هل الاسبويلر ممكن يزود ثبات الكورولا 2006

[kar!m]

السلام عليكم و رحمة الله

واحد صاحبي لسه شاري تويوتا كورولا 2006 .. و بعد ما اشتراها راح اشترى جنوط اسبور 15 بوصه .. و كاوتش بريدجستون جديد.

المهم و هو مسافر مرسى مطروح .. ثبات العربية معجبوش خالص .. فبيفكر انه يركب سبويلر عشان يزود الثبات.

هو سأل في التوكيل لقاه ب 3000 جنية تقريبا ... لييييييييييه؟

هل فعلا لو ركب سبويلر هيفرق معاه فى الثبات؟ و يجيبه منين أفضل حاجه؟

[S O P H O S]

هو يقال ان الاسبولير لو اصلي ومعمول صح
بيأثر فالثبات ولكن بردوا اظن ليس بالكثير
بس انا شايف انه حتي لو اثر هتكون حاجة لا تذكر
الافضل لثبات الكورولا هو مقاش 16 للجنط ولو قدر يهبط العربية سنه صغيرة يبقي خير
طبعا مش هقول يركب عتب فمكان نظيف لانه هيبقي مكلف وغير كده مش نافع فطرق مصر
انما عموما الاسبويلر حتي لو بيأثر فالثبات هيكون قليل ووممكن السحب
انما ان العربية تروح شمال ويمين مع العربيات الكبيرة الي اسرع منك والرياح الشديدة لا اظن قد يحدث تغير
كل الكلام ده مجرد راي شخصي يحتمل الخطأ
تحياتي ..

[monamize4]

بص ياباشا الاسبويلر اساسا ماينفعش يتركب عشان المنظر و خلاص زى ما كل الناس بتعمل (انا شوفت واحد مركب سبويلر الومنيوم للافيو!!!!!!!!!!!!!!) لان الاسبويلر اساس فكرتة انة بيحسن التصميم الaerodynamic للعربية فبيخلى العربية تبقى اثبت ع الطريق عشان كدة لو هيركبة لازم يجيب نوع نضيف (ابعادة سليمة)و يركبة عند واحد فاهم مش اى حد و خلاص (معرفش اذا كان في ورشة ف مصر بتختبر الاداء aerodynamic للعربيات ولا لا)
طبعا الاسبويلر ليه وظيفة تانى هى انه بيبرد مواتير عربيات الموتور الخلفى
الخلاصة ان السبويلر لو متركبش صح الثبات هيقل و استهلاك البنزين هيزيد و فى شركات كتيرة بتكتب الكلام دا ف كتالوجاتها و طبعا لازم صحبك يعمل حسابه ان سعر العربية هيقل لان معظم الانواع بتحتاج ان الشنطة تتخرم
بس عامة هو بيخلى شكل العربية وحش (زى اللى بيلبس جلابية و كوتشى) لان معظم العربيات اللى عندنا مش رياضية بس ف الاخر دا اراء و اتمنى انى اكون افدتك

[Kefo_Honda]

الأسبويلر مش هيأثر قوي في الأستابيلتي عشان هيبقى منظر بس , في كذ حل يزود بيه الثبات, الاول هو انه يركب سوست رياضية هتوطي العربية شوية و الثبات هيزيد , الحل التاني إنه فيه شدادات اسمها ultra racing عبارة عن بارات حديد بتتركب في كذ مكان في العربية , منها الي بيبقى في حوض الموتور بيربط الباطحتن ببعض ومنها بيتربط تحت العربية تحت الموتور وكمان فيه بيربط القنترة الخلفية و أماكن تانية كتير و بتخلي الأستابيلتي وهم وكمان بتحسن الهاندلينج ... أرجو إني أكون قدرت افيد حضرتك

[Kefo_Honda]

