زائر عايز مشورة التيوتاويه برجاء المساعده

[M.Ayman]

السلام عليكم ورحمة الله وبركاته

ازيكم يا جماعه انا كنت جاى النهارده اسألكم بس على مكان ميكانيكى ابن حلال و كويس لتويوتا كرولا موديل 2005 ياريت يكون فى المعادى و رجاء عايز نمرته , و عايز اقرب مكان برضه فى المعادى اغير فيه البوجيهات و لكم جزيل الشكر على المساعده

[Y a r i s]

يامرحبا بيك يا اخ بورعي
انتا تقعد الاول تشرب حاجة وبعدين نجاوب على سؤال حضرتك .... ومدام عندك تويوتا متبقاش زائر ده انتا صاحب مكان يا باشا ... ويا اهلاً بيك بين اخواتك نورت بيتك ومطرحك يا غالي
@@@@@@@@
بالنسبة لسؤال حضرتك في في صقر قوريش عندك اتنين واحد خلف المرور بس الكلام ده من زمن معرفش موجود ولا لأ أذا
المرور ذات نفسوا اتحرق. هناك. وفي واحد عارف الطريق السريع وانتا نازل من الدائري في شارع عمومي اول مدخل للمعادي عند موقف الاتوبيس في هناك. مركز تويوتا على ما اتذكر
@@@@@@@@@
واالله الموفق بس ياريت لما تروحلهم تجيب منهم كارت وتحطلنا عنوانهم بالتفصيل وارقام تيلفوناتهم

[Y a r i s]

في عندك. واحد في الهرم شارع فيصل عند محل الشبراوي الي في نص فيصل
مركز توب جير. وليه اعلان هنا فية المنتدى روحتلوا قبل كده ينضفلي بوابة الهوى بتاعت المتور
هو مهندس ميكانيكي بس على نضيف وشغل راقي

[M.Ayman]

يامرحبا بيك يا اخ بورعي
انتا تقعد الاول تشرب حاجة وبعدين نجاوب على سؤال حضرتك .... ومدام عندك تويوتا متبقاش زائر ده انتا صاحب مكان يا باشا ... ويا اهلاً بيك بين اخواتك نورت بيتك ومطرحك يا غالي
@@@@@@@@
بالنسبة لسؤال حضرتك في في صقر قوريش عندك اتنين واحد خلف المرور بس الكلام ده من زمن معرفش موجود ولا لأ أذا
المرور ذات نفسوا اتحرق. هناك. وفي واحد عارف الطريق السريع وانتا نازل من الدائري في شارع عمومي اول مدخل للمعادي عند موقف الاتوبيس في هناك. مركز تويوتا على ما اتذكر
@@@@@@@@@
واالله الموفق بس ياريت لما تروحلهم تجيب منهم كارت وتحطلنا عنوانهم بالتفصيل وارقام تيلفوناتهم

يا فندم ربنا يخليك كلك ذوق و انا للاسف مش من ملاك التويوتا ده واحد صاحبى و حبيبى معاه تويوتا كرولا و هو من المعادى و مش عارف اى حد يروحله يغيير عنده البوجيهات و كان عايز يعرف مكان ميكانيكى قريب منه عشان يشوفله العربيه

ياريت بس حضرتك تحاول توصفلى مكان المركز اللى فى مدخل المعادى اكتر عشان اقوله يروح و يدور و ان شاء الله لما يروح هخليه يقولى البيانات بالظبط و اقولكم عليها ,,, و منين يجيب البوجيهات منين ؟

تحياتى ليك و الف شكر

[M.Ayman]

في عندك. واحد في الهرم شارع فيصل عند محل الشبراوي الي في نص فيصل
مركز توب جير. وليه اعلان هنا فية المنتدى روحتلوا قبل كده ينضفلي بوابة الهوى بتاعت المتور
هو مهندس ميكانيكي بس على نضيف وشغل راقي

طب معلش ياباشا ممكن رقمه عشان لو تهت ولا حاجه و هل عندهم البوجيهات و لا فى حته تانيه يجيبها منين

