ضميري وعنيا والزجاج

[Mohamed Elnagar]

السلام عليكم ورحمه الله وبركاته

-ازيكم يا رجاله تويوتا من كل شبر فيكي يا مصر
-انا عندي مشكله جامده ومش عارف اتعايش معها انا مستني الكورولا 2013 مع انها المفروض كانت نزلت من شهر بس يلا اديني مستني وفي نفس ذات الوقت معايا كورولا 2007 اللي مضايقني فيها حاجه رخمه الا وهي خرابيش الزجاج بس الملعونه الفوطه الزفره
-المهم كده كده مش هبيع العربيه دي حتي بعد ما اجيب الكورولا 2013 فكل يوم لما اسوق باليل يجيلي شلل الاطفال وانا علي الدائري مثلا وخرابيش الزجاج عمياني بس اقول لازم اغير الزجاج بس ضميري يقولي الاصلي ميتعوضش والكلام اللي انتوا عرفينه ده
-دلوقت انا مدي ضميري اجازه لمده لغايه لما اغير الزجاج
-فهل اغير الزجاج ولا اسيبه ولو غيرت عايز انضف زجاج وانضف مكان اغير فيه غير التوكيل
وشكرا يا تيوتاويه مصر

[Y a r i s]

الف سلامه عليك ياباشا على ضميرك وعنيك وعلى قزاز عربيتك يا بوحميد .... انا كنت زي حكايتك كده وغيرت القزاز المتخربيش بقزاز دكتور جريش مش عاوز اقولك. مكملش اسبوووع واحد بس واتنقر على طول. ده غير مفهوش عزل نهائي وتحس قبل ما يركبوه شفتوا لونوا مخضر بعد ما ركبتوا لقيتوا مبييض كده وتحس انك قاعد في الشارع ومفيش قزاز قدامك وحاجة زبالة بيني وبينك في موضوع عاملوا انا هنا في القسم اسموا تجربتي مع قزاز دكتور قريش اقراه وهتعرف التفاصيل المهم انا ندمت اني ركبتو وقلت ياريتني خليت القزاز المخربش بتعها ولا اني اركب قزاز بالمستوى ده في عربيتي .... بس لو هتبيعها ياباشا ركب دكتور جريش اما لو هتخليها سيب القزاز المتخربيش زي ماهو او ركب قزاز اصلي نضيف وابعد عن القزاز المصري. بتاتاً

صحيح باميا الي في قسم ديهاتسوا بيقول انوا ركب عند واحد في ميدان لينان عند مؤمن ركب قزاز سعودي للسيريون بتاعتوا مع اني مشفتش حد بتاع قزاز في المنطقه دي خالص

@@@@@@@
وتحياتي

[Mohamed Elnagar]

صحيح انت عارف اني في ميدان لبنان يمكن يقصد اللي تدخل شارع اسراء المعلمين لغايه شارع السودان اللي اسمه زجاج سيارات
-فيه زجاج اسمه امان مصري كريم منير مركبه في عربيته وكان بيشكر فيه
لكن الصراحه الاصلي غالي جدا
المهم انت عامل ايه واخبار الاولاد ربنا يخليهم ليك ومفيش مقابله حلوه كده في مول العرب ولا حاجه

[Y a r i s]

حبيبي يابوحميد واللهِ وحشني موووت يا غالي انا بفكر مره كده نتقابل عند جلاتي عزة. وخلاص ههههههه. على فكرة اجمل نكهة تاكولها من عند جلاتي عزة الي هو جلاتي بالليمون. يومياً وانا مروح باخودلي واحد وانا مروح اتسلى فيه عارف الطريق طويل هههههه. حبيبي ياباشا

بقلك صحيح عارف شارع شهاب جمبكم فيه هناك واحد قبل التوحيد والنور على نفس الصف اسمو dok او دقدق مشهور هناك القزاز عندوا ب ٤٥٠ جنية جربوا وانشالله هيعجبك احسن من امان ودكتور قريش .... هو صحيح معاملتهم زباله وتناكه بس مين عارف يمكن بيشتغلوا بغناوة لانهم واثقين في منتجهم.

وفي عند عرفه جابر. في دمشق عندوا قزاز ب ٧٥٠ جنيه

بس نصيحة. ابعد عن دكتور قريش وامان هتحس انك سايق فيرنا بالزبط مش عربية فخمه نهائي
@@@@@@@@
وتحياتي ليك يا غالي

[Mohamed Elnagar]

تصدق زعلتني يعني انت كل يوم بتعدي جمب بيتي ومش تقولي لا انا زعلان
-هو بالنسبه لجلاتي عزه انا مش جربته انا بحب موفنبيك و قويدر اللي في شارع شهاب يا عيني علي الكاساتا
-بالنسبه ل dok ده نوع زجاج ولا اسم محل وهل فعلا نضيف للدرجه دي ولا هندم وبالنسبه للي ب700ده اخباره ايه
-علي فكره نمرتك ضاعت من عندي واكتر من مره ببقي عايز اسلم عليك ياريت تبقي تبعتها

[S O P H O S]

عندي نفس القصة بالاضافة انه مكسور بالطول
وماشي بيه علشان عارف اني لو غيرته مش هحس
بفرق ..

