الي رجالة التويوتا

[hsemam]

عندي سؤال لخبراء التويوتا معروض علية تويوتا كرولا موديل 2008 الشكل الجديد بس 1400 سي سي فتيس مانويل اعربية دي فابريكة برة وجوة وماشية 50 الف كيلو
السؤال هو العربية دي اسعار قطع غيارها اية وياريت تقولولي علي الاسعار يعني مثلا التيل بكام البوجيهات كدة يعني وياريت تقولولي سحب العربية كويس ولا تقيلة واخر حاجة بقا تقولولي العربية دي تساوي كام
متشكر جدا

[me_medoo]

حبيب قلبي يا غالي انتا متاكد ان الكورولة ١٤٠٠ سي سي
معليش اصل دي معلومة جديدة بالنسبه لي
@@@@@@@
وتحياتي

[S O P H O S]

حبيب قلبي يا غالي انتا متاكد ان الكورولة ١٤٠٠ سي سي
معليش اصل دي معلومة جديدة بالنسبه لي
@@@@@@@
وتحياتي

وانا كمان اول مرة اسمع انها عندنا وكمان 1400 غريبة شوية
ياريت التأكيد من صاحب الموضوع ؟؟

[hsemam]

حبيب قلبي يا غالي انتا متاكد ان الكورولة ١٤٠٠ سي سي
معليش اصل دي معلومة جديدة بالنسبه لي
@@@@@@@
وتحياتي

يا باشا انا متأكد انا شوفت الرخصة و بعدين انا شوفت موضوع عندكو هنا في المنتدي كان بيعرض اسعار الكورولا اول ما نزلت و كان مكتوب فية الموتور ال 1400 سي سي بس واضح انها مش منتشرة عشان كدة انا هابعد عنها

[Ahmod]

الكورولا الشكل الجديد اول مانزلت كانت 1400

عموما الماتور ده 4zz-fe

بيطلع حوالي 95 حصان فعلى وزن الكورولا هيبقى اداءه معقول ومافيش مشكلة من السحب بتاعه

اما سعرها كام مش عارف بالظبط لان دي قليلة في السوق ومانزلتش الا موديل 2008 فقط

قطع الغيار عادية زيها زي اي كورولا جديدة الفرق بس في الماتور

[M.FOUAD]

عربية ممتازة و عن تجربة الموتور بتاعها زي بتاع الخليجي بالضبط في كل قطع غيارة و التكييف و دية ميزة على فكرة و الناس هتفتكرها انها خليجي اصلا اول ما تفتح الكبوت بس العفشة و الصالون جنوب افريقي
العربية دية غالبا تكييف و باور فقط
سحبها حلو اوي متقلقش منة و رايي انها احسن من 1600 الجنوب افريقي
التيل الامامي لو اصلي ب 350 جنية لو تايواني ب 180 و فية انواع ارخص
الخلفي الاصلي ب 150
السعر مقدرش افيدك فية لان عموما الشكل الجديد في التويوتا اسعارة ملخبطة شوية فية حاجات بتعدي ال90 و فية بميجبش 80 حسب الاتقاق بين البايع و المشتري