تويوتا ياريس بالسى دى بلاير cd player

[wawoo]

السلام عليكم يا شباب
دى اول مشاركة ليا فى المنتدى الجميل دة

كنت عاوز اعرف لية تويوتا ياريس مش بتنزل فى مصر بالسى دى و بتنزل بالكاسيت , اعتقد اننا سنة 2007 و الكسيت دة حاجة تقريبا انقرضيت
على الاقل يكوم فى اوبشين ينزل بالسى دى و دة مش حياثر فى تمنها الا بتاع 400 و 500 جنية زيادة او حاجة كدة

و دى صور الياريس اللى بتنزل برة ب سى دى , طبعا الطبلوة مختلف خالص و شكلة احلى كتير , عاوز اعرف ارائكم و تعليقتكم
شكرا

[eng/muhamad]

يا عم بس قول ليه مش بتنزل فول اوبشن اصلا على الرغم من السعر المرتفع

[wawoo]

يا عم بس قول ليه مش بتنزل فول اوبشن اصلا على الرغم من السعر المرتفع

على رايك :)

[wawoo]

الحقيقة انا عجبانى اليارس و تصميمها , الهتشباك احلى طبعا من جوة بس السيدان مش وحشة برضو , اللى غيظنى هو السى دى بلاير دة , يعنى خلاص هو دة اللى حيفرق فى السعر معاهم , يعنى الواحد يشترى ب 90 الف جنية و كمان من غير سي دى و يضطر يركب واحد دة اذا كان ينفع , فى حين انها بتنزل برة اهة بالسي دى و بطبلوة احلى كتير .......
يعنى كان حيوفر كام السى دى دة فى تمنها يعنى .... :)

[memoo_1st]

شكل التابلوه جامد جداااااااااااااااااااااااا
و انا فعلا مش فاهم ليه التوكيل مش بيجيبها كامله زي بره كدا حتى لو غاليه يجيب دي و دي و الناس هيا الي تختار

[tamohsen]

علي فكره التوكيل كان منزلها أول ما الياريس نزلت السنه اللي فاتت وكان سعرها مش فاكر 110-115 ألف
يعني بتمن الكورولا تقريبا
ويمكن يكون اتباع منها 20-30 عربيه بالكتير

[Karim_Monir]

عشان الجمارك المحترمكة بتاعتنا بترفع قيمة السيارة اللي بكاسيت الي فئة اعلي بتغليها حوالي 2000 جنية في الجماركولو سي دي تبقي 4 الالاف جنية
مع ان تمن السي دي كلة اقل من نص الجمارك

حاجة تقرف

[wawoo]

شكرا يا شباب على التوضيح , يعنى السى دى حيزود تمن العربية 4 الاف جنية يا حلاوة يعنى السى دى دة كمليات للمترفين فقط اموت اعرف مين العبقرى اللى بيحدد التعريفات الجمركية العجيبة دى
طيب والحل يعنى نركب السى دى لوحدة يعنى . و نرمى الراديو كاسيت اللى جى معاها دة , معقول اللى بيحصل دة

[Karim_Monir]

نفس المشكلة اللي بقابلها دلوقتي في التويوتا كرولا بتاعتي
كاسيت دبل دن حجمة وعرضة مش طبيعين
ولو شلتة حتي لو جبت درج للكاسيت السي دي لعادي هايتبقي نص بوصة من كل جنب فاضية
يبقي شكلة عرة
وفي الاخر كاسيت شرايط حتي لو تويوتا

بيفكرني بواحد بيقولي انا معايا فلوبي ديسك 3.5 ياباني
هاعمل ايه بالياباني ماهو انقرض اصلا
الدنيا ماليانة كروت ميموري وفلاشات
اللي انا استنجتة من الموضوع ده ان دي بواقي حصص كانت متصنعة عندهم وبينلوها لدول العالم العاشر امثالنا
والسي دي والدفيدي بينزل للفرست كلاس
يعني تبقي راكبها باغلي تمن في الدنا ويحتقروقك برضه