يارايس - هل ممكن اضافة كمايات الفول ابشن الي الهاف ابشن

[amr123]

السلام عليكم

يا جماعة انا نفسي اشتري ياريس ....بس الفولس مزنقة معايا و لو ربنا اراد و جبتها هتبقى اول موديل فيها الي هو هاف اوبشن مانيوال
عشان كده نفسي اعرف هل ممكن ازودلها كماليات بعدين يعني مثلا

1- هل ممكن بعد فترة اركب زجاج كهربائي ليها على الاقل امامي فقط - بس يكون اصلي حتى لو عند التوكيل بحيث ان صالون العربية لا يتأثر - لو ممكن بكام تقريبا
2-هل ممكن اركبلها فوانيس شبورة - اقصد بردو الاصلي -
3- احسن سنتر لوك بريموت ليها ايه ؟
4- هل ممكن استلام السيارة بدون كاسيت و يخصمو؟ ثمن الكاسيت منها

انا اسف على كلامي الكتيييييييير بس انا معتمد على الله ثم عليكو
شكرااااااااااااااا

[mmolazem]

ان شاء الله الأخوه يفيدوك اكثر ....

لكن انا رأيى الشخصى انك تحاول تدبر المبلغ المتبقى وتشترى الكامله.

عشان الفرق 2-3 آلاف أو اكثر قليلا ، اعتقد لن تكون كافيه لاستكمال الـ Options بالاضافه للفك والتركيب .... والأخطاء المحتمله.

- كمان فيه حاجه مهمه ( يوجد بعض الكماليات ليس من السهل استكمالها لاحقا ).

[amr123]

انا مع حضرتك
بس الفرق 6 الاف جنية انا عارف انهم مش كتير قوي بس وبالنسبة لي فعلا مش هقدر ادبرهم لأن هدبر مبلغ العربية نفسه بالعافية ...عشان كده كنت بسأل على الموضوع ده و هعملهم حاجة حاجة و اولهم طبعا السنتر
عموما ربما يكرم ...و متشكر جدا على رد حضرتك

[hazem_khidr]

هو حضرتك ممكن تعمل السنتر و الزجاج في التوكيل بس بمبالغ اغلي.
لكن فيه حاجات ما ينفعش تغيرها زي الكنبه الخلفيه فيها مسند في الفول اوبشن و بتنطوي و الهاف لاء و كرسي السائق بينضبط لاعلي و اسفل في الفول و الهاف لاء فمتهيالي مش حتغير صالون كامل علشان دا.
اما بالنسبه للزجاج و السنتر فممكن تركبهم عادي
ابن خالي مركب سنتر و انذار ولف في الهاف اوبشن اتوماتيك بتاعه ماركه ولف و شغغال كويس بقاله سنه و نص اهو من عند سبير كار.
الزجاج ممكن تنزل الحرفيين و تجيبه بفرش الابواب بالزراير و تبدلهم بالفرش بتاعك و مكن الزجاج بتاعك و تدفعلك 2000 جنيه ولا حاجه بس لما ضمانك ينتهي

[fahd_628]

انا رأى انها حتبقى مشكلة كبيرة شوية و المبالغ حتكون مكلفة فا استنى شوية لغاية متجمع الفلوس او تتعايش مع الموقف كدة بس انا رأى انك تستنى لأنك مش حتجيب عربية كل يوم

[hero]

فرق الـ 6 آلاف كتير علي عربية فوق الـ 80 الف مش كتير....انتي حتي لو عملت جمعية بالجزء الباقي او انتظر لما المبلغ يكمل .....لان فعلا انت مش هاتشتري عربية كل يوم...

وبعدين لما تجيب العربية هايصعب عليك اي حد (حتي بتوع التوكيل) انهم يركبوا فيها شيء مش بتاعها ....انا كنت عايز اركب فوانيس شبورة....وقلبي مش مطاوعني...حد يلعب في ضفاير الكهربا ....ولا حتي يفك البطارية من مكانها....خصوصا ان الناس هنا ماشيين بالبركة...والمفهومية والحداقة والشطارة والفهلوة..

[amr123]

انا متشكر جدا على ردكم و وقتكم
طيب انا عايز اتأكد من حاجة ..لو دفعت الفرق و اخدت الفول اوبشن ؟؟الحاجات الي هاخدها هي :-

1- 4 زجاج كهرباء
2-الكنبة يمكن طيها
3- سنتر
4-كرسي السائق يطلع و ينزل
5- Abs

انا بتكلم طبعا عن المانيوال ...هل في حاجة ناقصة او زيادة في الي انا كاتبه ؟

شكرااااااو اسف على تعبكم

[ابوشريف]

بدل رقم 5

من abs الى ايموبليزر

[fahd_628]

الفل اوبشن مانيوال مفيهاش Abs الأوتوماتيك فقط هية االى فيها Abs

و زى ما قال ابو شريف ان حتاخد ايموبليزر

[amr123]

شكرا يا جماعة لكم جميعا
طيب معلش اخر سوال ...فيها ريموت للسنتر ؟

[aber mohamed]

الفول أبشنز فيها (معايا فول أبشنز مانيول)
ايمبوليزر- مانع سرقة بشفلرة على الموتور
4 زجاج كهرباء- زجاج السائق تاتش + غلق مركزى للزجاج فى باب السائق
سنتر ممتاز + لوك داخلى للاربع أبواب فى باب السائق
كرسى السائق بيعلى و يوطى عدة درجات
طى الكنبة على مرحلتين
مسند بوسط الكنبة الخلفية بة حامل أكواب
فرش الابوب قماش بلون الصالون
الكاسيت الكبير (يوجد نوع فى بعض الموديلات صغير الحجم)
مرايات كهرباء

[amr123]

شكرا لكم جميعا

[islamnasser10]

طيب ممكن تفيدونى بسعر الياريس 1600 مانيوال بكام وال 1300 مانيوال بكام وياتري ليها كماليات ولا كلها موديل واحد وهل فيها زجاج كهرباء ولا لاء
ويعنى ايه ايمبوليزر وياتري فيه ebd بدل ال abs اللى مش موجود فى المانيوال ولا ده كمان مش موجود معلش لو طولت عليكم

[alivara]

حضرتك مفييييييييش ياريس 1600 سي سي فيه ياريس 1500 سي سي ب 130000 جنيه فى معرض الهاشمية , اما سعر ياريس 1300 سي سي فول مانوال 94000 جنيه فى التوكيل و الفول اوبشن بس هى اللى بيبقى فيها زجاج كهرباء , و الايمبوليزر ده يعنى ان العربية مش حتدور الا بالمفتاح اللى معاك بس لان فيه كود لازم يتفق مع الكود اللى فى الموتور و ده بيمنع سرقة العربية , اما ebd فديه مش موجودة غير فى الفول اوبشن مع ال abs