بفكر أغير الجنوط لأصغر

[محمد ابراهيم 1]

بفكر أجيب جنوط 14 للياريس بدل ال 15 اللى فيها
لسببين
الأول وهو الشعور بمزيد من الراحه
والثانى وهو فرق سعر الكاوتش حيث أن الفرق حوالى 150 فى العجله الواحده
إيه رأيكم دام فضلكم ؟

[hero]

ما نصحكش خالص بالحكاية دي...
اولا- انت كدة هاتخفض ارتفاع العربية بوصة كاملة...يعني حوالي 3 سم ...والعربية مش مصمصة للارتفاع دة...دة غير بقي انك في مصر ام الدنيا...يعني حفر وبلاعات ...ومطبات شبة الجبال...يعني العربية هاتتقطع من تحت...

الشعور بالراحة انت ممكن تغير الكاوتش ايلي فيها ..باي نوع Comfort او Silent ودة بيكون ناعم جدااا علي الارض...ومريح عن الانواع التانية...ومالوش صوت تقريبا..

فرق سعر الكاوتش ...لو زي ما بتقول لو 150 في الفردة....يعني 600 جنية في الاربع فرد...عمر الكاوتش من 40 ~ 50 الف كم...يعني الزيادة دي هاتفرق معاك كل سنتين علي الاقل...يعني بمعدل..اقل من 1 جنية في اليوم...وترحم العربية من المطبات...والبهدلة ايلي هاتحصلها لو وطيت..

[Karim_Monir]

فكرة مش حلوة خالص
واما يكون قصدي انك تجيب جنوط 14 وكاوتش 70 زي بتاع الكرولا
هايديك نعومة
بس الكاوتش نفسة غاللي جدا
او تجيب 65 وكدة العربية هاتقل معاك
انصحك هات كاوتش محترم زي بريدجستون
وده بيعيش بالميت 80 الف كم
وده كلامهم وعلى مسئوليتهم

[محمد ابراهيم 1]

ما نصحكش خالص بالحكاية دي...
اولا- انت كدة هاتخفض ارتفاع العربية بوصة كاملة...يعني حوالي 3 سم ...والعربية مش مصمصة للارتفاع دة...دة غير بقي انك في مصر ام الدنيا...يعني حفر وبلاعات ...ومطبات شبة الجبال...يعني العربية هاتتقطع من تحت...

الشعور بالراحة انت ممكن تغير الكاوتش ايلي فيها ..باي نوع Comfort او Silent ودة بيكون ناعم جدااا علي الارض...ومريح عن الانواع التانية...ومالوش صوت تقريبا..

فرق سعر الكاوتش ...لو زي ما بتقول لو 150 في الفردة....يعني 600 جنية في الاربع فرد...عمر الكاوتش من 40 ~ 50 الف كم...يعني الزيادة دي هاتفرق معاك كل سنتين علي الاقل...يعني بمعدل..اقل من 1 جنية في اليوم...وترحم العربية من المطبات...والبهدلة ايلي هاتحصلها لو وطيت..

تغيير الجنوط الى 14 بوصه لا يؤثر على ارتفاع السياره لأن الفرق حيتعوض فى الكاوتش

لكن هو حيقلل الثبات شويه وحيزود راحه العربيه شويه

والكتالوج مكتوب فيه إن ممكن يتركب لها كاوتش 14 \ 175 \65
بدل ال 15 \185 \ 60

[fahd_628]

والكتالوج مكتوب فيه إن ممكن يتركب لها كاوتش 14 \ 175 \65
بدل ال 15 \185 \ 60

مادام مكتوب كدة فى الكتالوج يبقى مفيش مشكلة

[شاهين - بنز]

طب ماكده الطاسات مش حتركب وحتى لو ركبت جنوط سبور حيبقى منظر العربية متكتك

[hero]

تغيير الجنوط الى 14 بوصه لا يؤثر على ارتفاع السياره لأن الفرق حيتعوض فى الكاوتش

لكن هو حيقلل الثبات شويه وحيزود راحه العربيه شويه

والكتالوج مكتوب فيه إن ممكن يتركب لها كاوتش 14 \ 175 \65
بدل ال 15 \185 \ 60

بص يا باشا ....علشان تحسب ارتفاع العربية تبقي كدة:

1- الكاوتش 185/60R15

185 mm X 0.6=111 mm
دول طول جنب الكاوتش....ودول حوالي 4.4 بوصة...
دول هاينضربوا في 2 ....فوق وتحت حوالين الجنط..الـ 15

يبقي ارتفاع العربية من علي الارض لاخر حتة في الكاوتش من فوق..عند الفجوة..هايساوي تقريبا 23.7 بوصة...

2- الكاوتش 175/65R14

نفس الكلام ايلي فوق...
175mm X 0.65= 113.75 mm
هانضرب دول في 2 ونحولهم لبوصة...ونجمع علي الجنط الـ 14 بوصة..
المسافة هاتبقي 22.9 بوصة...

يعني تقريبا بوصة كاملة هاتوطي...ودي ممكن لو معاك حد في العربية ..تخلي العربية تاكل كل المطبات ايلي في الدنيا...

صدقني الجنط الـ 15 افضل بكتير.....لوحاسس ان العربية ناشفة...راجع ظغط الهوااا في الاربع فرد..عند اكتر من واحد....لاني لاقيتهم 45 ....وظبطهم علي 30..وفعلا العربية بقت اريح كتير في الحفر بالذات..

