مبادرة لقاء جماعي في مول العرب (مقابلة تويوتا)

[S O P H O S]

علي الله فليتوكل المؤمنون
توكلنا علي الله يلا بينا
حتي لو بعد يومين
المهم ان شاء الله نكون من اهل الدنيا ...
اتفقوا ----
معاكوا ان شاء الله .....

[me_medoo]

تمام كده يايكو. ... وتمام كده يا احمد باشا ها دكتور احمد. واستاذ محمد. واستاذ سيد. وخالد حبيبي. ايه رايكم يوم الجمعة ولا السبت ، يالله قررو وطبعاً بالليل يعني الساعه تمنيه والي يجي متاخر شوية مفيش مشاكل ، بس ميتاخرش علشان. مش هنقعد كتيررر. لسه عاوزين نطلع نعاكس هههههههه والمول بالليل بيبقى كده كده موووولع

واذا في حد من حبايبكم في المنتدى اعزموه يجي معانا ، انا كمان مستني حسين منسق قسم نيسان سونا باشا ومستني بانشي وكوشري وابو ياسين وفاير مان.

[S O P H O S]

طب ما تقربوا شوية بدل الناس ما تنسي خير البر عاجله
لسه اسبوع ............؟
كامل

[me_medoo]

مفيش مشكلة. في نص الاسبوع اصل كل الحكاية احنا بنتكلم عن ساعه او ساعتين بالكتيررر يعني مش سهرة صباحي ونص الاسبوع بتبقى الدنيا رايقة ومنطقة المطاعم فاضية ومش هتلاقي حولينا عيال بتتنطط ولا بت عمالة تئوء حاكم الاطفال بيخلو دماغ الواحد. تصدع مرة شفت اطفال قاعدين بيحدفو بعض بالكراسي والامن ياعيني لايص وراهم هههههههه. عيال مؤزية يا اخي بس لو كان اللقاء مثلاً يوم الثلثاء كده ولا الاتنين بالليل. هتلاقيها رايقه شوية

[S O P H O S]

انا معاك فنص الاسبوع اصل الجمعة ممكن يبقي مليونية وقرف ومش مضمون بردوا
وهي ساعة يعني مش هتفرق حاول برودا تشوف ظروف الناس
علشان مبقاش بتعدي علي مواعدهم
لو يقدروا تبقي كده يبقي خير

[me_medoo]

مفيش مشكلة يا بوحميد واعتقد يوكو معانا لان هو كمان عاوز حاجة قريبة علشان الامتحنات والجامعه وكده بس احنا نستنى لغايت بكرة لان في ناس انهرده اجازة ومقروش الموضوع ، وكزا مره كانو مكلمني عاوزين نتقابل عاوزين نتقابل . المشكلة انا لو اتقابلت مع واحد واحد كل واحد لوحدوو. هتبقى مشكلة هههههههه بس هتبقى جميلة. لو كلنا اتقبلنا مرة وحدة في مكان عام ويبقى في تبادل خبرات وتبقى قاعده لزيزة كده

وتحياتي

[Ahmod]

احنا نعزم lanos2004 ونخليه يتسابق مع الدكتور احمد. واحنا نتفرج مين فيهم الي هيسبق اليارس ولا الانوس واهو دكتور احمد معندهوش. حجة. بعد ما عمل صيانة ال ٤٠ هههههههه

ههههههه اتسابقت معاه قبل كدة وسبقني

وبلاش تقلب بقى عليا المواجع

وهو عربيته لانوس 2 كامة غير الانوس العادية بتاعتنا

الماتور مختلف

الانوس العادية بتاعتنا مش بتشوفني

[S O P H O S]

لو عاوز تقسمها مرتين مفيش مشكلة لو انت ينفع معاك
علي الاقل نتقابل مرتين ولوني عارف انه هيبقي صعب
ده احنا بنقعد اسبوع نتفق بالعافية علي مرة
وربنا يستر

[me_medoo]

ههههههههههه يانهرك ازرق يابوحميد طيب امسح امسح المشاركة دي بسرعة. ومتقلش لحد انو لانوس سبقتنا ، لانوس تسبق يارس ، اومال ايه يا بوحميد واتسابقت مع هوندا واتسابقت مع فولكس جيتااااا واتسابقت مع لانسر ..... لا لا المره دي هتتسابق معاه ياريس عادي ونصور وفيديو وانا هاجي من ورى و ئالغوش عليه. واطلع قدامو. وانتا اسبق براحتك يا معلم ههههههههههه متخليش حد يعرف المعلومة دي الله يباركلك. .... بس هو لانوس ٢٠٠٤ شكلو مسقط متور ومعدل في عربيتو ميكانيكياً

