مشكلة خطيرة في بكرة سير الكورولا 2088 بالصور والفيديو

[محمد محمد]

السلام عليكم ورحمة الله وبركاته
العربية بتاعتي عاملة 105000كم تقريبا بقالها 4 سنين
النهاردة وانا بدور العربية لاحظت صوت عالي من إتجاه الموتور زي صوت خروشة كدة او إحتكاك...فتحت الكبوت لقيت تاني بكرة بتتهز اللى هي تحت بكرة الدينمو ...مش عارف السبب ايه.
اشيروا علي ايها الناس.

‫مشكلة في بكرة سير الكورولا2008.‬‎ - YouTube

[temo85]

بص ياباشا انا كان معايا كورولا 2008 mmt و حصل معايا موقف مشابه ل ده و المشكله كانت فى بليه عاوزة تتغير بس الكلام ده كان على 100الف كم تقريبا بس هل الصوت بيزيد اكتر مع التكييف ولا ايه ؟.

[M.FOUAD]

مش دة سير التقسيمة المفروض يتغير كل 60 الف كيلو

[M.FOUAD]

بص ياباشا انا كان معايا كورولا 2008 mmt و حصل معايا موقف مشابه ل ده و المشكله كانت فى بليه عاوزة تتغير بس الكلام ده كان على 100الف كم تقريبا بس هل الصوت بيزيد اكتر مع التكييف ولا ايه ؟.

هو لو بيزيد مع التكييف يبقى اية اصل انا عندي صوت خشونة بردة مبيظهرش غير مع التكييف و انا ممور العربية ممكن يكون تكون بلية الكمبريسور ولا حاجة

[temo85]

والله انا عندى فى فى سيراتو مبيظهرش غير مع التكييف و غيروا الكمبروسير كله و االصوت لسه موجود اظن من بليه الشداد او كنت قريت فى الموضوع ده ان فى جزء فى دورة التكييف اسمه الثلاجه بيسبب المشكلة دى

[temo85]

معلش برده هل الصوت ده بيبان مع دوسه البنزين فى طلعه العربيه ولا ايه ؟

[M.FOUAD]

والله انا عندى فى فى سيراتو مبيظهرش غير مع التكييف و غيروا الكمبروسير كله و االصوت لسه موجود اظن من بليه الشداد او كنت قريت فى الموضوع ده ان فى جزء فى دورة التكييف اسمه الثلاجه بيسبب المشكلة دى

شوف كدة الموضوع دة شكلها مشكلة عامة
http://www.nilemotors.net/Nile/252587-2008.html

[محمد محمد]

البكرة نفسهها بننهز زي ما يكون فيها رفة وبتروح لما بدوس بنزين وبتظهر بشدة في بداية تدوير السيارة .

[hanosh]

السلام عليكم ورحمة الله وبركاته
العربية بتاعتي عاملة 105000كم تقريبا بقالها 4 سنين
النهاردة وانا بدور العربية لاحظت صوت عالي من إتجاه الموتور زي صوت خروشة كدة او إحتكاك...فتحت الكبوت لقيت تاني بكرة بتتهز اللى هي تحت بكرة الدينمو ...مش عارف السبب ايه.
اشيروا علي ايها الناس.

‫مشكلة في بكرة سير الكورولا2008.‬‎ - youtube

السلام عليكم
بص يا باشا البكرة اللى تحت الدينامو على طوول ديه بكرة طرمبة المية وممكن تكون المشكلة فى الطرمبة نفسها لو فيه صوت او ممكن وانت بتغير السير فى الصيانة اتفكت مسامير من الطرمبة ومتربطتش فبقيت سايبة بس لو الميه بتاعة التبريد الحمرا بتنقص يبقى العيب هنا ولو مش بتنقص وفيه صوت زى الخشونة يبقى طرمبة الميه محتاجة تتغير وبتعمل فى التوكيل حوالى 850 جنيه طبها غير التركيب

[محمد محمد]

السلام عليكم
بص يا باشا البكرة اللى تحت الدينامو على طوول ديه بكرة طرمبة المية وممكن تكون المشكلة فى الطرمبة نفسها لو فيه صوت او ممكن وانت بتغير السير فى الصيانة اتفكت مسامير من الطرمبة ومتربطتش فبقيت سايبة بس لو الميه بتاعة التبريد الحمرا بتنقص يبقى العيب هنا ولو مش بتنقص وفيه صوت زى الخشونة يبقى طرمبة الميه محتاجة تتغير وبتعمل فى التوكيل حوالى 850 جنيه طبها غير التركيب

ده بالظبط اللى حصل النهاردة طلعت طرمبة المية وإتغيرت بالتركيب بعد الخصم ب864ج

[M.FOUAD]

طيب معرفتش السبب اية اللي خلاها تبوظ بدري كدة

[AutoTycoon]

حسبي الله و نعم الوكيل في تويوتا و الله بيستغفلوا العملاء بتعوهم بالأسم و خلاص

[ahmedkhairy]

اكشف عليها فى التوكيل أفضل
وغالبا حاجة بسيطة