 الف جنيه ؟...
وايه رايكم في تويوتا افينسيس موديل ٢٠٠٦ او ٢٠٠٧ بس مانيوال؟

[me_medoo]

بص ياباشا ايه الفرق بين الفلة والوردة والياسمينه نفسالحكاية لمن بتفكر في موديلات الكوروله لكن الفرق هنا بيكون فرق نضافة وموديل ، اما بالنسبة للنقطة التانية عربية في حود المبلغ الي ذكرتو في عندك الالنترا في عندك الاكسنت الجديدة تقدر تجيب بيجو ٣٠٧ حكاية تقدر تجيب اوبل فيكتر الشكل الجديد ودي اكتر حاجة ارشحهالك لانها ممتازة وعن تجربة وتحياتي

[adel1412]

بص ياباشا ايه الفرق بين الفلة والوردة والياسمينه نفسالحكاية لمن بتفكر في موديلات الكوروله لكن الفرق هنا بيكون فرق نضافة وموديل ، اما بالنسبة للنقطة التانية عربية في حود المبلغ الي ذكرتو في عندك الالنترا في عندك الاكسنت الجديدة تقدر تجيب بيجو ٣٠٧ حكاية تقدر تجيب اوبل فيكتر الشكل الجديد ودي اكتر حاجة ارشحهالك لانها ممتازة وعن تجربة وتحياتي

طيب ماهو انا اقصد الموديل .. في حاجات كده بتعلم واكيد في موديل معين في السياره بيكون افضل من الباقيين
انادخلت علي مواقع للسيارات المستعمله لقيت الفرق واضح في السعر بين موديلات ٢٠٠٧ والموديلات اللي بعدها ال ٢٠٠٧ مش نازله عن ٩٠ الف .... والسي سي ١٣٠٠ كمان ... فقلت اكيد الموديل ده مميز ...
ياريت حضرتك او حد من الاخوه عنده خلفيه عن الافينسيس ....

[me_medoo]

هو بص ياباشا في عربيات ملهاش معيار محدد بالذات هنا في بلدنا المصون ... وكل ماتيجي تسئل حد يقلك دي كورولا ياباشا ... دي يباني يا فندم ، في بحث انا عملو على عدة أجزاء والحمدالله لقى قبول عند كتير من الناس عاملو على شكل قصة كده ظريفة أقراه هيفيدك في حكاية الشراء والبيع العربيات المستعملة في مصر

http://www.nilemotors.net/Nile/264395-a.html

أنشاء الله هيعجبك ويفيدك ... في كزا موضوع بس انتا قلب في الصفح .

[adel1412]

هو بص ياباشا في عربيات ملهاش معيار محدد بالذات هنا في بلدنا المصون ... وكل ماتيجي تسئل حد يقلك دي كورولا ياباشا ... دي يباني يا فندم ، في بحث انا عملو على عدة أجزاء والحمدالله لقى قبول عند كتير من الناس عاملو على شكل قصة كده ظريفة أقراه هيفيدك في حكاية الشراء والبيع العربيات المستعملة في مصر

http://www.nilemotors.net/nile/264395-a.html

إن شاء الله هيعجبك ويفيدك ... في كزا موضوع بس انتا قلب في الصفح .

انا قريت الموضوع بتاعك ... والله جميل جدا واكثر من رائع ... وطبعا ضحكت كتير ...
والتعليقات اللي علي الموضوع جميله جدااااا
بس كده الواحد شكله لا هيجيب مستعمل او جديد ...
طيب انا حاليا في الامارات واغلب اللي هنا بيشتري وينزلها مصر بعد اربع او خمس سنين عشان الجمارك وكده ،، وانا كنت ناوي اعمل كده بس بيقولو نفس الشيء مفيهاش توفير قوي ده غير اني محتاج عربيه حاليا في مصر لان الواحد بيتبهدل في المواصلات في الاجازه .......

[ahmedkhairy]

تويوتا 1300 ممتازة جدا

[Veroman]

انا اللى سمعتة عن ال 1300cc انها بعد ال 120 بتعوم جامد

[احمد فهمى]

من 2002 ل2007 شكل واحد 1300 وفى منها 1600 بس قليل جداً وهى طبعاً فقيره تكنولوجيا بس ملهاش مشاكل تماماً وده اللى مغلى سعرها الى الان بس بصراحه مش عربية واحد بيهوى السواقه بمعنى الكلمه انا جبتها اسبوعين وبعتها وبعد كده جبت ياريس فعلاً افضل بشكل كبير فى السحب والفرامل ومن الداخل عصريه اكثر بالنسبه ل2008 دى كانت مشكله لتويوتا فى مصر نزلت عربيه فى نظرى ممتازه بس الفتيس للأسف فى عيب صناعه مش عرفين يحلو الى الان وده الmmt بس فى منها خليجى بفتيس اوتوماتيك عادى مفيش منو مشاكل وحتى الجنوب افريقى المانيول مفيش منو مشاكل وفى 2010 رجع الجنوب افريقى للفتيس الاوتوماتيك العادى وبعد كده 2011 عدلو الشكل ونزلت يابانى عادى جداً