[Ahmod]

ههههههههههه يانهرك ازرق يابوحميد طيب امسح امسح المشاركة دي بسرعة. ومتقلش لحد انو لانوس سبقتنا ، لانوس تسبق يارس ، اومال ايه يا بوحميد واتسابقت مع هوندا واتسابقت مع فولكس جيتااااا واتسابقت مع لانسر ..... لا لا المره دي هتتسابق معاه ياريس عادي ونصور وفيديو وانا هاجي من ورى و ئالغوش عليه. واطلع قدامو. وانتا اسبق براحتك يا معلم ههههههههههه متخليش حد يعرف المعلومة دي الله يباركلك. .... بس هو لانوس ٢٠٠٤ شكلو مسقط متور ومعدل في عربيتو ميكانيكياً

ههههههههههههههههههه

يا كبيير دي مش الانوس اللى انت بتشوفها يوميا !

هي اه نفسها كشكل بس الماتور مختلف

الانوس العادية بتاعتنا دي المفروض 8 صمام 86 حصان ! دي الياريس بتنفخها مافيش كلام

اما الانوس بتاعة lanos2004 هو مغير الماتور بماتور 2 كامة 16 صمام 105 حصان

فطبعا الماتور ماشاء الله ربنا يباركله فيها

وعلى فكرة هو مش بيعلم على الياريس وبس ده ماشاء الله يعني مافتكرش ان فيه عربية 1.6 N/A ممكن تسد معاه

[Ahmod]

احنا بقى ممكن نجبله ياريس 1500 تاخدلنا بتارنا منه

ولا ايه يا كبير ؟

[me_medoo]

عارفين انا من شوية بصيت في الساعة وقعدت ادحك
بدحك بقول شوف يا اخي الساعه تلاته بالليل وكل واحد بيقولي. عندو امتحنات ومشروع تخرج وكلكم يا مشالله يا مشالله سايبين المزاكرة وقاعدين سهرانين معايا على النيت ههههههههههههه لا بالتوفيق انشاء الله شكلك فاهم يا نوص هههههههه حبايب قلبي والله من الأوائل انشاء الله هههههههه ِ

[S O P H O S]

هي مسألة نسبية يا ميدو
يعني انا مثلا المفروض المفروض يعني اني اطلع مهندس برمجة
وليا علاقة بالنظم واصمم مواقع الخ حاجات كتير اوي
فلما ابقي هنا امر ليه علاقة بيا وبدرس برودا مواد محاسبة وتجارة

فباجي اطمن علي الموقع وفنفس الوقت احسب المواضيع الموجودة فالقسم بتاعنا
يبقي هندسة كمبيوتر علي تجارة مش كده
هههههههههههههههههههههه
يبقي بعمل المطلوب مني صح ؟؟!

[Khaled Lanos]

بسم الله الرحمن الرحيم

أول حاجة: أحب أشكر الأستاذ me_medoo على دعوتي للمقابلة.

تاني حاجة: مع اني لسا عضو جديد في نايل موتورز ومعرفش حد لكن هحاول اجي بإذن الله وأهي فرصة حلوة عشان اتعرف عليكم.

ومول العرب مش بعيد عني, بس ياريت لو المقابلة تبقى يوم تلات أو أربع لأني فاضي في اليومين دول بالذات ومعنديش حاجة خالص, والسبت احتمال ابقى فاضي واحتمال لأ, وبقيت الأيام عندي دروس فيهم.

بس أهم حاجة تبعدو عن يوم الخميس والجمعة عشان في اليومين دول بيبقى عندي بالدرسين والتلاتة.

وبالنسبة للوقت مش هتفرق معايا انا هبقى فاضي طول اليوم شوفو انتو, بس أنا بفضل فترة الليل بعد المغرب أو العشا مثلاً.

وربنا يسهل ونتقابل على خير.

تحياتي للجميع.

[koshary]

ميدووووووو حبيب قلبى ياغااااالى بشكرك جدااا على الرساله ودعوتك ليا ان شاء الله هحاول اكون موجود بس انتو ظبطو امركو كدا وشوفوا اليوم وهحاول ان شاء الله اجى ولو يوم الخميس يبقا تمام اوى اوى لان الاسطوانه عندى باظت والعربيه مش بتمشى ومستنى الميكانيكى يفتح لانو عندو حالة وفاة