السلام عليكم

[elshatlawyt]

أريد المساعدة فى تسعيير سيارة تويوتا ياريس ومواصفاتها كالأتى

الموديل 2008 كاملة أوتوماتيك عدد الكيلومترات 32600 رشة بعض الأجزاء نظافة بها فرش جلد طبيعى اللون الرمادى والكاسيت عادى وليس سى دى

برجاء الأفادة عن سعرها الحالى بالسوق المصرية وشكرا

[me_medoo]

حبيبي قلبي ... اليارس انتا بتقول كاملة ... يعني قزاز كهربا وأتوماتيك وجنوط ... دي كان تمنها حوالي في حدود 100.000 جنية .
أخصم عن كل سنة استخدام 5000 جنية . يطلعلك السعر الحالي 80.000 جنية .

بس لو أتوماتيك وقزاز أوكر وفيها ايرباج ومرايات كهربا دي متبقاش كاملة ولا ديولو دي اسمها فاضية اتوماتيك .
ودي كانت أياميها بتتباع ب 92.000 جنيه نخصم منها نخصم منها استهلاك أربع سنين في خمس تلاف ب 20.000 جنية تقف العربية في حدود 70.000 جنية ... وانتا بتقول رشة ... اذا رشة اكصدمات مش مهم بس اهم حاجة الزنب والاساسيات ... والفلتو بتاع البيبان والكبوت والشنطة وعضم العربية سليم ...

[me_medoo]

أه وكمان خلي بالك ... في كل العربيات ... انتا بتقول هيا ماشية 32000 ودي اما صحبها كان مبيستخدمهاش وحنين عليها ويادوبك المشوار على القد ... فبص على الكوتشات اذا لقيت اي كوتش ممسوح فيهم يبقى العداد متغير يامعلم ...

[me_medoo]

ميكنوش ممسوحين ولا متغيرين ... هتلقيهم برليجستون أنتاج 2008 ... لأن كل ملاك اليارس كوتشهم يباني بيستحمل وبيعيش ومبيتمسحش بسهولة الا لمن العربية تمشي مسافات كتير يعني 60.000 كيلو وطالع ... وتأكد كمان أن المصفحة الي تحت المتور سليمة وموجودة ومش متشالة ... ومدافع الشاسية بتاعت الفبريكة ... مش مدهونة بتلمع او لونها اسود مط ... أو أقلك خودها محطت بانزين محترمة يرفعوهالك ... بس يكون عندهم جهاز الاليكتروني بتاع كشف اللون ... قيمة الفحص 130 جنية . أضظن أكتر من كده مفيش غير اجيلك اكشفلك عليها بنفسي هههههههههههههههه

[S O P H O S]

74 اظن
مجرد راي

[elshatlawyt]

يا باشا رنا يكرمك وألف شكر

أنت راجل محترم بجد وفعلا هو صاحب العربية شغال معايا فى بورت غالب وبينزل أجازات بسيطة عشان كدة العربية مبمشيش كتييير

على فكرة دى أول عربية هشتريها وخبرتى قليلة جدا

يعنى كل اللى أعرفة من خلال النت والمنتديات وطبعا أحسن ناس لاقيتهم بيساعدوا بجد هو أعضاء جروب محترم قصدى منتدى محترم زى نايل موترز وأتمنى التواصل لأنى أكيد هحتاج خبرتكم فى المستقبل
صاحب العربية بيقولى أنى لازم أعمل صيانة ال35000
وأنا من المنصورة فممكن أعرف مين توكيل تويوتا فى المنصورة وصيانة ال35000 تتكلف كام

وألف شكر