كورولا 2006 بتنتش في بدايه الغيار

[saadelden]

عندي سؤال فني ف العربيه الغلبانه دي

العربيه بتنتش او بتقطع م اول الغيار التاني لو نقلت بدري لحد ما اوصل ل 30 كم/س و بتحصل ف اي غيار لو نقلت بدري بردو

حاله العربيه استوك من 2006 متعملش فيها اي صيانه غير تغيير زيت و فلاتر زيت و هوا فقط
العربيه ماشيه 375 الف كيلو
تقريبا البوجيهات اتغيرت عند 300 الف و ماشيه لغايه دلوقتي

ممكن تكون التقطيعه دي من طرمبه البنزين ولا طقم الدبرياج ولا من ايه ؟

[me_medoo]

انا مش عارف اعمل ايه انا بجد هثبت الموضوع فوق
في قسم تويوتا علشان الناس الي مش عجبهم تويوتا يجيوا يشوفوا بسم الله مشاء الله ٣٠٠ الف كيلو ومتعملش فيها صيانة ده العربية دي المفروض نبني لها تمثال تويوتا كورولا الذهبي
ونكرمها ونكافئها
يابيه في عربية في الدونيا ميتعملش فيها صيانه المسافة دي كلها
دي على كده محتاجة حجات كتيررررررررررررر
زيت فتيس على الاقل على الاقل غيرو كل ٥٠ او ٦٠ او حتى سبعين الف كيلووو لانوا بقه مية
البوجيهات. لازم تتغير كل. ٤٠ الف
سير الكتينة. كل ٧٠ او ٦٠ الف كيلووو
مية الرديتر المفروش تغيرها كل خمس شهور
تيل الفرامل كل ٥٠ الف كيلووو
غير الكلام ده كلووو واعملها صيانة وبعدين نشوف اذا المشكلة مازالت قائمة ولا لأ

@@@@@@@@@@
وربنا يوفق
واحيييك بصراحة
وتحية خاصة للتويوتا بتاعت حضرتك البطلة

[حماده المصري]

بصراحه رقم فوق 300 الف بسم الله ماشاء الله رقم ملوش حل طبعا

بس الفكره كلها ان اكييد لازم اتغيرلها سيور قبل كده وزيوت فتيس فرامل الجو ده لازم يتعمل على ايدك اذا كانت شاريها مستعمله بالذات لازم يبقى ليها دفتر صيانه بتاعك انت

[saadelden]

انا مش عارف اعمل ايه انا بجد هثبت الموضوع فوق
في قسم تويوتا علشان الناس الي مش عجبهم تويوتا يجيوا يشوفوا بسم الله مشاء الله ٣٠٠ الف كيلو ومتعملش فيها صيانة ده العربية دي المفروض نبني لها تمثال تويوتا كورولا الذهبي
ونكرمها ونكافئها
يابيه في عربية في الدونيا ميتعملش فيها صيانه المسافة دي كلها
دي على كده محتاجة حجات كتيررررررررررررر
زيت فتيس على الاقل على الاقل غيرو كل ٥٠ او ٦٠ او حتى سبعين الف كيلووو لانوا بقه مية
البوجيهات. لازم تتغير كل. ٤٠ الف
سير الكتينة. كل ٧٠ او ٦٠ الف كيلووو
مية الرديتر المفروش تغيرها كل خمس شهور
تيل الفرامل كل ٥٠ الف كيلووو
غير الكلام ده كلووو واعملها صيانة وبعدين نشوف اذا المشكلة مازالت قائمة ولا لأ

@@@@@@@@@@
وربنا يوفق
واحيييك بصراحة
وتحية خاصة للتويوتا بتاعت حضرتك البطلة

والله يا باشا العربيه دي انا نفسي عايز اعملها تمثال او احنطها ساعه نهايه الخدمه بتاعتها
و مسميها اخر الرجال المحترمين لان بعد كدا الكورولا بقت استرالي و بعدين دلوقتي فيتنامي تقريبا

اولا بس عايز اوضح ان دي عربيتنا ف السعوديه
هنا الصيانات بالنسبه للعربيات دي زيت و فلاتر فقط لاغير و مفيش حد بيبعت العربيه التوكيل الا قليل اوي

ثانيا 375 الف كيلو نصهم سفر و العربيه بتعمل في اليوم حوالي 60 - 80 كيلو

ثالثا الشركه هي الي متكفله بتصليح العربيه ف بالنسبالهم العربيه ماشيه يبقى مش محتاجه صيانه
العربيه وقفت يبقى تدخل صيانه
ولو صيانه مكلفه بيجيبو غيرها

طبعا الحمدلله انها ماشيه لغايه دلوقتي مع انها نزلت في السيول الي حصلت ف جده السنتين الي فاتو
كان والدي يبقى راجع من الشغل و يحصل السيل و يقضيها عوم بالعربيه لحد البيت

تيل الفرامل لسه كاشف عليه من كام يوم و لقيته منتهي تقريبا او باقي فيه حاجه بسيطه جدا
السيور مفيش الا سير التكيف الي اتغير السنه الي فاتت من حوالي 50 الف كيلو