و شكراااا جزيلا

[Ahmod]

البوجيهات يجيبها من اي موزع قطع غيار تويوتا

انا مش عارف امكانهم فين بالظبط في المعادي بس اللى اعرفه

العالمة في شارع دمشق - البرجسي في شارع مراد - وفيه فرع في سور نادي الترسانة بالظبط

هيلاقي البوجيهات الواحد شمعة بحوالي 60 جنيه والاتنين شمعة ب 85 جنيه

-------

البوجيهات بسيطة واي ميكانيكي يركبها مش محتاجة حد شاطر

انت لو معاك المفتاح بتاعها ممكن تركبها بنفسك

[Y a r i s]

٠١١١١١٠٥٧٢٦
٠١٠٠١٠٨٧٨١١
اسمو باشمهندس محمد فضالي مركز توب جير

[Y a r i s]

ايه ده هو ممكن يا دكتور احمد نركب بوجيهات. اتنين شمعه على اليارس ؟
ياترى هيبقى اخبار السحب بتعها ايه !
ده انا كنت من يومين عمال بفكر بقول اذا الحرفيين مليان انصاص طيب مادورلي على متور ١٥٠٠ يارس من بتوع بره واسقط متور والمتور الي عندي ده ابيعوا ويبقى دخلت ده في ده وادفع الفرق وبعدين قولت لنفسي يا واد بلا قلبت دماغ خليه فيه وخلاص. :) ههههههه

[Ahmod]

ايه ده هو ممكن يا دكتور احمد نركب بوجيهات. اتنين شمعه على اليارس ؟
ياترى هيبقى اخبار السحب بتعها ايه !
ده انا كنت من يومين عمال بفكر بقول اذا الحرفيين مليان انصاص طيب مادورلي على متور ١٥٠٠ يارس من بتوع بره واسقط متور والمتور الي عندي ده ابيعوا ويبقى دخلت ده في ده وادفع الفرق وبعدين قولت لنفسي يا واد بلا قلبت دماغ خليه فيه وخلاص. :) ههههههه

اه عادي تركب انا مركبها عندي

الصراحة مش حاسس بفرق يذكر بينها وبين الواحد شمعة !!

اما بالنسبة للماتور ال 1.5 فبرضوا مش مستاهلة لان الفرق مش كبير

[M.Ayman]

الف الف شكر يا جماعه والله كلكوا ذوق و اصحاب واجب ,,, سؤالين بس مركز توب جير و المركز اللى فى اول المعادى ناس ثقه يعنى و محترمه ولا بيقصوا فى الفلوس و كده عشان صاحبى عايز يغير سير التكييف و يركب البوجيهات الموضوع ده يكلفه كام تقريبا و اسف جدا على ازعاجكم

[Ahmod]

الف الف شكر يا جماعه والله كلكوا ذوق و اصحاب واجب ,,, سؤالين بس مركز توب جير و المركز اللى فى اول المعادى ناس ثقه يعنى و محترمه ولا بيقصوا فى الفلوس و كده عشان صاحبى عايز يغير سير التكييف و يركب البوجيهات الموضوع ده يكلفه كام تقريبا و اسف جدا على ازعاجكم

المفروض تغيير سير المجموعة مع البوجيهات بالكتير اوي 30 جنيه

[Y a r i s]

المفروض تغيير سير المجموعة مع البوجيهات بالكتير اوي 30 جنيه

الا صحيح يا أحمد باشا فكرتني
كزا مره ببقى عاوز اسئلك سؤال بس كل مره بنسى زهيمر بقه بعيد عنك هههههه
بقولك ياباشا انتا عملت قبل كده كام تقرير في الجون بسم الله مشاء الله عن تغير التيل الفرامل وتغير طورمبت البانزين ... فاياريت ياباشا. تدلنا غيرتهم عند مين. وهل الميكانيكي او المركز الي اتعاملت معاهم ايديهم تتلف في حرير ولاايدديهم تتلف في أميير. .... وتحياتي ليك يا غالي .