تقرير (مصور) حل مشكلة العمود الفقري ؟ (جينز كار )

[me_medoo]

بسم الله الرحمن الرحيم

من ساعت ما اشترينا اليارس واتعملينا مع الشركة المحترمة بتاعت تويوتا ... واحنا متعودين على الصمت والهدوء والنعومة ... ودي أكتر حاجة شدتني ليها وسحرتني فيها ، حاجة كده تقدروا تقولوا عليها حب من اول نظـرة . بس مع مرور الايام أبتدى يطلع صوت في كرسي السواق صوت تزيء كده ... وبالذات في ايام البرد القارس ... وصوت جي كمان من العفشة الخلفية بالزات وانا نازل من المطب ... أيييء أييء ... كاني راكب عربية مهكعة ... وحتى لمن شخصية تركب معايه العربية ... ويفضل سامع صوت التزيئ فيفتكر اني تخين قوي
لدرجة ان الكرسي مش مستحملني هههههههههههههه

المهم رحت عند سروجي خد مني 50 جنيه ومعملش حاجة
فرحت التوكيل قلي شاسية الكرسي محتاج يتغير ومقلتليش ليه كنا غيرنهولك في الضمان قلتلو ياحبيبي وجي تقولي دلوقتي ما اانا دايماً بشتكيلكم من الكرسي وتقلولي عادي وكل اليارس كده ... ولمن اطلع بره الضمان تقلولي ده محتاج يتغير ياحبيبي ياحبيبي طيب بكام الكرسي ياعم الحج قالي ب 3000 جنية شامل الضريبة ههههههههههه قلتلو ياحلاوة ياولاد هيا الدولة حاشرة نفسها في كل حاجة ... حتى في الشلته الي هحط ------- عليها (ظهري عليها ) حاجة غريبة .

المهم خدت بعضي وطلعت عن استاذ احمد مشعل كنت في الاول رايحلو مخصوص عاوز اعمل عزل للأرضية ويحطلي لباد في أرضية العربية ، الحقيقه الراجل أول ماشفني رحب بيه جداً ، وكأنك تعرفو من زمان مش زي بعض الشركات او المحلات الي تخش عندهم ويستقبلوك بوش ملهوش قفى ... ويقلولك نعم عاوز ايه ... أفندم أأمررر ... لالالا شخصية أستاذ أحمد مشعل غير كده خالص راجل بجد بجد من زمن الحب الجميل زمن أولاد الاصول ... وبعد ما ندى على الفني جه الفني وبص على العربية ، وكلم أستاذ أحمد مشعل ... المهم بصيت لقيت استاذ أحمد بيقلي الحقيقة عربيتك مش محتاجة عازل العربية دي محترمة جداً جداً والشركة حطالك عزل بما فيه الكفاية

أذكر الله ... بسم الله مشاء الله .

عجبني بصراحة شخصية أستاذ أحمد لأنو مش زي بقيت التجار او اصحاب الشركات الاستغلالين الي بيحبو يعملو على الواحد شغل وخلاص . بالبعكس الراجل كان أمين معايه لأبعد درجة .

والمهم وانا بدردش معاه حكيتلو مشكلتي وقصة حياتي مع الكرسي ... فالراجل كتر خيرو قالي هحاول احللك مشكلتك محاولة كده لعل وعسى والحقيقة الراجل كتر خيرو مخدش مني ولا مليم ... بس مزالت المشكلة قائمة رغم انو ريحلي ظهر الكرسي على الاخـر وخلى القاعدة عليها قاعدة ملوكي .

الراجل بنفسو نزل يعاين الكرسي معايه
وساب كل الي في ايدو واللهي راجل زوق





هنا بقى كانت فكرة باش مهندس احمد مشعل
أنو يحط جلد داخلي فوق السوست
علشان متسمعش سياخ سوست الكرسي في الاسفينج
وتحس بالسياخ الداخلية طول ما انتا قاعد



هنا باه في الصورة دي أبتدى يدبس الجلد
كويس مع شاسية الكرسي بعناية فائقة



وزي مانتو شايفين أبتدى يسحب
الجلد من تحت الشاسية علشان ميكلكعش





مش بس كده لا وكمان جاب قطن فايبر
علشان يحشي بيه الكرسي علشان يديك شعور
أنك قاعد على مخدة باشااااا والله باشاااااااااااااااااا
يامدلعني والله يأحمد باشا

فكرت ساعتها انو ياريت لو جبت بخاخة أسمها وايت جريس
ودي شحم ابيض لتلين المفاصل بس هو منصحنيش بيه ..
بس بقول يمكن لو جربتو ... يمكن تتحل مشكلة صوت تزيء الكرسي ...