[dudu99990]

بص يا باشا ....علشان تحسب ارتفاع العربية تبقي كدة:

1- الكاوتش 185/60R15

185 mm X 0.6=111 mm
دول طول جنب الكاوتش....ودول حوالي 4.4 بوصة...
دول هاينضربوا في 2 ....فوق وتحت حوالين الجنط..الـ 15

يبقي ارتفاع العربية من علي الارض لاخر حتة في الكاوتش من فوق..عند الفجوة..هايساوي تقريبا 23.7 بوصة...

2- الكاوتش 175/65R14

نفس الكلام ايلي فوق...
175mm X 0.65= 113.75 mm
هانضرب دول في 2 ونحولهم لبوصة...ونجمع علي الجنط الـ 14 بوصة..
المسافة هاتبقي 22.9 بوصة...

يعني تقريبا بوصة كاملة هاتوطي...ودي ممكن لو معاك حد في العربية ..تخلي العربية تاكل كل المطبات ايلي في الدنيا...

صدقني الجنط الـ 15 افضل بكتير.....لوحاسس ان العربية ناشفة...راجع ظغط الهوااا في الاربع فرد..عند اكتر من واحد....لاني لاقيتهم 45 ....وظبطهم علي 30..وفعلا العربية بقت اريح كتير في الحفر بالذات..

يا سيد هيرو انت ضربت في 2 ليه

خلي بالك المؤثر في ارتفاع خلوص السياره عن الارض هو الارتفاع من سنتر العجله للارض و بالتالي لا تحتاج تضرب في 2

اما بالنسبه للتغيير من 15 الي 14 فأنا متفق مع رأي يغيير الكاوتش و ليس الجنوط

حاول تشوف كاوتش Soft side wallبجانب لين مثل الكونتينينتال

ايضا الجنط ال 15 بيعطي ثبات اكتر علي الطريق و في الملفات كما ان شكل السياره بيبقي افضل

و جرب انك تخلي ضغط الاطارات 28 فقط هيساعد شويه

[hero]

يبقي ارتفاع العربية من علي الارض لاخر حتة في الكاوتش من فوق..عند الفجوة..هايساوي تقريبا 23.7 بوصة...

يا سيد هيرو انت ضربت في 2 ليه

خلي بالك المؤثر في ارتفاع خلوص السياره عن الارض هو الارتفاع من سنتر العجله للارض و بالتالي لا تحتاج تضرب في 2

اما بالنسبه للتغيير من 15 الي 14 فأنا متفق مع رأي يغيير الكاوتش و ليس الجنوط

حاول تشوف كاوتش Soft side wallبجانب لين مثل الكونتينينتال

ايضا الجنط ال 15 بيعطي ثبات اكتر علي الطريق و في الملفات كما ان شكل السياره بيبقي افضل

و جرب انك تخلي ضغط الاطارات 28 فقط هيساعد شويه

انا قاصدي علي ارتفاع العجلة كلها...من علي الارض لحد الفجوة ...مش من الارض لحد سنتر العجل...

[Ahmad Allawy]

فكرة مش حلوة خالص
واما يكون قصدي انك تجيب جنوط 14 وكاوتش 70 زي بتاع الكرولا
هايديك نعومة
بس الكاوتش نفسة غاللي جدا
او تجيب 65 وكدة العربية هاتقل معاك
انصحك هات كاوتش محترم زي بريدجستون
وده بيعيش بالميت 80 الف كم
وده كلامهم وعلى مسئوليتهم

كيمو..
العربية اصلا بتنزل بكاوتش بريدجستون ياباني مقاس 15- 185/60
مش تويو زي الكورولا يعني..
انا شوفته بعيني في عربية واحد صاحبي..

[Ramy.Gamal]

كيمو..
العربية اصلا بتنزل بكاوتش بريدجستون ياباني مقاس 15- 185/60
مش تويو زي الكورولا يعني..
انا شوفته بعيني في عربية واحد صاحبي..

مع احترامى لكلام حضرتك
مش معنى انها بتنزل بكاوتشات بريدجستون تبقى حلوة لسببين :
ان بريدجستون فيها turanza وفيها كمان potenza وفيها super silent rotation وكلهم يابانى يعنى مش نقول بريدجستون وخلاص
واكبر مثال على كده ان اللانسر بتنزل ببريدجستون turanza er-30 ويابانى بس ناشف وصوته عالى
ثانيا: الاستاذ محمد ابراهيم ممكن يجيب حاجه غاليه 195/55/15 وتعيش معاه كتير جدا بس بشرط ظبط الزوايا والترصيص عند مكان كويس والتأكد منها على فترات متقاربه وطبعا هتاخد ثبات رهيب جدا ونعمومه للعفشه وانعدام اى اصوات سواء للاطارات او للعفشه بس طبعا تكون super silent & rotation وبعدين دة كل الناس بتحب تحط كاوتشات اعرض للحصول على ثبات اعلى وراحه للعفشه مش تقلل الجنط .وبعدين الياريس ثباتها مش عالى فى 15- 185/60 تقوم حضرتك عاوز تصغر الجنوط علشان متلاقيش ثبات اساسا

[Ahmad Allawy]

سيدي الفاضل..
انا لما علقت علي كلام كريم كنت باتكلم علي انه كان بيقترح انه يجيب كاوتش محترم..
مش موديل معين يعني سايلنت او كده..
بس حبيت اوضح النقطة دي..
و معنديش اي اعتراض علي الكلام اللي سعادتك قولته بالنسبة للموديلات و النقشات و الالكلام ده..

وكمان معلومة..:
بيتهيألي ان اللي بيأثر جامد في الثبات عرض الكاوتش و الجنط اكتر منه قطر الجنط نفسه..
يعني ممكن جدا انه يعرض و يصغر القطر من غير مشاكل..
يعني مش شرط انه يصغر يبقي ميلاقيش ثبات.. الكلام مش مظبوط..