الياريس والانوس والنيو اكسنت !! واربع جولات على المحور

[Eng.Geo]

كنت راكب نيو اكسنت 1.5 2006 بدايه الجيل الجديد وشديت مع نوبيرا 1 1.5 16 صباب المكنه هى هى بتاعتك مع فرق وزن العربيه طبعا.............المهم كنت بسيبو يجيب اخرو سرعه وانا مريح رجلى على البنزين ولما احس انو شطب اكبس كبسه حلوة من غير مصقط غيار اعديه كانو واقف وصلت فى مره من المرات على الدائرى انى خليتو يجرى ورحت معدى منه وثبت على سرعته وقعدت اللعب قدامو بالعربيه والطريق فاضى واخد الدائرى من الرصيف للرصيف وهو مش عارف يعدى والله لو كان حد شافنى يوميها كان هيقول عليا سكران..........................................


الخلاصه عن تجربه ..وكلامى كمان على النيو اكسنت 1.5 ................فيها مكنه غبيه لما بتشد بيها وانت مش واخد بالك فى الطلعه راسك بتخبط فى المخدع ولما تجيب الخامس على 80 وتدوس على الاخر كانك صقط غيار والله مركبت عربيه فى حياتى تحاول تعجزها بالغيارات مبتتعجزش...........لدرجه انى جيت فى حتى رمله وروحت مدى ال3 على 20 وروحت قارص العربيه فضلت تفرك لحد سرعه 80 تخيلو .....................موتور مستفززززززززززززززززززززززززززززز

:)
بجد ! :)
أصل ده عربيتي :)
باشا
انا هاقولك التسارع بتاع العربية ولو عايز فيديو لعربيتي موجود
من 0 ل 100 في 10.2 بنص تانك 80 ونص 92
من 0 ل 200 في 39 ثانية
باجيب ال 220 عادي
انا ماجربتش مع أكسينت 1500 ده !
بس مع فيرنا 1500 و 1600
سيبك خالص من ال 1500
ال 1600 ... عايز أقولك بابقي فارق عنه من الأول ومن 120 بفرق جامد
من 160 ... أقدر أقولك باسيبه وأمشي
أقولك عربيات أيه تاني ؟
انا كان معايا علي فكرة أكسيل 1500 وعارف انه موتور غبي
بس الموتور ال 1500 بتاع النوبيرا فيه حاجة ممكن اللي سايق لو أتغابي هيموت تسارع العربية
عزمها متأخر ... لو نقل بدري أي حد هينفخه

[Eng.Geo]

الأكسينت المانيوال حلوة جدا في جريها
بس اللي حسسك انها بتجري انه بيكون مجمع من ورا وييجي جنبكوا يجري

[lanos2004]

اعتقد انها هتشد معاك كويس بس انت ممكن تعديها ( مش بفرق كبير )

وممكن تعدينى عادى جدا --بس لحد الان انا لم استخدم قوة ماتور الانوس بالكامل فى اى شده مع اى حد لان للاسف بيقفوا عند 190 ما فيش حد بيكمل فبكتفى 200 فقط

[lanos2004]

كنت راكب نيو اكسنت 1.5 2006 بدايه الجيل الجديد وشديت مع نوبيرا 1 1.5 16 صباب المكنه هى هى بتاعتك مع فرق وزن العربيه طبعا.............المهم كنت بسيبو يجيب اخرو سرعه وانا مريح رجلى على البنزين ولما احس انو شطب اكبس كبسه حلوة من غير مصقط غيار اعديه كانو واقف وصلت فى مره من المرات على الدائرى انى خليتو يجرى ورحت معدى منه وثبت على سرعته وقعدت اللعب قدامو بالعربيه والطريق فاضى واخد الدائرى من الرصيف للرصيف وهو مش عارف يعدى والله لو كان حد شافنى يوميها كان هيقول عليا سكران..........................................