انا لو فكرت اعملها صيانه هنا قطع الغيار ممكن تدخل ف 5000 ريال و مصنعيه قدهم لو هغير اسطوانه الدبرياج كمان
و انت و حظك يا ظبطت يا ماظبطتش

[saadelden]

بصراحه رقم فوق 300 الف بسم الله ماشاء الله رقم ملوش حل طبعا

بس الفكره كلها ان اكييد لازم اتغيرلها سيور قبل كده وزيوت فتيس فرامل الجو ده لازم يتعمل على ايدك اذا كانت شاريها مستعمله بالذات لازم يبقى ليها دفتر صيانه بتاعك انت

العربيه واخدينها زيرو ف اخر 2005
و زي ما قولت احنا ف السعوديه و الرقم دا اينعم كبير بس هنا مفيش حد بيعمل صيانه الا اما العربيه تخلص خالص و ماتبقاش بتنطق

هي لو عربيتي و تحت ايدي كان زماني مغير فيها الكلام دا كله و ماشي علي صيانات
لكن دي عربيه شركه و الي بيعمل الصيانه الشركه
و دا النظام هنا ف السعوديه
حتى لو الصيانه طلعت مكلفه بيركنو العربيه او يبيعوها بمبلغ بسيط و يجيبو بدالها جديده

[medo_sirion]

انتوا نسيتوا اهم نقطة فى الموضوع اللى هوة التتقطيع واللى هوة نتيجة لفتر البنزين لازم يتغير كل 100 الف على الاقل تخيلوا 300 الف هيطلع عامل ازاى

[mrisuzu]

شوف فلتر البنزبن ممكن يكون السبب

الفلتر رخيص جدا

ابدا به

ولو مش هو السبب

تغييرة يعتبر نظافة للسيارة

و\غير ورد علينا فى المنتدى

[saadelden]

انتوا نسيتوا اهم نقطة فى الموضوع اللى هوة التتقطيع واللى هوة نتيجة لفتر البنزين لازم يتغير كل 100 الف على الاقل تخيلوا 300 الف هيطلع عامل ازاى

والله ممكن
مش بعيد فلتر البنزين محتاج يتغير
اصلا مفيش حد جه نحيته لغايه دلوقتي

بس العربيه دي متربيه علي بنزين 95 ,اصله ببلاش هنا
اقل بنزين هنا 91 و الي بيحطه التكسجيه علي اساس توفير
بس مفيش فرق

المهم نرجع لفلتر البنزين
هو بيتغير لوحده ولا لازم بالطرمبه ؟

[BLOODY_STONE]

غير زيت الجيربوكس ممكن يكون السبب او المجموعة بدأت تودع ...

و فعلا ... عربيتك تستحق رفع القبعة ...

[saadelden]

غير زيت الجيربوكس ممكن يكون السبب او المجموعة بدأت تودع ...

و فعلا ... عربيتك تستحق رفع القبعة ...

ممكن بردو
بس هي بتمشي و تجري و تتشقلب و بتعمل كل حاجه بس بالهداوه
يعني لو كبست بنزين مره واحده الاقيها سكتت كدا شويه و بعدين زودت

الحج طبعا مابيجريش و اصلا ف السعوديه مش سايبين خرم ابره الا و فيه دورية شرطه
يعني حتى اما باخدها انا مفيشي مجال اني اجري

لكن ف الزجمه اما اجيب التاني و الطريق بيهدي و بعدين اجي اكمل ع التاني تقعد تنتش كدا لحد ما تاخد سرعتها

انا شاكك في كذا حاجه و اولهم طرمبه البنزين

[me_medoo]

حبيب قلبي
انا حاسس ان الموضوع مش موضوع فلتر بانزين لان زي مابتقول متعودة على بانزينات السعودية
بس هو ممكن. يكون جالها تلبك معوي من بانزينة مصر ههههههههههههه
انا عندي العربية بقة تزغرط اليومين الي فاتوا من البانزين المغشوش

بس صدقني العربية لو تقدر تعملها صيانة شاملة في مصر يبقى افضل مش هتكلفك ٢٠٠٠ جنية ترجع العربية عروسة وبنت بنوووت كمان
وتحياتي

[S O P H O S]

ما شاء الله
ان شاء الله تتحل وفعلا تويوتا اعتمادية
بس برضوا لابد من الصيانة علشان تفضل معاك تحس انها
جديدة علطول ..

[hany63]

إديني عرفت ليه التجار عمالين يتحايلوا يبيعوني عربية المدام بالعافيه

[saadelden]

إديني عرفت ليه التجار عمالين يتحايلوا يبيعوني عربية المدام بالعافيه

لو بعتها مش هتلاقي زيها
حتى الكورولا الجديده ماتجيش جنبها حاجه !

[S O P H O S]

إديني عرفت ليه التجار عمالين يتحايلوا يبيعوني عربية المدام بالعافيه

فعلا بلاش تبيع وربنا يباركلك فيها ..