باركولي يا جماعه:أنا اشتريت كورولا 2006 وعايز مساعدتكم في مشكله فيها

[esam_ayad]

الحمد لله ربنا أكرمني وأشتريت تويوتا كورولا 2006 ----> 1300 سي سي
انا لسه جديد علي التويوتات ومش عارف أذا كانت دي مشكله ولا لأ؟

العربيه معايا بقالها يومين وكل ماأشغل التكييف وأدوس بنزين أسمع زي صوت صفاره مش عارف بيطلع منين بس تقريبا بيطلع من فتحات التكييف!!!!!!!

الصوت ده مضايقني جدا لأني كنت واخد علي الهدوء بتاع نيسان ماكسيما.
لكن العربيه بسم الله ماشاء الله عليها جميله جدا وسحبها حلو وده شيء انا ماكنتش متوقعه خالص م عربيه موتورها صغير .

[lamada]

جبتها بكام يا بوب و عامله كام الف كيلو؟

[lamada]

هى افضل ولا المكسيما؟

[kliken]

هى افضل ولا المكسيما؟

يا باشا دول فئتين مختلفين تماما

[elnakshabandy]

الف مبروك

[MohammedAladel]

ألف مبروك ربنا يديك خيرها ويكفيك شرها

[Y a r i s]

الف مبروك ياباشا. وربنا يديك خيرها ويكفيك شرها قادر ياكريم
وياشباب الراجل يقصد انو. كان راكب مكسيما قبلها ومحسيش انوا نزل جامد المكسيما ٣٦٠٠ سي سي وبتدي ٢٠٠ حصان وتسارع من صفر لمية في سبع ثواني. طلقة بنت اللذينة. لكن الراجل يقصد الركوبة. الف مبروك ياريس

بالنسبة للصوت ياباشا لو بيطلع من المتور يبقى محتاجة تغير سير المجموعه الي ماسك الكمبروسر بتاع التكييف
ولو بيطلع الصوت من شبابيك التكييف ذات نفسها يبقى مروحة التكيف محتاجة تتنظف. بس كده ياباشا وربنا يباركلك فيها يارب ويحميك ويكفيك شر الطريق واهلاً بيك بين اخواتك. و انشاء الله تشرفنا في لقاء القمة التيوتاوية. المقابلة الي جاية

[Menna Hassan]

مبروووووووووووووك..

[esam_ayad]

جبتها بكام يا بوب و عامله كام الف كيلو؟

ياباشا انا عايش في الكويت وطبعا الاسعار مختلفه عن مصر
لكن عموما انا جبتها بـ <1500 دينار كويتي > يعني تقريبا اتنين وتلاتين ألف جنيه مصري.

[esam_ayad]

الف مبروك ياباشا. وربنا يديك خيرها ويكفيك شرها قادر ياكريم
وياشباب الراجل يقصد انو. كان راكب مكسيما قبلها ومحسيش انوا نزل جامد المكسيما ٣٦٠٠ سي سي وبتدي ٢٠٠ حصان وتسارع من صفر لمية في سبع ثواني. طلقة بنت اللذينة. لكن الراجل يقصد الركوبة. الف مبروك ياريس

بالنسبة للصوت ياباشا لو بيطلع من المتور يبقى محتاجة تغير سير المجموعه الي ماسك الكمبروسر بتاع التكييف
ولو بيطلع الصوت من شبابيك التكييف ذات نفسها يبقى مروحة التكيف محتاجة تتنظف. بس كده ياباشا وربنا يباركلك فيها يارب ويحميك ويكفيك شر الطريق واهلاً بيك بين اخواتك. و إن شاء الله تشرفنا في لقاء القمة التيوتاوية. المقابلة الي جاية

أشكرك علي تحليلك للمشكله وفعلا أنا إتأكدت ان الصوت من فتحات المكيف.
وفعلا الماكسيما دي حاجه تانيه خالص عن أي عربيه لكن اتسرقت -الحمد لله علي كل حال-
بس السؤال هو هاروح لبتوع التكييف أقولهم ايه؟


عيوب الكورولا اللي حسيت بيها انها خفيفه ابتداء من سرعة 100 وانتا طالع وكمان بتجمع ببطء في الأول وبالذات مع تشغيل التكييف لكن ساعة مابتسحب خلاص بتاخد سرعتها.