[MohammedAladel]

ياالأصلى يابلاش

[hany63]

المشكله اللي ما لهاش حل مع اول عربيه نقل محمله رمل هيتخربش في ثانيه تاني

[Mohamed Elnagar]

-اصل المشكله الخرابيش دائرسيه بمجرد المقابل يضرب نور الاقي شبكه عنكبوت ظهرت بجد انا بدات اقلل من ركوبي العربيه بالليل بسبب الموضوع ده

[Y a r i s]

تصدق زعلتني يعني انت كل يوم بتعدي جمب بيتي ومش تقولي لا انا زعلان
-هو بالنسبه لجلاتي عزه انا مش جربته انا بحب موفنبيك و قويدر اللي في شارع شهاب يا عيني علي الكاساتا
-بالنسبه ل dok ده نوع زجاج ولا اسم محل وهل فعلا نضيف للدرجه دي ولا هندم وبالنسبه للي ب700ده اخباره ايه
-علي فكره نمرتك ضاعت من عندي واكتر من مره ببقي عايز اسلم عليك ياريت تبقي تبعتها

لايعم موفبيك. ايه بس وقويدر ده ولا باسكن روبنس هو احنا قدهم. احنا على قدنا بناكول من عند عزة ههههههههه بس كل النكهات عندوا وحشة ماعدى. الليمون او الكنتلوب. او البلح دي اجمل نكهات. باقي النكهات تحس ميه بطعم الحليب مجمدنها او تنج عملينوا ايس كريم

يالله المره الجيه ابقى اعزمني عند موفبيك او سيراميس ههههه.

بالنسبة لقزاز دوق. ده نوع القزاز بتاع مصنعهم. .... هو المحل اسمو دوق دوق بتاع القزاز انا لمن سئلتهم قالولي هو مصنع ايرلندي وفاتح في مصر هنا وانتا عارف الكلام معلهوش جمارك النهرده تيجي تخض مطعم هندي تلاقي كلهم مصررين حتى الشيف مصري وحاطط على جبينوا نقطه حمره قالي يعني هندي ههههههه ده حتى المطعم الصيني تلاقي جيبنلك كام واحد مصري عينيهم ديقه قال يعني صيني فالكلام معلهوش جمرك

وسمعت ان في فالحرفين برفريز استيراد بيفكوه من العربيات الانصاص وبيركنوه على جنمب بس كمان متضمنش اذا كان القزاز محبب او في تشعير وانتا مش واخد بالك

اقولك ركب قزاز دكتور جريش وخلاص ب ٣٥٠ وخليه يفكلك البرفريز الاصلي سليم يعني زي ماهو علشان لو معجبكش ترجع تركبوا تاني مره وخلاص وجرب وانتا وحظك. مين عارف يمكن يعجبك ومتيحسش بفرق وتحياتي

[BLOODY_STONE]

انا رايي غير و ريح بالك بالاصلي و ممكن تعمل حاجات عشان تحافظ عليه يعني متخليش حد يقعد يمسحه و مكن تستخدم مواد تنضيف معينه .. كده يعني ..

[Mohamed Elnagar]

انا بجد بقيت بكره العربيه والسواقه بالليل بسبب الزجاج ومش هشتري من التوكيل

فبعد اذنكم لو حد جرب زجاج كويس يقول غير كده بلاش نظام التتويه

[wwaeel]

في زجاج مستورد كنت شوفته عند محل خالد الي بيلحم الزجاج في شارع المرغني جنب ابو شقره وكان ثمنه تقريبا 1100 جنيه ده هتلاقي زي الاصلي واكيد انظف من جريش روح وشوفه هو كان تيواني تقريبا او كوري

[Land_Cruiser]

ياالأصلى يابلاش

لو مش شايف منه كده هيبقى خطر فغيره بس بالاصلى أما لو شكله مضايقك بس يبقى استحمله أحسن ما تجيب حاجه اى كلام تلاقيها كل شويه بتشبر و تلم تراب و كمان ضعيفه فتلاقى روحك بتتمنى ان الرخيص ده يتكسر علشان ترتاح منه

[Motaz.Habib]

انا بجد بقيت بكره العربيه والسواقه بالليل بسبب الزجاج ومش هشتري من التوكيل

فبعد اذنكم لو حد جرب زجاج كويس يقول غير كده بلاش نظام التتويه

انا مغير ازاز الياريس فواحد عند شارع الطيران و كويس جدا و علية علامة تويوتا بس اكيد مش اصلى انا مغيرة من سنة تقريبا حضرتك ممكن نتقابل و تشوفة هو كان 450 جنية