♥♥ حد يعرف اعمل ريجلاش لفنوس اليارس منين !!♥♥

[Y a r i s]

♥♥ حد يعرف اعمل ريجلاش لفنوس اليارس منين !!♥♥
مساء الخير جميعاً وكل عام وانتم بخير
حبايبي انا فتحت كبوت اليارس بصيت كده على الفانوس بدور على مسمار الريجلاش معرفتش
حابب ارجلش النور واوفر ١٠ جنية الي هدفعها للكهربائي انا ئولى بيها انا وعيالي
اهو اجيب بيها شيكولاته للعيال
حد يعرف ارجليش النور منين. وبالذات كل ما اضبط النور واجي اركن في اي حته ربنا يرزقني بوحده سيت
جيه تركن وعربيتي وراها وهيا علشان مبتعرفش تقدر المسافات تقوم راجعه راجعه لغايت ماعربيتها تعمل ديييب في العربية الي وراها .... فديب على ديب. ازبط النور مبقاش مزبوط فحد يقدر يريحيني ويوفر عليا ال ١٠ جنيه الي هدفعها للكهربائي. ويقلي ازبط ا نور الفانوس الامامي منين
@@@@@@@@@
وشكراً مقدماً

[MohammedAladel]

هو إيه الريجلاش دا وإيه اللى بيحصل لما حد يخبط العربية أنا مش فاهم حاجة

[BLOODY_STONE]

بتلاقيه زي مسمار راكب في حته بلاستيكة مشرشرة كده .. ححاول اصورلك و انزل الصورة

[Y a r i s]

تسلم يارب. يادكوتر هاني
ربنا يخليك لينا يا باشا ولا يحرمناش منك ابداً
@@@@@@
ومحمد باشا رجلاش يعني تزبيط نور العربية بدل ماهو ضار في الجنب او فوق شوية او تحت. تزبط نور العربية بحيث انها تفرش على الطريق
@@@@@@
وتحياتي

[asemx1]

الرجلشه مش بتتعمل عشوائى كدا
انا الحمدلله كويس جيت بالسلامه وظروف العيد وكدا اتاخرت شويه
الرجلشه لازم بتقف ادام جدار غامق وتعمل خط بالعرض بالميزان وتعمل خط بالطول فى طرف كل خط ويكون الخطين عمودييين على بعض وتوقف العربيه ادامهم على مستوى افقى وتتاكد انه افقى ومن هنا تعلى النور العالى وتبتدى ترجلش
انما هترجلش بايدك عمرها ما هتظبط وممكن تبوظلك الرجلاش وتخلى الفوكس مش حلو على الطريق

تحياتى لك .... م\ عاصم جاد

[Y a r i s]

حمدالله على السلامة يا باشمهندس عاصم
منور واللهي القسم بحالوا
بس ياريت توضح اكتر بالروسومات يا غالي او الصور .... وهل صحيح ان لمبات اليارس ليها عمر افتراضي والمفروض تتغير لمن تضعف
@@@@@@@@
اصل احياناً ببقى ماشي الاقي نفسي مش شايف الطريق كويس مش عارف هل العيب في اللمض ولا العيب في الريجلاش ولاهما مخففين ضغط الكهربا في عواميد النور الي في الشوارع .... ولا هو الاسفلت علشان اسود اسود مبقناش نشوف الحفر الي فيه. ولا هو العيب في عنيا ولازم ارجع اكول جزرر ههههههههه

[BLOODY_STONE]

غير و هاتلك لمبتين بيض .. اللمض كده كده المفروض تتغير كل سنتين او 40 الف عشان بتضعف و انت مش واخد بالك

[احمد فهمى]

هتلاقى فى الفانوس من الخلف مسمار راكب فى بكرتين زى الترس هتلف واحده بترقع وتنزل والتانيه يمين وشمال ولازم تكون امام حائط وتتأكد ان النور على الارض وفى مستوى اكصدام العربيه اللى اودامك

[asemx1]

How To Adjust Your Headlights - YouTube

دى طريقه ظبط الفوانيس

[Y a r i s]

ياباشمهندس عاصم لساني يعجز عن الكلام وانا اعجز عن الشكر والتقدير باسمي وباسم عيالي الي هيكلوا شيكولاته. احييك واشكرك. واللهِ تعجز زراير كي بوردي عن شكرك يا غالي دومت ذخراً لنا ولقسم تويوتا ولجميع التيوتاوية في ارجاء الارض والمعمورة وسيدي جابر والمنتزه هههههه حبيبي يا باشمهندس عاصم. ربنا يخليك لينا يارب

[محمد يوسف]

حمدالله على السلامة يا باشمهندس عاصم
منور واللهي القسم بحالوا
بس ياريت توضح اكتر بالروسومات يا غالي او الصور .... وهل صحيح ان لمبات اليارس ليها عمر افتراضي والمفروض تتغير لمن تضعف
@@@@@@@@
اصل احياناً ببقى ماشي الاقي نفسي مش شايف الطريق كويس مش عارف هل العيب في اللمض ولا العيب في الريجلاش ولاهما مخففين ضغط الكهربا في عواميد النور الي في الشوارع .... ولا هو الاسفلت علشان اسود اسود مبقناش نشوف الحفر الي فيه. ولا هو العيب في عنيا ولازم ارجع اكول جزرر ههههههههه

زيك بالظبط يا زعيم

[محمد يوسف]

غير و هاتلك لمبتين بيض .. اللمض كده كده المفروض تتغير كل سنتين او 40 الف عشان بتضعف و انت مش واخد بالك

يعملوا كام دول ياباشا ؟

وهل تقصد فلورسنت ولا زينون؟

[swimmer25]

اماكن مسامير رجلاش الياريس ضيقة شوية واعتقد محتاجة الانكية نجمة علي ما افتكر
فكرتني عاوز اعملها بس مكسل