تغيير مساعدين كورولا ٢٠٠٥

[egygooner]

السلام عليكم
عندي كورولا موديل ٢٠٠٥ و روحت عملت صيانة ال١٢٠,٠٠٠ في التوكيل و ده بيتضمن كشف كامل علي العربية. المهم عند استلام العربية المهندس المختص قاللي ان في الكشف الكامل تبين انه لازم تغيير المساعدين امامي و خلفي. الصراحه انا كنت عارف انها هتحتاج تتغير و ده بسبب احساسي بضعف نعومة العربية علي الطريق و كده ولا كده تويوتا نفسها بتوصي بتغييرهم عند حوالي ١٢٠,٠٠٠ كيلو.
طبعاً لما قاللي السعر اتصدمت. سعر الجوز الخلفي ١٥٠٠ لحلوح و الجوز الامامي ٢٥٠٠ لحلوح يعني كله على بعضه ٤٠٠٠ لحلوح غير المصنعية. انا عارف ان ده سعر عالي و مبالغ فيه جداً!!!!
فيريت لو حد من الأعضاء الكرام يعرف يقوللي اجبهم اصلي من بره التوكيل فين و بكام و اركبهم عند مين و بكام لو مفيهاش غلاسه. انا ساكن في مصر الجديدة لاكن مستعد اروح اي حته في القاهرة الكبري عشان اخلص من القصة ديه.
و شكراً ليكم كلكم.

[S O P H O S]

ان شاء الله تتحل بره وبسعر افضل من كده
متابع راي الاعضاء فاماكن الشراء
انا بردوا احتمال اكون محتاج مساعدين خلفلي
لاني في اصوات غربية من الخلف وكده سعر عالي بالفعل
هو حضرتك كان في اصوات في المطبات من العفشة ولا نشفة فقط
والكشف العام علي السيارة فالتوكيل بكام
؟؟
معلش اني برد علي السؤال بسؤال ...
تحياتي

[me_medoo]

أخي الكريم
أهلا وسهلاً بيك في قسم تويوتا
منورنا واللهِ ... أما بالنسبة لسؤال حضرتك
هتروح شارع دمشـق ... في مصر الجديدة




هتلاقي هناك خمس محلات لقطع غيار تويوتا
وأنصحك بالعالميـة أو عند عـرفة
@@@@@@@
وبالتوفيق أنشاء الله
ومستنين تقولنا لقيتهم بكام
$$$$$$
وتحياتي

[M.FOUAD]

بص انا كنت مغير الخلفي kyb اصلي ب400 جنية و الامامي ب 750 الكلام دة من حوالي سنتين هتلاقيهم عند المنير في فيصل و فية حاجات تانية كثير تايواني و صيني ارخص بس خليك في kyb زي الاصلي اللي بينزل فيها

[egygooner]

ان شاء الله تتحل بره وبسعر افضل من كده
متابع راي الاعضاء فاماكن الشراء
انا بردوا احتمال اكون محتاج مساعدين خلفلي
لاني في اصوات غربية من الخلف وكده سعر عالي بالفعل
هو حضرتك كان في اصوات في المطبات من العفشة ولا نشفة فقط
والكشف العام علي السيارة فالتوكيل بكام
؟؟
معلش اني برد علي السؤال بسؤال ...
تحياتي

لا فيه دبدبة كده و بحس بكل نقرة في الاسفلت مهما كانت صغيرة و كمان نشفت زي ما حضرتك سألت. هو عموماً اكيد حضرتك هتحس لما يحتاجوا تغيير لأن علطول هتحس انها مش ناعمة النعومة الي الكورولا مشهورة بيها.
اما بقي قصة الكشف العام, انا بصراحة معرفش لوحده تمنه كام و لاكني عارف انو جزء من صيانة ال١٢٠,٠٠٠ اللي بتتكلف حوالي ٢٠٠٠ جنيه.
و يسعدني جداً اني ارد على كل اسئلة حضرتك و لو لقيت معلومات من بره المنتدى هقول لحضرتك على طول.

