مشكلة بخصوص كورولا 2002

[tikatalaat]

ارجو من عمالقة الكورولا الافادة حيث ان هذة المشكلة اول مرة اقابلها وهى كالاتى: اليوم وانا فى مشوار الفوانيس الواطى والعالى اذ من غير مقدمات لا يريد ان يطفئ كنت فاكر ان دة فيوز ولا حاجة بس اكتشفت انة مش موضوع فيوز لاكن اكتشفت ان دراع المخصوص بالنور افش او علأ و هو لا يريد ان يشغل النور العلى ولا يتحرك للامام او الخلف لاكن الاشارات شغالة. فبالتالى فصلت فيش الكشافات بس لسة لمبة النور العالى بالون الازرق فى التابلوة لا طنطفئ فهل دة وؤثر على البطارية او لا وما العمل بهذا الدراع وما التكلفة وهل حد يعرف حد يستطيع اصلاحة. اسف على التطويل

[tikatalaat]

يا خبراء التويوتا ارجو الرد و المساعدة للاهمية !!!

[Salamonti]

ده عيب في الكورولا ان دراع النور بيسيح في عربيات كتير
مالوش حل غير يتغير..

[tikatalaat]

شكرا على الرد لاكن هل تعرف بكام ومنين ومين الى ينفع اروحلو للتغير وبكام المصنعية

[Y a r i s]

انا سئلت عن دراع النور بتاع اليارس الي شبه بتاع الكورولا في توكيل ابو رواش قالي على ما اذكر ٦٥٠ جنية بالضريبة من غير ضريبة مش فاكر .... فاذا سعرو كده في التوكيل. فاكيد هتلاقي ارخص بره التوكيل بس اتاكد الاول ان العيب من الدراع عند اي كهربائي وانشاء الله تطلع مشكلة بسيطة وقول يارب

[tikatalaat]

شكرا على الرد بس لو كدا اى كهربائى ينع يعملها و ياريت لو حد يعرف سعرو كام برا التوكيل

[Y a r i s]

عزيزي من فضل ربنا علينا ورحمته. انو كرمنا بعربية تويوتا
الي صمموها مجموعة عباقرة. بيفطروا كل يوم سمك على الصبح وتلاقي الفسفور مشعشع كده من نفوخهم
وصمموا عربيات تويوتا بمنتهى البساطة. والاتقان. بحيث اي حد يقدر يفهم فيها ومتكنش معقدة زي العربيات. الألماني
الي بيصنعوا الحاجة. وكانهم بيتحدوا العالم. وبيقولوا في سرهم ابقوا قابلوني لو عرفتم تصلحواها او حتى تخترعوا اخوتها
فانشاء الله اي كهربائي محترف او بلاش محترف. بس اي كهربائي كهربائي مش لسه هيتعلم يعني ايه كهربة على عربيتك. انشاء الله يقدر يصلحهالك .... هتقولي طيب اعرف ازاي الكهربائي المحترف من الكهربائي النص كوم
هقولك ياسيدي الكهربائي المحترف بيشمر كماموا وتلاقيه يبدء يعرف يفك على طول ويشتغل ويتعامل .... والي مش محترف. هتلاقيه لسه بيدور على مكان المسمار فين هههههههههه ولسه عاوز يعرف السلك ده بتاع ايه وده جي منين وده رايح فين وتبص تلاقيه وهو شغال في عربيتك وضارب لخمة يقولك هو مين اخر واحد اشتغلك في العربية كهربا ( قال يعني عارف كهربائية مصر كلها )
تقولوا ليه ياصطى فيه حاجة
يقلك لا ابداً اصلا الكهربائي الي اشتغلك قبل كده مكتر في الاسلاك وحاطط سلوك ملهاش لزمة
انت (بترد عليه ) : ده المصنع ساعتك في اليابان .... الخواجة الي اخترعها
الكهربائي ( عاوز يصرفها ) : ده اليابانيين دول عليهم حبت حجات ياجدع. عارف لو العربية دي ألماني مكنتش تلاقي الاسلاك دي كلها

طبعاً انتا من جواك قاعد بتغلي يا عيني وبتقول في سرك ( ياعم الحج اخلص اذا على مستوى الياباني السهل طلعت قلب كرش العربية والاسلاك بتاعتها كلها بره أومال لو جتلك عربية ألماني هتعمل فيها أيه ) هههههههههههه
لذلك لازم تكون عارف على الاقل واد كهربائي ايديه تتلف في حرير .... فانشاء الله تلاقي كهربائي كويس يكون عندو ضمير وتنحل المشكلة على خير قادر يا كريم .... وتحياتي

[Y a r i s]

انا بعتلك رسالة برقم واحد مشهور بتاع قطع غيار تويوتا الارضي والموبايل ابقى على الظهر كده اتصل عليهم واسئلهم. يعمل كام الدراع .... وابقى طمنا يا غالي
وربنا يعينك على دخلت العيد هتلاقيهم. يقفلوا بدري بدري
وتحياتي

[tikatalaat]

شكرا يا باشا بس ممكن تبعتلى الرسالة تانى انا مش عارف اجيبها ولا لائيها