تابع ...

[me_medoo]

ورغم أني لمن رحت توكيل تويوتا
في ابو رواش خدو مني 160 جنية علشان يصلحو
الكرسي من صوت التزيئ الي فيه
لكن مكملش معاية أسبوع ورجع الصوت تاني

وحتى رحت قبل كده كمان لسروجي وأستخدمنا
منتجات wd-40
راح الصوت يوم يومين ورجع تاني



فايترى ايه الحل ... أبيع العربية ولا أخس شوية
ههههههههههههه
تابع ...

[me_medoo]

بس الحقيقة الباش مهندس أحمد مشعل ...

الي كنت دايما بسمع عنو ... سمع طيب الحقيقة ... فعلا راجل من الشخصيات الي الواحد يتشرف ويحب يصاحبها ..

وكان أجمل حاجة فعلاً أني أتعرفت بيه .

هو نظام محلو أيه محل كده فوق ... وواخد بسم الله مشاء الله بدروم تحت العمارة عاملو مصنع كامل ... ويجي ولا عشرة 15 عامل ... كل واحد ليه وظيفتو واحد يرفع المقسات وواحد يحضر الاسطنمبات وواحد بس أخصائي قص بطانة والتالت أخصائي قص جلود ... والرابع أخصائي خياطة البطانة في الجلود ... وواحد مختص بالاسفنج وواحد وواحد وواحد كل واحد ليه دورو ووظيفتو ... بصراحة بعد ماشفت شغلهم كنت مكسوف قوي من الفرش الي مركبو في عربيتي وبعد ماشفت الفرش الي بيعملوه حسيت اني مش مركب فرش في عربياتي خالص ، انا حاطط بياضات بتاعت صالون على الكراسي علشان متتغبرش ... بالمقارنة بشغلهم العالي والميه ميه ... والي يغيظ أكتر ان الفرق بين البيضات الي مركبها في عربيتي وبين الفرش المية مية فرق كلام فاضي فلوس ...
انا كنت فاكر بالالوفااااات الفرش التفصيل بتاعهم هتلاقي فرق مية متين بس ... ومهما كان الفرق مش خساره فيه واللهي ... ألله هو الواحد عندو كام عربية يعني ولا هو كل يوم هيشتري عربية ولا هو كل كام سنة هيركب فرش في عربيتو ... برضو الصالون العربية بيفرق كتيررر اذا كان الفرش من جينز كار .

بصو الكرسي الزبالة بتاعي كده بالفرش الزبالة الي انا مركبو حاجة تكسف ....




هنا بقة بنحشي الكرسي بالبطانة الداخلية

بعد كده وبمنتهى العناية ... بعد حشو القطن
أبتدو كمان يلفو عليه قطع الجلد
وكل ده خلي بلكم احنا بنتلكم عن الشاسية الي تحت
ألأسفنج بتاع ظهر الكرسي



طبعاً كل العملية دي بتم تحت اشراف أحمد باشا شخصياً





هنا بقة بيتممو على الكرسي والشاسية قبل مايقفلوة خالص
ويتأكدو ان مفيش اي نوع من كلكعة البطانة الداخلية
علشان متحسسش فيها تحت ظهرك

الجميل في الامــــــــــــر ... ان كل الي شغلين أديهم نظيفة ... مش زي بقيت المحلات الي تلاقي الصنايعي بيركبلك فرش بيج وايدو كلها شحم ومهببه ... مستوى النظافة سواء اكانت في التقفيل او التركيب او الخياطة ... أو حتى الشغل داخل العربية ذات نفسها ... بلاحظ أن الفنين كلهم باستمرار لازم تكون أيديهم نظيفية بنسبة 100% علشان ميلغوصلكش العربية من جوة ... ومعيار الجودة عندهم مهم جداً مش شغل اي كلام وأقلب ...

تابع ...

[me_medoo]

بس بصراحة بعد الشغل ده القعدة أختلفت تماماً ... عن اول يا أخي متحسش أنك راكب عربية تويوتا ضهر الكرسي ملى كده وتحس أنك قاعد على كرسي مكتبك ... أو قاعد في عربية مرسيدس ... الكرسي حضنك كده مش عمودك الفقري متشعلق في الهوى .. ومع المطبات والحفر أخر اليوم تلاقي عندك أسطوانة وديسك في عمودك الفقري وأأأأأأأأأأأأاه ياظهري .. وشوية وجع يمغص عليك حياتك ...

