نداء الى اصحاب تويوتا 1300 سى سى اى كان موديله استفسار صغير

[ahmedShafie]

بسم الله الرحمن الرحيم

السلام عليكم ورحمة الله وبركاته

كنت عاوز اعرف هل التويوتا 1300 سى سى قوت موتورها لما تكون ماشى من غير تشغيل التكييف هوه هوه لما تشغل التكييف

فيه ناس بتقول قوة الماتور لا يتأثر بتكييف هل ده صحيح

مع العلم انا كنت من ملاك اللانسر بومه 2007 1300 سى سى وكانت العربيه بتتاثر لما اشغل التكييف فى وسط المدينه اما على الطرق السريعه فبيكون مرضى لحدا ما

فياريت تقولولى هل التويوتا زى اللانسر ولا حاجه تانيه لانى ناوى اجيب تويوتا 1300 سى سى

[S O P H O S]

1300 كنت بقول عليه زمان زي حضرتك كده
بس الكلام ده طلع غلط ---- ---------------- ياباني
التأثير طبعا يوجد ولكن لو الماتور بحالة جيدة بيكون قليل ولكن موجود
حتي 1600 يوجد تاثير بردوا
لو الماتور نظيف توكل علي الله
مش هتندم بأذن الله
مجرد راي شخصي
في انتظار باقي تجارب الاعضاء
تحياتي ..

[BLOODY_STONE]

مش حتحس بفرق
انا عنجي الياريس موتورها 1300 هو هو موتور الكورولا ال 1300 و مش حتلاقي حد بيشتكي من موضوع التكييف مع السواقة ولا السحب ...

هو بيأثر اكيد .. بس تأثير خفيف اوي و مش حتحس بيه في سواقتك العادية او حتى مع الحرق .. عايزة واحد واخد على عربيتو اوي عشان يحس ... غير كده لأ

و زي ما العضو Ahmed 1006 قال .. لو حالته كويسة اتوكل على الله ..

[MohssenRashed]

انا معايا تيريوس 2007 1500 سي سي و التكيف لية تأثير جامد و حمايا معاه كرولا 2002 1300 سي سي كانت معايا اسبوع محستش بأي تأثير على الموتور بالتكيف.

الصراحة الكرولا دي (2002-2007) تحفة جدا سواء ال 1300 او 1600

[me_medoo]

بسم الله الرحمن الرحيم
وبه نستعين .... وبسم الله مشاء الله ولا حول ولا قوة الا بالله .... ليس هناك تأثير ملحوظ ياباشا. .... بس انا عن نفسي مبشغلش التكيف لان بتصعب عليا سوسو بالذات في الصيف بقول حرام اذا انا اهو كبني ادم وهفطس في الحر فما بالك سوسو خليني استحمل وبلاش اضغط عليها هبقى انا والزمن والزحمة عليها وتحياتي

[ahmedShafie]

1300 كنت بقول عليه زمان زي حضرتك كده
بس الكلام ده طلع غلط ---- ---------------- ياباني
التأثير طبعا يوجد ولكن لو الماتور بحالة جيدة بيكون قليل ولكن موجود
حتي 1600 يوجد تاثير بردوا
لو الماتور نظيف توكل علي الله
مش هتندم بأذن الله
مجرد راي شخصي
في انتظار باقي تجارب الاعضاء
تحياتي ..

ربنا يبارك فيك....... فعلا اهم حاجه الماتور يكون نضيف

مش حتحس بفرق
انا عنجي الياريس موتورها 1300 هو هو موتور الكورولا ال 1300 و مش حتلاقي حد بيشتكي من موضوع التكييف مع السواقة ولا السحب ...

هو بيأثر اكيد .. بس تأثير خفيف اوي و مش حتحس بيه في سواقتك العادية او حتى مع الحرق .. عايزة واحد واخد على عربيتو اوي عشان يحس ... غير كده لأ

و زي ما العضو ahmed 1006 قال .. لو حالته كويسة اتوكل على الله ..

انا عجبانى العربيه الياريس اوى فى كل حاجه مفيش اللى مزعلنى اووووى حته العدادات اللى فى الوسط الطبلوه لو يعدلوه ويخلوه طبيعى كده على الشمال انا اول واحد يشتريها زيرو

انا معايا تيريوس 2007 1500 سي سي و التكيف لية تأثير جامد و حمايا معاه كرولا 2002 1300 سي سي كانت معايا اسبوع محستش بأي تأثير على الموتور بالتكيف.

الصراحة الكرولا دي (2002-2007) تحفة جدا سواء ال 1300 او 1600

ربنا يطمنك متشكر جدا

بسم الله الرحمن الرحيم
وبه نستعين .... وبسم الله مشاء الله ولا حول ولا قوة الا بالله .... ليس هناك تأثير ملحوظ ياباشا. .... بس انا عن نفسي مبشغلش التكيف لان بتصعب عليا سوسو بالذات في الصيف بقول حرام اذا انا اهو كبني ادم وهفطس في الحر فما بالك سوسو خليني استحمل وبلاش اضغط عليها هبقى انا والزمن والزحمة عليها وتحياتي

والله انا زيك كده بهتم بعربيتى جدا ومش هتصدق لو قولتك انى بغسل العربيه كل يوم المغربيه كده والزيت بيتغير قبل ميعاده والتنك لما يبقى لنصف بكمله فول تانك تانى ومش بشغل التكييف على طول الا فى الظروف الحر اوى


وكلمه اخير انا بشكركم اوى على الافاده العظيمه دى

ربنا يبارك فيكم

[sa3dawy]

التأثير موجود.. مش هنكر..
لكن بسيط جدا جدا لدرجة ام فى احتمال كبير جدا متاخدش بالك منة.
الياريس عربية محترمة وبقالها عايشة معايا اكتر من 3 سنين فى أقصى درجات الذل والهوان ومشتكتش ابدا :d

[S O P H O S]

لو علي العدادت صدقني هتاخد عليها مع الوقت
وكمان شكل العدادت احلي من الكورولا الموديل الي معايا مثلا
وربنا يوفقك للاحسن
ان شاء الله

[ahmedShafie]

لو علي العدادت صدقني هتاخد عليها مع الوقت
وكمان شكل العدادت احلي من الكورولا الموديل الي معايا مثلا
وربنا يوفقك للاحسن
ان شاء الله

بجد انا فعلا معجب بالياريس جدا خصوصا شكلها الخارجى جميل ومتناسق وكمان عاليه عن الارض ووسعها الداخل مافيش كلام مريحه لاكن حكايه العدادات دى مبوظه دماغى ومكدبش عليك انا مركبتش ياريس قبل كده هحاول اشوف اقرب فرصه واجربها لو ارتحتلها هشتريها ان شاء الله

[amr_2010]

انا معايا كورولا 1300
التأثير على السحب مع التكييف بسيط جدا يكاد يكون غير ملحوظ

[Ahmod]

لا يا باشا السحب معقول وجميل جدا

لان الماتور مناسب مع وزن العربية فمش هتحس بضعف في الاداء سواء بتكييف او من غيره