الأسبويلر مش هيأثر قوي في الأستابيلتي عشان هيبقى منظر بس , في كذ حل يزود بيه الثبات, الاول هو انه يركب سوست رياضية هتوطي العربية شوية و الثبات هيزيد , الحل التاني إنه فيه شدادات اسمها ultra racing عبارة عن بارات حديد بتتركب في كذ مكان في العربية , منها الي بيبقى في حوض الموتور بيربط الباطحتن ببعض ومنها بيتربط تحت العربية تحت الموتور وكمان فيه بيربط القنترة الخلفية و أماكن تانية كتير و بتخلي الأستابيلتي وهم وكمان بتحسن الهاندلينج ... أرجو إني أكون قدرت افيد حضرتك

[Karim_Monir]

انا اشتريت الاسبولير الاصلي اول ما جبتها وكان ب 1300 جنيه وكان من العالمية تقريبا ومن غير رش ورشيته برة طبعا
بيزود الثبات فعلا مش اكتر من 5 %
والتخريم على نفس الابعاد الصحيحة انا وقفت عربية باسبولر اصلي وخدت ابعد الاخرام بالمللي وخليت الكهربائي يخرم زي ما قولتلة
وبيعمل تقل واضح وانت بتقفل الشنطة حتي
عايز يزود اكتر هايكبر الجنوط ل 16 بس للاسف البروفايل هايبقي 50 وهايعمل بلالين في الكاوتش

[ahmedeihab]

انا اشتريت الاسبولير الاصلي اول ما جبتها وكان ب 1300 جنيه وكان من العالمية تقريبا ومن غير رش ورشيته برة طبعا
بيزود الثبات فعلا مش اكتر من 5 %
والتخريم على نفس الابعاد الصحيحة انا وقفت عربية باسبولر اصلي وخدت ابعد الاخرام بالمللي وخليت الكهربائي يخرم زي ما قولتلة
وبيعمل تقل واضح وانت بتقفل الشنطة حتي
عايز يزود اكتر هايكبر الجنوط ل 16 بس للاسف البروفايل هايبقي 50 وهايعمل بلالين في الكاوتش

جنط 50 يعمل بلالين

امال ال 40 هيعمل ايه يا أ/ كريم

و هو فعلا بيزود الثبات بس مش كتير يعنى بشكل غير ملحوظ

^_^

[abdulkhaleq]

لو قصدك على سبويلر التوكيل بتاعها فاقدر اقولك ولا هيزود ولا حاجه, 0% من الاخر
ولو سبويلر رياضي ما اظنش انه هيلاقي حاجه مناسبه لابعاد العربيه اصلا
عايز ثبات في عربيه زي دي
سيب الجنوط زي ماهي وضحي بالنعومه
يعني ايه؟
سوست رياضيه اقصر (ماتقصش الموجودين هات سوست جديده)
مساعدين رياضيين لمقاس السوست الجديده
عفشه رياضيه
شدادات

بس مايشتكيش لو دخل ارض مكسره هيحس بكل نقره في الارض :) :)

[Ahmod]

انا اشتريت الاسبولير الاصلي اول ما جبتها وكان ب 1300 جنيه وكان من العالمية تقريبا ومن غير رش ورشيته برة طبعا
بيزود الثبات فعلا مش اكتر من 5 %
والتخريم على نفس الابعاد الصحيحة انا وقفت عربية باسبولر اصلي وخدت ابعد الاخرام بالمللي وخليت الكهربائي يخرم زي ما قولتلة
وبيعمل تقل واضح وانت بتقفل الشنطة حتي
عايز يزود اكتر هايكبر الجنوط ل 16 بس للاسف البروفايل هايبقي 50 وهايعمل بلالين في الكاوتش

+1111111111111

فعلا الاسبويلر اي كلام !!

انا الياريس ماظبطتش عندي الا لما ركبتلها جنط 16 مع كاوتش 195/50 صحيح هو يعتبر Low profile والعفشة نشفت جامد اوي !! بس ظبط معايا الثبات بشكل جااامد جدا !!

