اده هيا اسعار التويوتا المستعملة ولاعت !!!!

[Ahmod]

ميدو باشا الكبير اللى عامل حس لقسم تويوتا

بص يا كبير هو التويوتا عموما معروف انها بتمسك سعر في اعادة البيع

وكلو كوووم والكورولا موديل 2007 ده كوم تاني ! العربية دي ماسكة سعر في السوق بطريقة غير عادية

عايز اقولك انها بتتباع ب 115 الف ! الكاملة الاتوماتيك

والمانويل ال 1.3 بتاعها ! بتتعمل في رنج ال 85/90 ! تخيل !

العربية دي ضربت كل العربيات في سعر اعادة البيع

انا اعرف واحد شاريها موديل 2007 اتوماتيك 1.6 من حوالي سنة ونص ب 120 الف !

وكنت قريت واحد هنا في املنتدى برضوا لسه شاري موديل 2007 اتوماتيك ب 115 الف !

فالموديل ده بالذات في الكورولا تبعد عنه لانك لما تسمع اسعاره هتتعقد

-------

بالنسبة للياريس هي ماسكة سعر بس مش زي الكورولا

يعني الياريس الاتوماتيك موديل 2007 بتتكلم في رنج ال 70 الف ولو حالتها نضيفة وكيلو متر قليل وفبريكة ممكن تزودلك 3/4 الاف

المانويل تحت ال 70 الف ده بالنسبة لموديل 2007 وكل موديل يفرق عن التاني بحوالي 5 الاف جنيه تقريبا بس خلي بالك فرق الحالة في اعادة البيع بتفرق كتيير وكذلك اذا كانت العربية راشة ولا لاء والامور اللى انت عارفها

[S O P H O S]

والله عندك حق والياريس برضوا سوقها حلو جدا
بس الكورولا تتفوق انا موديل 2004 واتعمل معايا الواجب برضوا فسعرها
يعني تشتري عربية جديدة افضل عند ناس
ولكن التويوتا دي بالذات افضل مستعمل من الجديد عن ناس اكترر .....

[me_medoo]

احمد باشا حمدالله على السلامة ياريسنا .... شوفت انتا قلت ايه يارس موديل ٢٠٠٧ منيول. بتبقى تحت ال ٧٠.٠٠٠ جنية وده الصح ، ههههههههه انزل دلوقتي السوق واتفرج ان مضربتش كف على كف. ، مبقاش انا ميدو دلقوتي اليارس المنيول ٢٠٠٧ صاحبها بيتكلم في ٧٩.٠٠٠ لا وقال ايه العربية رشة حزام ههههههههه.
السوق بجد بجد بقى مستحيل بالذات التويوتا ، وانا بايد كلام حبيبنا روميو ان في السعودية تويوتا بتلاقيها ماسكة سعرها بس مش زي في مصر عندنا ،. يعني مينفعش اشتري العربية بقرشين والف مصر بيها كلها وادعكها واجي ابيعها بنفس السعر الي اشتريت بيه او اقل شوية وكل ما اكلم حد يقلي دي تويوتا ياباشا ما أنا عارف انها تويوتا حد قلك اني كنت فكرها هونداي هههههههه
بس برجع اقول منهم لله التجار مصاصين دماء الشعب المصري انا بجد بجد قلقان على مستقبل التويوتا في مصر

[S O P H O S]

هيونداي كده ممكن يهجموا عالقسم ...
هههههههههههههههههههههه

[me_medoo]

هههههههههههه لا يابووحميد ما انا واحمد بقينا نص تيوتاوية ونص هنداوية ههههه بين البينين

[هيثم المنياوى]

ياباشا والله واحد صاحبى معاه تويوتا 2007 قالى جابتله 120 ألف جنيه
يعنى طبعاً كلام أووووووووووووووفر جداً وربنا يبارك لكل اللى معاه تويوتا

[S O P H O S]

هههههههههههه لا يابووحميد ما انا واحمد بقينا نص تيوتاوية ونص هنداوية ههههه بين البينين

علي فكرة انا بردوا بفكر ابقي كده
بس فمرحلة التفكيررررررر

[احمد فهمى]

طبيعى جدا مهو لو باع الياريس ب80 حتى ممكن يشترى ايه؟؟؟؟؟؟؟

[S O P H O S]

يشتري ايه ؟؟؟؟
يجيب كوري !!!!!!!! وخلاص

[roffa1]

ميدو باشا الكبير اللى عامل حس لقسم تويوتا

بص يا كبير هو التويوتا عموما معروف انها بتمسك سعر في اعادة البيع

وكلو كوووم والكورولا موديل 2007 ده كوم تاني ! العربية دي ماسكة سعر في السوق بطريقة غير عادية

عايز اقولك انها بتتباع ب 115 الف ! الكاملة الاتوماتيك

والمانويل ال 1.3 بتاعها ! بتتعمل في رنج ال 85/90 ! تخيل !

العربية دي ضربت كل العربيات في سعر اعادة البيع

انا اعرف واحد شاريها موديل 2007 اتوماتيك 1.6 من حوالي سنة ونص ب 120 الف !

وكنت قريت واحد هنا في املنتدى برضوا لسه شاري موديل 2007 اتوماتيك ب 115 الف !

فالموديل ده بالذات في الكورولا تبعد عنه لانك لما تسمع اسعاره هتتعقد

-------
صح الكلام
أنا اللى شارى ال 2007 1600 ب 115 ألف من شهر فبراير 2012 و كانت عامله ساعتها 42500 كم و اتأكدت منها فى التوكيل تويوتا ايجيبت
بالنسبة للياريس هي ماسكة سعر بس مش زي الكورولا

يعني الياريس الاتوماتيك موديل 2007 بتتكلم في رنج ال 70 الف ولو حالتها نضيفة وكيلو متر قليل وفبريكة ممكن تزودلك 3/4 الاف

المانويل تحت ال 70 الف ده بالنسبة لموديل 2007 وكل موديل يفرق عن التاني بحوالي 5 الاف جنيه تقريبا بس خلي بالك فرق الحالة في اعادة البيع بتفرق كتيير وكذلك اذا كانت العربية راشة ولا لاء والامور اللى انت عارفها