عايز اركب رافعات للزجاج و مرايات ضم للياريس

[Motaz.Habib]

برحاء الافادة
عايز اركب رافعات للزجاج و مرايات ضم ياريت تؤلى الاسعار والاماكن و هل بتعطل بعد كدة
ياريت لو فى حد فمدينة نصر او مصر الجديدة

[S O P H O S]

متابع فموضوع المرايات معاك
تقبل مروري

[Veroman]

المرايات انا لما سالت قالولى لازم تغير كلها حتى لو هى كهربا لا و كمان هتتجاب حاجة للضم نفسة بالنسبة لية انا سالت على اسعار المريات فى التوكيل و كانت غالية اوى مش فاكر بكام للناحية الواحدة بس

اما واحدات الرفع انزل التوفقية اشتريها و ركبها فى اى حتة عشان التوفقية ارخص اسعار

[me_medoo]

[COLOR="black"]ام[بارح كنت قاعد بزاكر في المنتدى بتاع التويوتا العباقرة الي سبقونا عملو ايه في عربياتهم وعلى ما اتذكر في فصفحة ٦٢ موضوع بيتكلم. عن المرايات.
المهم باه دخل واحد عبقري وقالك حاجة جميلة قوي قلك ياسيدي ان مريات الكورولا ومريات الكامري واليارس والافينسس تقريبا. نوع واحد وبيركبو عادي على بعض وانو راح لبتوع الاستيراد جاب مريات الي فيها الاشارة بتاعت الافينسس وركبت على اليارس عادي. واذا الكلام ده صحيح. روح اسئل عن مريات ضم للكورولا وركبها عادي وانشاء الله لمن ادخل على الكمبيوتر هعمل موضووع عن اهم مواضيع تويوتا الناس الي سبقونا كانوا بيعلمو ايه في عربياتهم معلش لاني على الاي باد فمش هعرف اطلعلكم الموضوع من ارشيف منتدى تويوتا بتاع العباقرة /COLOR]م

[me_medoo]

بالنسبة لوحدة الرفع هو في واد اعرفو في الحرفين شغال في توكيل وولف. هيكلفك في حدود ١٠٠ جنية الاربعة شباك وفي عندك الحج توفيق في التوفقية صاحب محل الحكيم ده متخصص كمان في وحدات الرفع

[Hamdy Masria]

انا لسة مركب وحدتين
الوحده الواحدة بتشغل بابين فقط

والصنايعى اكدلى انها احسن وبتعيش اكتر
ومعظم الوحدات اللى بتكون 4 بتبوظ بسرعة
ومشاكلها كتير

الوحده اللى عندى نوعها سيمفونى
اشترتها ب 60 للوحده يعنى الأتنين 120
طبعا شامل التركيب

[me_medoo]

تمام ماهي الي برضو بتكلم عنها وحدتين كمان بس انا ركبتهم ب ١٠٠ ناناااااناااا هههههههههه. ياسيدي مبروك منين باه

[BLOODY_STONE]

انا بفكر في وحدة الرفع من زمان بس كنت مستني اشوف لو في انواع نضيفة ولا لأ عشان اي شغل في العربية بحبه يكون نضيف

[me_medoo]

لا اطمن يا بلدي الموضوع سهل وبسيط ... بس انا مبفضلهوش لسبب ... انو في الصيف أحيناً بحب أفتح الشباك سنة أهويها بالذات لمن اكون واقف في عز الشمس ... فوحدة الرفع دي مشكلتها بتقفل الاربع شبابيك بأحكام ... والواد بيقلي عادي لو عاوز تهويها فاتح الشباك سنة ولمن تيجي تنزل من العربية حط ايدك امسك الشباك وهو مش هيتقفل او خلي صوبعك كده فوق القزاز هههههههههههههه

بس هو حلوتو كلها في حاجتين اول حاجة لمن تكون معدي على واحد صحبك تسلم عليه على الماشي ... وجيه حلف انك تقعد تشرب كوباية شاي ... فتقوم عامل بالريموت تك فيسك العربية والقزاز .

والفايدة التانية ... برستيج ... أنو الناس تقول ياااااااااااااااااااااه ده بص بص العربية قفلت القزاز لوحدها ومفيش حد فيها ههههههههههه تكنولوجيا .

[BLOODY_STONE]

لا اطمن يا بلدي الموضوع سهل وبسيط ... بس انا مبفضلهوش لسبب ... انو في الصيف أحيناً بحب أفتح الشباك سنة أهويها بالذات لمن اكون واقف في عز الشمس ... فوحدة الرفع دي مشكلتها بتقفل الاربع شبابيك بأحكام ... والواد بيقلي عادي لو عاوز تهويها فاتح الشباك سنة ولمن تيجي تنزل من العربية حط ايدك امسك الشباك وهو مش هيتقفل او خلي صوبعك كده فوق القزاز هههههههههههههه

بس هو حلوتو كلها في حاجتين اول حاجة لمن تكون معدي على واحد صحبك تسلم عليه على الماشي ... وجيه حلف انك تقعد تشرب كوباية شاي ... فتقوم عامل بالريموت تك فيسك العربية والقزاز .

والفايدة التانية ... برستيج ... أنو الناس تقول ياااااااااااااااااااااه ده بص بص العربية قفلت القزاز لوحدها ومفيش حد فيها ههههههههههه تكنولوجيا .

هي برستيج فعلا انا كل صحابي مركبين وحدات رفع و تريقة طول النهار ... بص الواد بيقفل الازاز من الزرار هاهاهاهاهاها ... لحد ما زهقت هههههههههههههههههه

[Motaz.Habib]

متشكر جدا على الردود بس اية اخبار الاعطال بعد كدة

[BLOODY_STONE]

متشكر جدا على الردود بس اية اخبار الاعطال بعد كدة

بالظبط ... ده اللي انا عايزه ... ياريت حد مجرب يفيدنا ...

انا ليا واحد صاحبي لانسر قرش مركب من 3 سنين واحدة و شغالة معاه زي الفل ..