الخلاصه عن تجربه ..وكلامى كمان على النيو اكسنت 1.5 ................فيها مكنه غبيه لما بتشد بيها وانت مش واخد بالك فى الطلعه راسك بتخبط فى المخدع ولما تجيب الخامس على 80 وتدوس على الاخر كانك صقط غيار والله مركبت عربيه فى حياتى تحاول تعجزها بالغيارات مبتتعجزش...........لدرجه انى جيت فى حتى رمله وروحت مدى ال3 على 20 وروحت قارص العربيه فضلت تفرك لحد سرعه 80 تخيلو .....................موتور مستفززززززززززززززززززززززززززززز

فيه فرق انك تجرى مرة او مرتين مع عربيه معينه -وانك تجرى معاها فوق 30 مرة
شوف انا شديت مع 40 سيراتو وما فيش عربيه عدت منى --وفى نفس الوقت مقدرش احكم الى لو -حد بيشد معايا ومتاكد جدا انه حارق وبيشد فعلا

[Hmatchy]

يااه كل ده ومش مقتنع دا انا زهقتلك يا راجل
فكرتنى بى واحد صاحبى معاه شاهين 1400 و مصمم انو ممكن يقطعنى شد مواتير
وشديت معاه مواتير و غرز و بهدلتو وبردو مصمم فا ريحت دماغى و قلتلو انا منسحب انت عربيتك احسن منى

[ahmad--ezzat]

مش عارف ليه قلبي بيتحرق علي عربيتي لو عديت ال 4 rpm

[mody3on]

مش عارف ليه قلبي بيتحرق علي عربيتي لو عديت ال 4 rpm

+1111111
بقول انا اولى بالبنزين :))

[ahmad--ezzat]

+1111111
بقول انا اولى بالبنزين :))

بنزين وزيت وصبابات وفلاتر وفواحه كمان هههه ده غير بقي مطبات الهوا المنيله اللي ف بلدك ولو مركب عفشه سبور هبد ورقع للصبح,,,ده غير بقا قلبك اللي هينط من صدرك لو بتشد مع حد هههههه,,,نمشي براحه احسن 100000000 مره

[S O P H O S]

ماشي يا ابو حميد
مشيت قبلي علشان منتقبلش وطلعت
تشد لوحدك !!!

[tarekiooo]

الفاضى يعمل ايه.................

[SAMEH_FOUAD]

مش فاهم مقياسك ايه , لو بتتكلم على ال sir عايز اكسنت 110 حصان تشد من sir 175 حصان ؟
--------
الاكسنت طبيعي انها تعدي الياريس لانها 110 حصان والياريس اعتقد انها 100 حصان , بوزنها ده تعدي الجيتا والاوكتافيا والجولف والفييستا والكورسا والبولو وكل اللي في فئتها كمان

اكيد طبعا مش بقارنها بال SiR بس انا ببقى عارف العربية اللى بتجرى بتبقى عاملة ازاى

ياباشا على فكرة الحمد لله انا عمرى ماجريت مع حد وجيبت اكتر من الرابع لانة فى نص الرابع بيختفى ( الرابع عندى 210 كم )

فكل عربية بجرى معاها ببقى عارف حدودها فين

[lanos2004]

اكيد طبعا مش بقارنها بال sir بس انا ببقى عارف العربية اللى بتجرى بتبقى عاملة ازاى

ياباشا على فكرة الحمد لله انا عمرى ماجريت مع حد وجيبت اكتر من الرابع لانة فى نص الرابع بيختفى ( الرابع عندى 210 كم )

فكل عربية بجرى معاها ببقى عارف حدودها فين

يا بختك الرابع عندى اخرة 180--من غير حسد-ربنا يبارك فيها

[bassemali]

على فكره الموضوع أبسط من كده .. بحسبه صغيره الياريس 92 حصان والانوس 85 حصان ... غير أن فرق تكنولوجيا المحركات لصالح الياريس ال vvti عن الانوس ال sohc

[iwantes350]

ربنا يسامحك يا ابوحميد
انا بتعقد من الشد مع الاكسنت
دى مرة علمت على صاحبي على الدائري وصاحبي معاه فانتازيا ؟؟؟؟؟؟؟
بس هى بسم الله ما شاء الله جراية وحلوة
بس انا بحب الياريس اكتر منها
او اكتر من اى هيونداى