أفضل مكان لبيع قطع غيار تويوتا أصلية

[Mohamd_Saad]

عايز أشترى قطع غيار أصلية لكورولا 2003 أنا كنت بأشترى من البرجسى فى شارع مراد ولكن وجدت الأسعار مبالغ فيها - فمثلا تيل الفرامل الأمامى ب 330 جنية و شدادين الميزان ب 900 جنية والمساعدين الخلفى ب 700 جنية - فلو ممكن نتبادل الأراء حول مكان مميز لبيع قطع غيار تويوتا أصلية - وشكرا

[maskeen]

والله لو عايز نصيحتى الاسعار بتاعت القطع الاصليه معقوله جدا وخصوصآ انها معمره
التيل الاصلى ده لو عربيتك مانيوال ممكن يقعد معاك 100 الف كيلو (انا شخصيا عامل بيه 135 الف بس عشان معظم مشاويرى على الطوالى)

[S O P H O S]

+11111
انا بردوا معرفش حد بيبع قطع غيار اصلية
ياريت نعرف حد كويس وموثوق فيه

[tarekmaher]

انا لسة جايب التيل من توكيل تويوتا في الزقازيق بنفس السعر

[lanos2004]

شوف فيه فى شارع دمشق ثلاث محلات معتمدة لتويوتا واسعارها كويسه
وممكن تشترى من التوكيل الى فى العباسيه

[emad_elnegmy]

اسعار البرجسي نفس اسعار التوكيل، بس ممكن تجيب من عنده من غير فاتورة وتوفر الضريبة 10%

[wwaeel]

اسعار البرجيسى اغلي من اسعار تويوتا انا لسه سأئل عنده من اسبوع علي اكصدام خلفي تويوتا 2008 قالي بي 1650 وهو بيتباع في توكيل العباسيه بي 1450 وانا جيبته اصلي من شارع دمشق بي 1000 في فشارع دمشق العالميه ومحل محمد جابر دول وكلاء ومستوردين قطع غيار تويوتا اصلي واسعارهم اقل من التوكيل بكتير وفي المنير في اول فيصل

[uthema]

محمد جابر فى شارع دمشق

[omar101970]

فين فى اسكندريه

لو ممكن حد يقولنا فين فى اسكندريه المحلات اللى بتبيع قطع غيار اصلى