[egygooner]

أخي الكريم
أهلا وسهلاً بيك في قسم تويوتا
منورنا واللهِ ... أما بالنسبة لسؤال حضرتك
هتروح شارع دمشـق ... في مصر الجديدة




هتلاقي هناك خمس محلات لقطع غيار تويوتا
وأنصحك بالعالميـة أو عند عـرفة
@@@@@@@
وبالتوفيق إن شاء الله
ومستنين تقولنا لقيتهم بكام
$$$$$$
وتحياتي

اولاً احب اشكر حضرتك على ترحيبك الجميل بي فى القسم.
انا فعلاً كنت سامع عن المحلات ديه و لكن كنت ناسيها خالص فشكراً جزيلاً ان حضرتك فكرتني بيها و ان شاء الله هروح بكره و اول ما اعرف الاسعار هاقولكم على طول.
و شكراً لحضرتك شكراً جزيلاً مرة تانيه.

[egygooner]

بص انا كنت مغير الخلفي kyb اصلي ب400 جنية و الامامي ب 750 الكلام دة من حوالي سنتين هتلاقيهم عند المنير في فيصل و فية حاجات تانية كثير تايواني و صيني ارخص بس خليك في kyb زي الاصلي اللي بينزل فيها

انا هخلليني في الأصلي برده لأن بصراحه و عن تجربة صديق لي, مع تويوتا الغالي تمنه فيه.
بس هل حضرتك متأكد ان الأصلى بتعها فعلاً kyb؟ و هل العلبة بتاعتهم هتكون تويوتا ولا kyb؟ و معلش اخر سؤال, الاسعر اللي حضرتك كاتبها ديه للقطعة الواحده مش للجوز صح؟
و شكراً لحضرتك علي المشاركة و النصيحة الممتازه ديه.

[S O P H O S]

لا فيه دبدبة كده و بحس بكل نقرة في الاسفلت مهما كانت صغيرة و كمان نشفت زي ما حضرتك سألت. هو عموماً اكيد حضرتك هتحس لما يحتاجوا تغيير لأن علطول هتحس انها مش ناعمة النعومة الي الكورولا مشهورة بيها.
اما بقي قصة الكشف العام, انا بصراحة معرفش لوحده تمنه كام و لاكني عارف انو جزء من صيانة ال١٢٠,٠٠٠ اللي بتتكلف حوالي ٢٠٠٠ جنيه.
و يسعدني جداً اني ارد على كل اسئلة حضرتك و لو لقيت معلومات من بره المنتدى هقول لحضرتك على طول.

اشكرك يا فندم علي زوقك وكرم اخلاقك
ربنا يكرمك علي مساعدتك
تقبل تحياتي ومروري ..

[M.FOUAD]

انا هخلليني في الأصلي برده لأن بصراحه و عن تجربة صديق لي, مع تويوتا الغالي تمنه فيه.
بس هل حضرتك متأكد ان الأصلى بتعها فعلاً kyb؟ و هل العلبة بتاعتهم هتكون تويوتا ولا kyb؟ و معلش اخر سؤال, الاسعر اللي حضرتك كاتبها ديه للقطعة الواحده مش للجوز صح؟
و شكراً لحضرتك علي المشاركة و النصيحة الممتازه ديه.

السعر طبعا للجوز مش الواحد فرق كبير طبعا بين سعر التوكيل و برة الاصلي اكيد kyb
العلبة بيتكتب عليها انها بتاع تويوتا علبة حمراء كدة و تاكد انها ياباني عشان فية تايلاندي بردة
و ممكن تروح لاي موزع معتمد تويوتا يوريك العلبة الاصلي بتاع المساعين قبل ما تشتريها من برة انا عملت كدة عن نفسي

[tamerzeid]

بالتوفيق