وحاليا بفكر في سوست Apex عشان ازود الثبات كمان حبتين تلاتة

[S O P H O S]

جنط 50 يعمل بلالين

امال ال 40 هيعمل ايه يا أ/ كريم

و هو فعلا بيزود الثبات بس مش كتير يعنى بشكل غير ملحوظ

^_^

؟؟؟؟؟؟؟؟؟؟؟؟؟؟؟؟؟
يبقي كده الجنط 15 ائمن بس ال 16 ابو حميد مشتكاش منه
!!!!!!
وهل الجنط 15 يركب عليها كاوتش اعرض من 185 /60
؟؟؟؟؟

[Karim_Monir]

انا عشان ساكن في حتة مسكرة شوية مرضيتش اركب بروفايل 50 واستحملت عشان الدبدبة لاني ضهري مش بيستحمل
وانا مابقتش اجري تقريبا :-)

[kar!m]

أنا متشكر جدا لكل الردود.

واضح ان الثبات اللي هو عاوزة مش هيتحقق بتركيب السبويلر.

أنا هقول له على موضوع العفشه الرياضيه .. هل ممكن يلاقيها استيراد؟ يعني هل العربية دي بتنزل بعفشة رياضية بره مثلا؟

[Ahmod]

انا عشان ساكن في حتة مسكرة شوية مرضيتش اركب بروفايل 50 واستحملت عشان الدبدبة لاني ضهري مش بيستحمل
وانا مابقتش اجري تقريبا :-)

والله يا استاذ كريم انا كمان يعتبر الشارع اللى ساكن فيه متكسر بسبب اصلاحات بقالها تلت سنين مش عايزة تخلص !!

لكن هو موضوع الدبدبة او نشوفية العفشة بشكل عام مش بحس بيه الا لما بلبس حفرة على سرعة نوعا ما فعلا بتحس العربية اتهبدت جامد جدا جدا !! لدرجة مزعجة وتقطم الضهر

لكن طول مانت ماشي مخلي بالك من الحفر والبلاعات الوضع بيبقى طبيعي وفي المقابل الثبات اتحسن بشكل كبير

أنا متشكر جدا لكل الردود.

واضح ان الثبات اللي هو عاوزة مش هيتحقق بتركيب السبويلر.

أنا هقول له على موضوع العفشه الرياضيه .. هل ممكن يلاقيها استيراد؟ يعني هل العربية دي بتنزل بعفشة رياضية بره مثلا؟

الموضوع مش محتاج عفشة رياضية بالكامل وتجبها من برة وتكلف نفسك انت مش هتدخل سبق بيها !!

الكورولا والياريس مشكلتهم في الثبات بسبب حاجة

السوست الناعمة زيادة عن اللزوم وكذلك الارتفاع عن الارض !!

وطبعا الجنط ال 14 بالنسبة للكورولا ده مشكلة

يعني الحل بإختصار جنط 16 فيما فوق ! كاوتش عريض 195 فيما فوق

مع سوست اسبور هتلاقي ثبات العربية اتحسن بشكل كبير جدا ولدرجة مرضية للغاية

[ahmedeihab]

؟؟؟؟؟؟؟؟؟؟؟؟؟؟؟؟؟
يبقي كده الجنط 15 ائمن بس ال 16 ابو حميد مشتكاش منه
!!!!!!
وهل الجنط 15 يركب عليها كاوتش اعرض من 185 /60
؟؟؟؟؟

الجنط ينفع فيه لحد 195 فقط اللى هو ال 15

لكن انا معايا 17 /215/40

ربنا يستر بجد من شوارعنا

^_^

[hany63]

واضح ان صاحبك ما اخترش العربيه اللي تناسب استعماله
العربيه تصنف في فئه السيتي كار يعني مشاوير وسط البلد و سفريات اخرها سرعة 120 كم
العربيه معايا من 2006 و سبتها للمدام و فعلا احسن عربيه عمليه شفتها وتحس انها لسه جديده
ومالوش لزمه تعديلات العفشه و جنوط عشان العربيه طعمها ممكن يتغير 180 درجه و مصاريف عاليه