لحظة كده , علشان قربت اتخنق ....

[myself112]

دلوقتى لاقيت العربية مخنوقة جدااا و لازم اكبس لها جامد علشان تتحرك , الحوار ده حصل و انا راجع من المحلة و مكنش معايا بنزين خالص يعنى يا دوب اروح بالعافية ( العربية كان فيها اقل من نص لتر لما وصلت البيت ) , فقلت ممكن من البنزين , المهم نزلت تانى يوم علشان امون , و ربنا كرمنى و الحمد لله و مونت , اجى امشى الاقى العربية مفيش خالص ولازم اكبس علشان تمشى , ركزت معاها شوية لاقيتها طبيعية تقريبا بعد ال 20 و من 0-20 مفيييييييييييش خااااااااالص لازم اكبس برخامة علشان بس تطلع

علشان لو حد قالى مشيت ليه والتنك فاضى و ان ده غلط : انا كنت ملتزم بميعاد فى المحلة وقعدت الف علشان امون قبل ما اطلع بس للاسف ملقتش , قلت اطلع على الطريق جايز الاقى , مفيش و فى المحلة مفيش برده , وما كنش قدامى غير الى انا عملته .

انا لسه مغير طرمبة وفلتر بنزين وجايب الاصلى يا ريت حد يفهمنى , لانى فعلا قربت اتخنق من العربية .


* انا كنت عامل نفس الموضوع ده , بس مش لاقيه خاااااااالص مش عارف راح فين

[asemx1]

شكلك اتحسدت هههههههههههه

حط منظف انجيكشن وريح بالك وهتلاقى كله تمام
او جايز يكون الدسك والاسطوانه قربوا يودعوا

[myself112]

شكلك اتحسدت هههههههههههه

حط منظف انجيكشن وريح بالك وهتلاقى كله تمام
او جايز يكون الدسك والاسطوانه قربوا يودعوا

ههههههههههه , يعنى انزل ابخر العربية ممكن تتصلح :)
ان شاء الله هنزل احط منظف الانجيكشن و اجرب و ربنا يعديها على خير ..
حد يعرف نوع كويس اجربه المرة دى ؟

[asemx1]

والله بنزينه كالتكس الى على السريع اعتقد ان فيها منظفات حلوه بس لو وقع قدامك ليكوى مولى منظف انجيكشن يبقى ميه ميه
هاتلك عبوتين موبل واحده مع تفويله والتانيه مع التفويله التانيه وخلاص

[myself112]

والله بنزينه كالتكس الى على السريع اعتقد ان فيها منظفات حلوه بس لو وقع قدامك ليكوى مولى منظف انجيكشن يبقى ميه ميه
هاتلك عبوتين موبل واحده مع تفويله والتانيه مع التفويله التانيه وخلاص

ان شاء الله هنزل اجيب النهاردة , متشكر يا باشمهندس عاصم

[S O P H O S]

فعلا زي ما قال البشمهندش العربية اتحسدت
بس المهم ان شاء الله تجرب ولو ومش كده نظف فلترالبنزين
وان شاء الله تتحل ..

[myself112]

فعلا زي ما قال البشمهندش العربية اتحسدت
بس المهم ان شاء الله تجرب ولو ومش كده نظف فلترالبنزين
وان شاء الله تتحل ..

و الله انا لسه مغير الفلتر , ده مكملش اسبوع على بعضه :( انا نزلت امبارح بالعربية , و لقيتها احسن مما كانت عليه , و ربنا يسهل و انزل اجيب منظف انجيكشن و اجرب ....