تكييف تويوتا 2009

[M.FOUAD]

يا جماعة اصحاب تويوتا الشكل الجديد حد بيسمع صوت زنة كدة لما العربية تبقى على السلانسية و التكييف شغال و تحس الصوت جاي من الكمبريسور خبط كدة و افتح الكبود مسمعش حاجة خالص
اصل التوكيل بيقول دة طبيعي و انا اول مرة اسمعها الصيف دة

[Veroman]

وانا عندى التكيف حاسس انو مكتوم و مش بيسقع اصلا فى الصبح فى الحر

[S O P H O S]

التكيف عندي بحس انه مش بيعمل تبريد بالشكل الجيد بردوا
متابع

[Veroman]

كمان انا سمعت ان فى الياريس ان مفيش فلتر فى التكيف هل الكورلا بردو مفيهش فلتر ؟!!!!

[M.FOUAD]

لا الكورولا فيها الفلتر الشكل القديم اللي مفيهاش
طيب يا veroman ملاحظتش الصوت دة عندك قبل كدة زي صوت خشونة

[Veroman]

لا خالص

[me_medoo]

يا جماعة اصحاب تويوتا الشكل الجديد حد بيسمع صوت زنة كدة لما العربية تبقى على السلانسية و التكييف شغال و تحس الصوت جاي من الكمبريسور خبط كدة و افتح الكبود مسمعش حاجة خالص
اصل التوكيل بيقول دة طبيعي و انا اول مرة اسمعها الصيف دة

مش ممكن تكون من الفبرة الي فوق المتور ... بتلاقيها مش مربوطة كويس وبتخبط في صاج سقف الكبوت ... ولا لأ

وعامةً هو التوكيل دلوقتي ماتخودش على كلامو في أي حاجة .

وانا عندى التكيف حاسس انو مكتوم و مش بيسقع اصلا فى الصبح فى الحر

حبيب قلبي فاير مان ... خود العربية في واحد ورى مسرح البلون بتاع تكيفات خليها ينفلك الفلتر ويشيلك على الفريون ... بس أحذر أحذر من الفريون الصيني بيخلي تكيف العربية يهنج .

التكيف عندي بحس انه مش بيعمل تبريد بالشكل الجيد بردوا
متابع

برضو أنتا نفس الكلام يا بوحميد الي قلتو لفاير مان ... بس انتا بقة عاوزك كمان تعدي على اي مغسله وتخليه يغسلك السربنتية بتاعت الرديتر من قدام كويس ضغط مية عالي ... وصابون كمان وقبليها خلي ينفضلك السربنتيه وهيا متركبه بالهوا ...

وبعدين شايك على فريونك ... وهتلك منظف لوكي مولي او سونكس الالماني ب 55 جنية علشان ينضفلك السربنتيه الداخليه .

[youtube]http://www.youtube.com/watch?v=Jvhi6Izg_Xs[/youtube]
[youtube]http://youtu.be/Jvhi6Izg_Xs[/youtube]

[me_medoo]

وده ياسيدي طريقة أستخدام
معقم السربنتينة الداخليه ومنظف ريحة هوا المكيف

هو ألماني وبيتباع في هيبـر انا جربتو وممتاز الحقيقة

[youtube]http://www.youtube.com/watch?v=0SRN_xaXdYU[/youtube]
[youtube]http://youtu.be/0SRN_xaXdYU[/youtube]

[Veroman]

اعرف بقى ازاى صينى مش من صينى كدة ممكن يضحك علية

[me_medoo]

اعرف بقى ازاى صينى مش من صينى كدة ممكن يضحك علية

ههههههههههههههه واللهِ انا زي حالاتك ... بس ممكن تستأذن من الراجل وتقلوا عمو عمو ممكن أقرى مكتوب على الانبوبة أيه هههههههههه حبيب قلبي فاير مان .

[Veroman]

انا اجيب الانبوبة و انا جاى هههههههههههههه

[Unendlich]

يا جدعان اللي عمره ما نضف الفلتر من ساعة ما جاب العربية يفكه يرميه في الزبالة و يجيب جديد عشان مش هيبقى في منه رجا. برده السربنتينة (اللي هي قصاد الرادياتير) بتلم كمية طين و حشرات و زلط ملهاش أول من آخر فا لازم كل فترة تتعمل في البنزينة بمسدس ضغط عالي
و محدش يقول بخاف من المية عشان أهي و ماشية زي الفل حمدلله بس أهم حاجة متجبش مية على الكمبيوتر و علبة الفيوزات, دول تمسحهم بفوطة معصورة و هتلاقي حوض الموتور بيبرق و تنشف بالهوا بعد كده و يستحسن تطلع مشوار محترم تنفخها و تنشفها بالهوا بتاع ربنا