سؤال في الكورولا ال 2012

[haq]

يا شباب... لسة شاري كورولا 2012 يدوبك عملت بيها 400 كيلو و عندي شوية ملاحظات عايزة رأيكم... للأيضاح أنا كان عندي ميجان 2000 قبلها...
1- مفيش ولاعة سجائر كهرباء في العربية... ده عادي؟.. هيا مش مهمة لأني مش بدخن
2- في صوت تكة لما بفرمل علي سرعة منخفضة أو ماشي بسرعة 60 مثلا و بهدي أو بلف و أهدي..الصوت مش مع الضغط علي الفرامل ..الصوت مع رفعة رجلي
3-السحب بطئ شوية خصوصا لما بعدي ال80 ...

برضه عايز أتأكد أن أول صيانة هيا الألف؟

طبعا في ملاحظات علي العربية بعد 16 سنة ركوب عربيات فرنساوي... أقابلكوا بعد صيانة الالف

[S O P H O S]

والله يا باشا انا شايف انك تصبر للصيانة 1000 كيلو
لان العربية لسه هتفتح وتفوق معاك فالسحب
وفعلا اول صيانة هي صيانة ال 1000 كيلو
والله اعلم
والف مبروك يا باشا ..

[Ahmod]

والله يا باشا انا شايف انك تصبر للصيانة 1000 كيلو
لان العربية لسه هتفتح وتفوق معاك فالسحب
وفعلا اول صيانة هي صيانة ال 1000 كيلو
والله اعلم
والف مبروك يا باشا ..

انا برضوا رايي كدة

حضرتك تستنى لصيانة الالف وتبلغهم بالملاحظات دي في التوكيل

وبعد صيانة الالف طبعا السحب بيتحسن والعربية بتفوق عموما والعفشة بتتربط

[Mohamed Elnagar]

انت مستلمتش الولاعه بيدهالك مع المفتاح اساسا

[eng.ghost]

ازاى مفيش ولاعه؟
شوفها جنب فرامل اليد

[occullt]

الولاعه متغطيه هتلاقيها اول خانه من تحت خالص " الخانات اللى فيها الكاسيت" .... جنب وصلات ال aux... ترفع الغطاء تلاقي الولاعه ومكان لعلبه السجاير كمان ... بس ياريت تبطل احسن ..صحيا ياعنى :)
بالنسبه لصوت التكه ده فقول ليه للتوكيل لما تعمل صيانه الالف ان شاء الله
العربيه هاتسحب معاك كويس جدا على اى سرعه على فكره ... انت بس اكبس سنه على البنزين
الف مبروك وربنا يكفيك شرها

[sonaeg]

كل عام وحضرتك بخير والف مبروك عالسيارة...جميلة ماشاء الله ربنا يباركلك فيها...اخوك الحمد لله لسة مستلمها من شهرين ....
بالنسبة للولاعة المفروض بتستلمها مع المفتاح لان غالبا المعارض بيبقوا شايلينها عشان ما تتاخدش لو حد بيتفرج عالعربية
بالنسبة للتكة فدي ساعات بسمعها فعلا تحت رجلي لما اجي ارفع رجلي من الدواسة بس بتبقي بسيطة يعني ما بقيتش باخد بالي منها غير ان قريبي معاه موديل 2009 عنده نفس الشئ تقريبا .....
اما السحب فان شاء الله حيتحسن كتير بعد اول الف كيلو بعد الصيانة.......كنت عاوز استفسر من حضرتك علي شئ...انا حاسس ان مشوار بدال الفرامل زيادة وطويل شوية مع ان عربية قريبي مش كده اوي...يعني بحس بهوا في الدواسة شوية بعدين احس الفرامل لكن الفرامل كويسة جدا الحمد لله فانا برجح يمكن ان العربية لسة في الاول مامشيتش كتير...فهل ده عند حضرتك برده وشكرا جزيلا

[احمد فهمى]

فى عربيات كتير بتنزل من غير ولاعه ولا طفايه حالياً واستنى لل١٠٠٠ كيلو فى الصيانه وبلغهم كل ملاحظاتك

[lenasam]

ياريت لو تعملنا تقرير مصور

[lenasam]

مبروك عليك العربية و ربنا يكفيك شرها و يديك خيرها

[S O P H O S]

مبروك عليك العربية و ربنا يكفيك شرها و يديك خيرها

اتصدق فعلا مفيش تقرير فالقسم عن الكورولا 2012 ويكون وافي
المفروض يكون في تقرير انا هحاول اعمل تقرير عنها لو قدرت
ان شاء الله ..

[haq]

لتقرير في السكة يا جماعة....من يومين كلمت التوكيل علشان صيانة الألف... الأنطباع الأول كويس وحددلي معاد بعد 48 ساعة من أتصالي و دة كويس... بس قالولي حاجة غريبة لما قلت الملاحيظ.. لو جاي علشان مشكلة عندك مش صيانة دورية يبقي أول ميعاد علي نص سبتمبر.. لو صيانة دورية زي صيانة الألف يبقي أهلا بيك وطبعا كان الحل أنه ميعاد صيانة دورية و أقول كل ملاحظاتي هناك.
معني الكلام ده أنك لو عندك مشكلة ماتعرفش تروح التوكيل بسرعة قبل ما تكبر؟؟؟؟و لو صيانة دورية مش مستعجلة تروح عادي؟.

[shenoo]

يا باشا الف مبروك و ربنا يديك خيرها و يباركلك فيها.... كنت عايز اعرف منك بس اخبار العفشة ايه؟
هل زي كل العربيات الجديدة كده تحسها ناشفة و بتدبدب في الطرة المكسرة ولا مريحة؟

[hany63]

اصبر عليها ٥٠٠٠ كم لحد العربيه ما تحفظ سواقتك

[lenasam]

اتصدق فعلا مفيش تقرير فالقسم عن الكورولا 2012 ويكون وافي
المفروض يكون في تقرير انا هحاول اعمل تقرير عنها لو قدرت
ان شاء الله ..

اكيد هيكون تقرير مميز جدا ان شاء الله
فى انتظارة على احر من الجمر