نص عربية كورولا

[the_bird5]

اخويا ان شاء الله اشترى كورولا 92 الملكة والعفشة محتاجه تظبيط فعديت على واحد استعمال قلت اسأل على الاسعار باين بالتقريب كده قلى المقصين ب 350 البيضين 120 الاسكترا البور 1050 الجنب 250 المهم سألته على الكبوت قالى 700 سألته على النص كامل بمتور وفتيس اتوماتيك قالى انته وشطرتك 6 او 7
انا فكرت هوه الواحد لو جاب نص كامل ويخليه عنده احسن
او مجموعة تشترك مع بعض افضل حاجه هتقف بالظبط بربع التمن

عندك صاج واكصدام وكشافات وماتور وفتيس وعفشة وتكييف وبور وريداتير وطابلوه وحاجات تانية كتير

[Ahmed_Ramadan]

الفكرة هتخزنه فين ؟؟

[MohammedAladel]

يتفكك ويتخزن عادى بس الناس فى القاهرة الشقق حاجة خنقة مفيش مكان فعلا بس مش لو على دى محلولة إن شاء الله لكن هى فكرة جميلة

[Mohamed.Mohsen]

فكرة هايلة .. ممكن نتعاون فيها انا جبت كمبروسور تكييف بس بحالته ب 770 ج لان حاجات الموتور ال 1300 نادرة وغالية شويتين الجديد(دنسو ياباني اصلي) لن يقل عن 3500 ج وسالت علي الموتور بالفتيس الاتوماتيك حوالي 7 الاف جنيه موتور 1600 انجكشن حالته فابريقه و المقصات 400 .علبة الدركسيون الباور 1200 ج لكن تعديل العربية اللي بدون باور الي باور يتكلف حوالي 2500 ج لانه يحتاج الي قطمة كاملة وجبت رادياتير قبل كده جديد من الوكيل فاكر كان معدي 1500 ج من كام شهر تقريبا عموما لما جه زبون يسال علي عربية كاملة نصين كورولا عيون قاله اجيبهالك بكرة ب 20 ألف ج فهل معقول نص الملكة ب6 او 7 عموما الملكة قطع غيارها غالية.

[the_bird5]

هوه الراجل قالى كده واللى يفدنا اكتر بتوع بورسعيد

[احمد فهمى]

اشتري النص اوفرلك بكتير وبيع متورك القديم بفتيسو بيعمل فلوس كويسه ال١٣٠٠ كربرتير ده مطلوب وبيع الصاج بتاعك حتي لو خرده هو واللي هيطلع من النص التانى هتلاقى فرق الفلوس كلام فاضى

[mr_sameh]

الاسعار دي اليه جدااااااااااا
سعر الكبوت 500 جنيه
باب كامل بدون فرش وزجاج 150 جنية

[S O P H O S]

فكرة كويسة
بس اسئل تاني برضوا يمكن تكون اقل من كده
بالتوفيق