انتو طبعاً لاحظتو مستوى الفرش
الي انا مركبو برة جينز كار (كان بياضات )
شوفو كده الفرش الي بيعملوه جينز كار للتويوتا يارس

عمرك أبداً أبداً ماهتقول ان ده فرش تفصيل ... والي هيشوفوا هيفتكر أن ده فرش الفبريكة بتعها ... بس عربيتك فل أوبشن أعلى فئة ...

والي يجننك ان الفرش بره في التوفيقية 450 و 500 جنية
والفرش عند جينز كار بيبدء من 650 جنية بس فرش فرش محترم وتفصيلتو ممتاز بجد ... والخياطة الدبل الي زي بالضبط خياطة BMW ... فعلا انا مكنتش اعرف ان في فمصر المستوى العالي ده .

وتحياتي ...

[hossam_elwani]

الله ينور على الشغل التمام وعلى طريقة سردك الممتعه ... ان شاء الله اول ما اجيب عربيه على طول جرى على جينز كار لتركيب فرش محترم بعيد عن الصنايعيه العكاكين والمحترم فيهم ترمى عنده العربيه بلاسبوعين وتلاته........

[Veroman]

مبروووووووووووك على التصليح انا فاكر كنت بتشتكى منة قبل كدة بس انتا بالذات ليك عندى شكر كبير لية بقى فاكر لما قولتلك الكرسى بيطقتق عندى و قولتلك مش عارف اعمل اعمل ساعتها قولتلى قولهم فى التوكيل كانت لسة فى الضمان و قولتلك ساعتها لا مانا قولتلهم اكتر من مرة و قالولى عملنا و بيبقى زى ماهو لغايت اخر مرة بعد ما اتقابلنا فى الاجتماع و قولتلى قولهم تانى و فعلا قولتلهم تانى و كانت هى الاخيرة عشان كانت تانى يوم تخرج من الضمان و فعلا لقو ان فى عيب فى الكرسى و غيرولى الشاسية كلة و على حسابهم دى حاجة انا مش هقدر انساهلك عشان انا كنت فقد الامل فى تصلية و كنت بحاول اتقبلو على كدة و خلاص و لكن اتغير الحمد لله

[S O P H O S]

اقول ايه واعيد ايه قولي انت اقول ايه اقول مبروك
ولا اقول مختنيش معاك ليه كان يطولي الكرسي شوية
جبت واحد صحبي قرب 190 سم علشان يعرف يشوف اخر الكبوت ابدا هههههههههه
انت عارف بقي تويوتا منعا حد يشوف الكبوت علشان انسيابية الهواء تقريبا
ابقي قولي بقي علشان اروح معاك بعدين اسليك

[moh19227]

جينز كار شغل رائع وناس زوق ومحترمين

[BLOODY_STONE]

موضوع اكتر من رائع !!!

انا مكنتش اعرف ان جينز كار شغلهم نضيف اوي كده !!!

انا كنت ناوي اعمل فرش تفصيل قريب لو كده انا اروح لهم القاهرة مخصوص !

[me_medoo]

الله ينور على الشغل التمام وعلى طريقة سردك الممتعه ...

ربنا يخليك ليا يا حبيب قلبي ... وأنشاء أنشاء الله لو رحت هناك أو أي حد من الاعضاء راح ... هو يقول بس انا من منتدى نايل موترز وشوف الواجب الي بيتعمل معاك ... وتاخود تخفيض كمان وغسيل للسقف هدية وحبت حجات كده مش عاوز احرقها ... وتحياتي .

جينز كار شغل رائع وناس زوق ومحترمين

أه والله يا محمد فعلا ناس محترمة جداً وتلاقيهم كده قمة في الجنتلة معاك وقمة في الاخلاق .

موضوع اكتر من رائع !!!

انا مكنتش اعرف ان جينز كار شغلهم نضيف اوي كده !!!

انا كنت ناوي اعمل فرش تفصيل قريب لو كده انا اروح لهم القاهرة مخصوص !

حبيبي والله يا بلدي بس لمن تيجي قبا قلنا علشان نفرشلك الارض ورد ... من أول مدخل بوابة الاسكندرية لغاية مدينة نصر ونعمل معاك الصح يا رياسة .

[me_medoo]

اقول ايه واعيد ايه قولي انت اقول ايه اقول مبروك
ولا اقول مختنيش معاك ليه كان يطولي الكرسي شوية
جبت واحد صحبي قرب 190 سم علشان يعرف يشوف اخر الكبوت ابدا هههههههههه
انت عارف بقي تويوتا منعا حد يشوف الكبوت علشان انسيابية الهواء تقريبا
ابقي قولي بقي علشان اروح معاك بعدين اسليك

عاوز تيجي معايه طيب ياريت والله والله ببقى مرات عاوز اطلع اعمل حاجة في العربية وببقى نفسي يكون حد معايه ... وأقعد أتصل على قائمة الاتصال في الموبايل نمرة نمرة واشي واحد مشغول والي في ناس جية تزورو والي قاعد بيزاكر للعيال والي خايف من مراتو ... والي قاعد بيزاكر .. ياريت والله ألاقي حد يجي معاية ... وبالذات اذا كان تيتاوي اصيل .

