نصيحه فى صالون الكريسيدا

[bashmohands]

مساء الفل على شباب قسم تويوتا...
من فضلكوا يا شباب كنت عاوز مساعدتكم لأنى حاسس أنى مش عارف أتصرف

انا معايا عربية تويوتا كريسيدا موديل 1978
بصراحة الصالون من جوة متبهدل جدا
و الالتابلوه عاوز يتغير هو و الكونسول

مش عارف الاقى حاجتها فين....و برده مش عارف هل فى بدايل ..زيعنى هل فى تابلوهات موديل أحدث ممكن تركب عليها لو انا مالاقتش التابلوه ده ....ومين ممكن يشتغل فيها و يكون نضيف و اسعاره كويسة ....

مش عارف انا صراحة محتار ومش عارف اعمل ايه ....ياريت تنصحونى يا اهل الخبرة

[S O P H O S]

متابع ...

[Ahmed_Ramadan]

هو إيه شكوتك من التابلوه بالظبط.....تشققات و جلد بايظ و لا مكسر؟؟

[bashmohands]

هو إيه شكوتك من التابلوه بالظبط.....تشققات و جلد بايظ و لا مكسر؟؟

فى تققات و جلد بايظ ، و فى باب الدرج مكسور و الكونسولة مكسرة خالص

[temo85]

انزل الوكالة الاول شوف حاجتها استيراد , ولو ملقتش شوف فى المحلة بيقولو كل حاجتها هناك و كتير وانشاء الله تلاقيها
تحياتى لكل ملاك الكريسيدا , أفضل ما انتجت تويوتا على الاطلاق :)

[bashmohands]

انزل الوكالة الاول شوف حاجتها استيراد , ولو ملقتش شوف فى المحلة بيقولو كل حاجتها هناك و كتير وإن شاء الله تلاقيها
تحياتى لكل ملاك الكريسيدا , أفضل ما انتجت تويوتا على الاطلاق :)

ممكن تقولى فين الوكالة...... انا من الهرم أزاى اروح ,أو قرييبة من ايه؟؟؟؟

[me_medoo]

عزيزي الغالي ممكن حضرتك تصورلنا شكل التابلوة وبالذات المنطقة المكسورة لعل وعسى يكون عندي الحل. لان احما كان عندنا كرسيدا موديل ٨٦ زمان زمان وانتا عارف ان شكل التابلوة متغيرش من سنة ٨٠ لغايت ٨٨ فانا عندي فكرة انك بدل ما تجيب تابلوة في زي الجلد بيتشد فوق التابلوة وبيتحط تحتيه طبقة اسفنج رقيقة كده. وحتى فرش الابواب بيتنجد. وبترجع العربية تمام التمام لان احتمال كبير ان يكون التابلوة بتعها انقرض من السوق ومش هتلاقيه الا اذا حظك حلو ولفيت كويس كويس في وكالة البلح الي هيا ناحية الكوبري بتاع ابو العلى جمب وزارة الخارجية على الكورنيش او الحرفين او حتى بوص عن سوسو في شارع الهرم .... يمكن تلاقي واحد شايل تابلوة كده ولا كده ورامية في المخزن وتحياتي

[bashmohands]

عزيزي الغالي ممكن حضرتك تصورلنا شكل التابلوة وبالذات المنطقة المكسورة لعل وعسى يكون عندي الحل. لان احما كان عندنا كرسيدا موديل ٨٦ زمان زمان وانتا عارف ان شكل التابلوة متغيرش من سنة ٨٠ لغايت ٨٨ فانا عندي فكرة انك بدل ما تجيب تابلوة في زي الجلد بيتشد فوق التابلوة وبيتحط تحتيه طبقة اسفنج رقيقة كده. وحتى فرش الابواب بيتنجد. وبترجع العربية تمام التمام لان احتمال كبير ان يكون التابلوة بتعها انقرض من السوق ومش هتلاقيه الا اذا حظك حلو ولفيت كويس كويس في وكالة البلح الي هيا ناحية الكوبري بتاع ابو العلى جمب وزارة الخارجية على الكورنيش او الحرفين او حتى بوص عن سوسو في شارع الهرم .... يمكن تلاقي واحد شايل تابلوة كده ولا كده ورامية في المخزن وتحياتي

شكرا لمشاركتك ...انشاء الله انا نويت انزل الف شوية فى الوكالة....الجزء المكسور انا هابقى اصوره و مبدئيا هو باب الدرج بس
و طبعا الكونسول برده
و تحياتى ليك و لمشاركتك .....

[sonaeg]

حضرتك انا معايا تويوتا كارينا 1983 وبرده حصل فيها الموضوع ده ود عربية خليجي وبدوخ فعلا علي حاجتها هنا,,,,فجيبت فرو كده بيتباع بالمتر من عند بتوع الفرش بتاع السيارات بلون صالون العربية وقصيته علي تقسيمة فتحات التكييف وما الي ذلك وبما ان كده كده الطابلوه بايظ ومشقق عندي فثبته بدابيس ضغط ومش باينة خااااااالص,,,,,,,,

تحياتي