ياريس2009 عاملة حادثة

[islamomar007]

لا الشاسيه تمام وكل حاجه فالعربيه تمام كهربة وعفشة اللي اتعوج بس هو القايم اللي بين البابين ومش عارف ده بيتعدل ولا بيتقص برضه ويستبدل وعوجه في الباب الخلفي اللي دلوقتي قافش مش بيقفل للاخر ومش بيفتح لكن وش العربية سليم وضهرها سليم .. وشكرا عالردود المشجعه اني مابيعش العربية كده فعلا هتتخسف جامد.. يفضل بس السؤال ياتري مين يكون ايده حلوة في الشغل فيها!!

[islamomar007]

ابن عمي خدها لحد في السلام السمكري لوحده بيقوله هاخد 6 آلاف وبيقوله السقف ده يتغير ميتعدلش ايه رأيكوا؟؟!!

[S O P H O S]

شوف حد تاني بردوا ويكون امين علشان عندي احساس انه يتعمل مش يتغير كله
والله اعلم

[beckeryahia]

العربية دي علشان تتعمل صح محناجة 2باب شمال وسقف كامل وقايم وسطي شمال بالعتب وقايم امامي شمال ورفرف امامي وكل دا يركب والعربية مرفوعة علي مكنة لاستعدال الشاسية مش علي الارض وممكن تحتاج شوية رفايع زي طابلوه وفبر الصالون وشاسية لكرسي السواق وازاز امامي وممكن تحتاج الخلفي لو اتكسر والراجل بيخلعة وتمم علي قواعد الموتور والفيتيس ونكون كل خاجة في وضعها الطبيعي وماتفبلش ان تكون في حاجة بتحك اثتاء الدوران او صوت هوا داخل من الابواب او رعشة في العربية عموما , لازم كل حاجة تتعمل بفن وضمير وبدون ماتتخربش وكل اللي اتفك يتربط كوس وتمم علية بنفسك , وبعد كدا تترش العربية كلها ( مش ترش حتة وتسيب حتة)عند واحد محترف ونفس نوع البوهية بتاع العربية ويفك اي باكتتات بلاستيك والفوانيس واكر الابواب قبل ما يرش , وتتكلف حوالي من 15000 لي 20000 ,
لكن لو عايز تعملها اي عك وتخسر فيها جامد اما تيجي تبيعها دا لو عرفت تبيعها , هاتلها باب وازاز قدام والباقي يترد عند واحد سمكري وماترشهاش كلها ولو الطابلوه فية شرخ سيبة ومانجيبش فبر للصالون وننكلف حوالي 8000 جنية

[Ahmod]

وديها لكريم منير في ورشة نايل موتورز في الحرفيين

على الاقل تبقى ضامن ان عربيتك في ايد امينة وهيتعمل فيها شغل نضيف

[islamomar007]

هو الموضوع كبير أوي كده يا beckeryahia انا شايف ان كده التكلفة تعدي بكتير المبلغ اللي حضرتك طرحته ومش عارف اذا الحاله تستدعي ده كله بس لو كده اعتقد بيع العربيه الآن أحسن

[beckeryahia]

لا ياباشا انا بقولك علي الصح علشان تعرف تركب العربية كويس وتعرف بغد كدا تبيعها بسهولة

[islamomar007]

فل عليك

[me_medoo]

ياه انا مكنتش اتصور ان الحادثة صعبة قوي كدة
انا بايد كلام الحج أحمد ممكن توديها ورشة كريم منير بس
بلاش أمممممممينة. الي يقلك عربيتك عند امينة خود عربيتك وامشي على طول
بص الحادثة دي بسيطة انشاء الله ومن ناحية هتفتح اه هتفتح
هتخشلك في حوال ١٣٠٠٠ جنية
وانا من رأيي المتواضع تجبلك حتت سقف استيراد جديد
@@@@@@@@@@@
بالنسبة للقزاز امامي للاخ العزيز الي سئل الاصلي هتلاقيه في التوكيل
او عند العالمية. في شارع دمشق او الحرفيين ب ١٢٥٠
@@@@@@@@@@@
وفي عند دكتور خالد. قزاز اتحاد اروبي
ب٧٥٠ جنية
وعند دكتور جريش ب ٣٥٠ جنيه
@@@@@@@@@@
وتحياتي

[S O P H O S]

13000 الف
؟؟؟؟؟؟
!!!!

[mr_sameh]

هتعدي 15000 الف للاسف

[elpasha1]

العربية دي علشان تتعمل صح محناجة 2باب شمال وسقف كامل وقايم وسطي شمال بالعتب وقايم امامي شمال ورفرف امامي وكل دا يركب والعربية مرفوعة علي مكنة لاستعدال الشاسية مش علي الارض وممكن تحتاج شوية رفايع زي طابلوه وفبر الصالون وشاسية لكرسي السواق وازاز امامي وممكن تحتاج الخلفي لو اتكسر والراجل بيخلعة وتمم علي قواعد الموتور والفيتيس ونكون كل خاجة في وضعها الطبيعي وماتفبلش ان تكون في حاجة بتحك اثتاء الدوران او صوت هوا داخل من الابواب او رعشة في العربية عموما , لازم كل حاجة تتعمل بفن وضمير وبدون ماتتخربش وكل اللي اتفك يتربط كوس وتمم علية بنفسك , وبعد كدا تترش العربية كلها ( مش ترش حتة وتسيب حتة)عند واحد محترف ونفس نوع البوهية بتاع العربية ويفك اي باكتتات بلاستيك والفوانيس واكر الابواب قبل ما يرش , وتتكلف حوالي من 15000 لي 20000 ,
لكن لو عايز تعملها اي عك وتخسر فيها جامد اما تيجي تبيعها دا لو عرفت تبيعها , هاتلها باب وازاز قدام والباقي يترد عند واحد سمكري وماترشهاش كلها ولو الطابلوه فية شرخ سيبة ومانجيبش فبر للصالون وننكلف حوالي 8000 جنية

الله ينور عليك
سبقتنى

[احمد فهمى]

بلاش سمكره على الوضع ده رأى الاخ الفاضل هو الصح غير كلو استيراد وان شاء الله تلاقى نفس اللون وفعلاً هتدخل فى ١٥ ل٢٠ بس هترجع جديده والعك خلى بالك هيصرف حوالى ١٠ الاف وهتخسر فى بيعا اكتر من ١٥ ل ٢٠ من المثيل السليم فيفضل تصرف فى التصليح ووديها عند ورشة نيل موتورز اللى الاخوه اتكلمو عنها لأنها لازم تروح عند حد تعرفو وبيفهم لأن ممكن مثلاً فى الرش يدخل واحد يغسل بالخرطوم يقوم ضاربلك كنترول ب٥ ٦ الاف جنيه فخليك مع اللى تعرفهم