على فكرة هو الكرسي بتاعك يا بوحميد مفهوش منفاخ ... لو مفهوش ممكن نزودلك اسفنج فيه ... أو نجبلك كرسي من الحرفين نستنضفلك واحد بمنفاخ ... لأن انا يمكن أجيب ليا كرسي من هناك قريب علشان صوت التزيئ الي فيه . وتحياتي .

[me_medoo]

مبروووووووووووك على التصليح انا فاكر كنت بتشتكى منة قبل كدة بس انتا بالذات ليك عندى شكر كبير لية بقى فاكر لما قولتلك الكرسى بيطقتق عندى و قولتلك مش عارف اعمل اعمل ساعتها قولتلى قولهم فى التوكيل كانت لسة فى الضمان و قولتلك ساعتها لا مانا قولتلهم اكتر من مرة و قالولى عملنا و بيبقى زى ماهو لغايت اخر مرة بعد ما اتقابلنا فى الاجتماع و قولتلى قولهم تانى و فعلا قولتلهم تانى و كانت هى الاخيرة عشان كانت تانى يوم تخرج من الضمان و فعلا لقو ان فى عيب فى الكرسى و غيرولى الشاسية كلة و على حسابهم دى حاجة انا مش هقدر انساهلك عشان انا كنت فقد الامل فى تصلية و كنت بحاول اتقبلو على كدة و خلاص و لكن اتغير الحمد لله

حبيب قلبي فاير مان ... ده انا الي بشكر الأجتماع الجميل الي عرفنا على شخصية جميلة ومحترمة زي حضرتك ، الواحد يعتز بجد بصداقتك والله ، وياريت نتقابل كمان وكمان ... بجد انا بعتز بصداقتك ومعرفتك ياريس . حبيب قلبي والله .

[Deshahcoka]

موضوع اكتر من رائع !!!

انا مكنتش اعرف ان جينز كار شغلهم نضيف اوي كده !!!

انا كنت ناوي اعمل فرش تفصيل قريب لو كده انا اروح لهم القاهرة مخصوص !

لو كدة نورح مع بعض :) عشان انا عندي كرسي السيراتوا كأنوا كرسي قهوة بلدي خشب و بيكسر الضهر و بينمل الرجل :) هههه

و الف مبروك يا بيه :) فعلا شغل نضيف و عالي و زي الفل :) ربنا يباركلك فيه ان شاء الله و تستمتع بيه :)

[me_medoo]

الله يبارك فيك يا غالي ... المشكلة أننا في القاهرة هنا بنقعد في العربية أقل مشوار بالسعتين والتلاته وكل ما تيجي تنزل من العربية تهوي ظهرك شوية تبص تلاقي العربيات اتحركت اخيراً مترين والعربية الي وراك قاعده تزمرلك كأن المترين دول هما الي هيفرقو معاه .

وظهر الواحد بجد بجد بيتكسر من القعده ... الغريب اننا بنهتم بالشكل الخارجي للعربية أكتر من الداخلي ... الي هيا جوهر العربية ... مع ان 90% من سواقين واصحاب العربية مبيشفوهاش من بره بس قاعدين فيها من جوة ... فليه الواحد فعلا ميقعدش في حاجة محترمة . وفخمة . وتحياتي ... ويارب أكون فدت كل الي عندو مشاكل في العمود الفقري من تكسيرة الكرسي ... انا انشاء الله ناوي اروح افصل فرش عندو محترم للعربية ... أأأأأأأأأأأأأأأأأأأأأأأ الله هو انا عندي كام عربية ؟؟؟

[Gelgel2004]

السلام عليكم
الحمد لله انك رحت جينز كار
محترمين و خدومين
و الحاج احمد طبعا غنى عن التعربف اخلاق و ذوق و امانه و كل الحاجات الحلوه اللى موش موجوده الا نادرا
مره كلمته فى موضوع بعيد تماما عن شغله - ستاره عرض - قالى تعالى و سيبها على الله
عطلته 3 ساعات و معانا 2 صنايعيه و خامات من عنده و مرضاش ياخد و لا مليم
الف شكر للمنتدى اللى عرفنا بالناس المحترمه دى و الف شكر ليك يا حاج احمد و جعله الله فى ميزان حسناتك..