أستفسار بخصوص صيانة الكورولا

[hosdfifwodoim]

السلام عليكم ورحمة الله,
عايز مشورة و نصيحة من ملاك الكورولا الجنوب افريقي عشان اخوكم لسا جديد في التويوتا, بخصوص مواعيد الصيانة عشان الضمان خلص و بصراحة انا عايز اعمل صيانات العربية خارج التوكيل, فرجاء الافادة بمواعيد و الاجزاء التى يجب تغيرها عند كام كيلو, مثلا الاتيال و الفلاتر و البوجيهات و السيور و كوتش الفبريكة و زيت الفتيس ... الخ , ولو في اي نصائح من واقع تجاربكم.
بخصوص تفاصيل العربية : موديل 2009 و عاملة 30000كم
مشكورين مقدما علي حسن تعاونكم

[Unendlich]

زيت الموتور بالفلتر كل 15 ألف (لو زحمة و كده خليها كل 10)
فلتر البنزين كل 75
بوجيهات كل 100
مياه الرادياتير الفبريكة عند 160 و بعد كده كل 80 (تحطلها مية تويوتا مش موبيل)
فلتر الهوا حسب ظروف اللي بتمشي فيها, around 15-20 كويس
فلتر التكيف كل 30 و تنضفه كل 10 بهواء مضغوط (موضوع مش بياخد دقيقتين لو فكيت الفلتر و اديته لبتاع البنزينة)
الكاتينة جنزير و مفيش سير باور, هو سير واحد بس بيتغير كل 80 على ما اذكر
التيل حسب استعمالك
زيت الفتيس بيتكشف عليه كل 45

اهم حاجة إنك تمشي زي ما الكتالوج بيقولك و خلاص

[hosdfifwodoim]

شكرا جدا علي تعاونك بس في نقطة احب استفسر عنها لو امكن هو زيت الفرامل المفروض يتغير ولا لأ و زيت الفتيس كمان ؟؟

[Unendlich]

زيت الفرامل عند ال 30
و زيت الفتيس تكشف عليه كل 45 و ساعتها تعرف محتاج يتغير ولا لأ