وللمعلومه فقط ياباشا أنا عايش في الكويت فمش هاقدر أحضر مقابلة التيوتاويه.

[Y a r i s]

ابعتلنا فيزا يا غالي ونجيلك. احنا لحد عندك متتعبش نفسك ههههههههههه
حبيبي قلبي .... بس مش كتير ١٥ الف دينار على تويوتا كورولا ٢٠٠٦ و ١٣٠٠ سي سي يعني اعتقد بتلعب. في ١٠ الف دينار او يمكن تسعه هو الدينار الكويتي ب ١٣ ولا غلي دلوقتي عامة الخيرة فيما اختاره الله اطلع انتا على الصناعية. وهتلاقي هناك في واد فلبيني متخصص في تصليح المكيفات. وسمعوا الصوت. وهو هيصلحهولك على طول بس المهم يكون فلبيني مش هندي لان الهندي هيقولك هادا صديق وهادا رفيق وهادا في مشكل وااااجد ويبوظلك الدنيا الفلبيني بيشتغل على طول. بمجرد ما تشاورلوا بس على المشكلة ...

[amrelsaqqa]

الصوت لو مع دواسة البنزين ، يبقى مش من الفتحات ولا الكلام ده
دى بلية الكومبريسور وهتلاقى بس الصوت بيسمّع في المواسير ويدخل لحد السربنتينة الداخلية ويتهيالك انه من الفتحات

عندى نفس المشكلة بالظبط في الكورولا برضه بس انا منفض الصراحة لحد دلوقتى :d لانها مش جامدة اوى

بص طالما الصوت مش خشن اوى مفيهاش مشكلة ، لو مضايقك يبقى ان شاء الله حلها سهل جدا والف مبروك وعمار يا كويت :D

[S O P H O S]

الف مبروك
واعتقد الكلام مظبوط ..

[esam_ayad]

ابعتلنا فيزا يا غالي ونجيلك. احنا لحد عندك متتعبش نفسك ههههههههههه
حبيبي قلبي .... بس مش كتير ١٥ الف دينار على تويوتا كورولا ٢٠٠٦ و ١٣٠٠ سي سي يعني اعتقد بتلعب. في ١٠ الف دينار او يمكن تسعه هو الدينار الكويتي ب ١٣ ولا غلي دلوقتي عامة الخيرة فيما اختاره الله اطلع انتا على الصناعية. وهتلاقي هناك في واد فلبيني متخصص في تصليح المكيفات. وسمعوا الصوت. وهو هيصلحهولك على طول بس المهم يكون فلبيني مش هندي لان الهندي هيقولك هادا صديق وهادا رفيق وهادا في مشكل وااااجد ويبوظلك الدنيا الفلبيني بيشتغل على طول. بمجرد ما تشاورلوا بس على المشكلة ...

هههههههههههههه.
1-ياباشا أنا كاتب ان تمنها ألف وخمسميت دينار مش خمستاشر ألف دينار- ياراجل دول يجيبولي مرسيدس مش كرولا-.
2-الدينار حاليا بواحد وعشرين جنيه وشويه.
3- تقريبا شبه نادر لما تلاقي فلبيني شغال في الصناعيه كله هنود وباكستانيين وسوريين و........ مصريين-وأسف انه بشتمهم بس هم يستاهلو أكتر من كده بكتيير.
4- الصوت مش مسببلي مشكله قوي بس دي ملحوظه لاقيتها في العربيه وقلت أشوف ايه الصوت ده.
5- الفيزا دي الكويتيين بس هما اللي بيعملوها أحنا اخرنا هنا كارت زياره
والفيزا تمنها ياباشا ألف دينار(إضرب في واحد وعشرين ونص جنيه )

انذار ووقف اسبوع لمخالفة القاعدة 12
يرجى مراجعة قواعد المنتدى

2:31pm 20/9/2012
م.ع.4

[S O P H O S]

انصحك تعدل المشاركة الاخيرة ليك
قدامك وقت للتعديل لانها ممكن تتسببلك في مشاكل
تحياتي ..