تركيب كسحات للتويوتا ( يارس )!

[Y a r i s]

العربية في حد ذاتها شكلها لزيز
وناس من اعداء تويوتا لم يشكروا في ثابتها .... فهل حد يضيف ويركب كسحات لليارس
تعالوا نتفرج على الموضوع ده

@@@@@@@@@@@@@

شكل العربية. من غير كسحات












@@@@@@@@@@@@@
وتحياتي

منقول عالم يارس

[Y a r i s]

منقول

[bmya]

عقبالك يا كبير :)

[Y a r i s]

عقبالك يا كبير :)

حبيب قلبي باميا باشا
الله يكرمك ياباشا. منوووووور واللهي القسم كلو حبيب قلبي

[windofchange]

هتبقي جميلة لو جزء الكساحات والعتب يكونوا بلون اسود غير لون العربية

[Y a r i s]

هتبقي جميلة لو جزء الكساحات والعتب يكونوا بلون اسود غير لون العربية

حبيب قلبي منور تويوتا كلها بكل اقسامها
فعلاً معاك حق. .... وانا انشاء الله ان عملتهم لمن ربنا يبعت. انشاء الله. هعملها سيلفر فضي اهو يعمل كونترست. .... بس اقول ايه غير ابعت يارب ... وتحياتي ليك يا صديقي

[S O P H O S]

ربنا ينولك الي في بالك ..

[myself112]

تسلم ايدك يا كبير :)
على فكرة و الله الموضوع اسهل منه مافيش و مش غالى زى ما احنا فاهمين .... بس عيبه انك لازم تركب جنط كبير و تهبط العربية عليه علشان تاخد الشكل الى فى دماغك , و ده طبعا فى شوارعنا و مطابتنا , محتاج واحد بيحسس على العربية بمعنى الكلمه , غير كده هو زى الفل ....
انا جربت قبل كده بس فكيته علشان الموضوع ده .......

[Y a r i s]

المشكلة ان شوية الكسحات زي كدة هيخوشوا في رينج ٣٠٠٠ جنية
المشكلة بقى مش في التلاتلاف جنية المشكلة ان كمان الي هيفصلهم. هل هيجيبهم مساطر كده من تحت ولا هتحس انهم ساقطين وزايدة شوية من هنا ومقصرة شوية من هنا .... والمشكلة بتاع الفيبر توريه الصورة يقلك ايه يعني بسيط تيجي تدليوا فلوس عربون وتعدي عليه بعدين تلاقي حاجة تانية خالص غير الي كنت متفق معاه عليها يا يجبلك ويعملك حتت دين عتبه. تقولش عتبت بيت ... وتقولوا ايه ده كلووو دي عتبة دي. ولا سلمة ههههههههه انا قلتلك عاوز حاجة بسيطة كده وسيمبل مش تفصلي لوح قااااد كده وتقلي. زي الفل. طبعاً هو كاي صنيعي مصري اصيل يكلفتك بسرعة ويقلك يابيه ركب وروش واتفرج على الشكل النهائي طبعاً هتكون انتا دفعت وركبت ورشيت يبقى عليه العوض ومنو العوض. وهترضى بالامر الواقع. مع الاسف

[Motaz.Habib]

تسلم ايدك يا ريس
بس المشكلة ان كان فى ناس زمايلنا هنا قالوا انك لما تروح ترخص لازم تشيلهم غير ان لو كمين رخم ممكن يعملك مشاكل انا عمال ادور على الموضوع بس مشلاقية

وعلشان انت حبيبى انا هعديلك موضوع ثبات الياريس دة علشان متقلبش بخناقة فالاخر كالعادة

[windofchange]

انت لو عملتهم قريب من العربيات اللي بتنزل فيهم الكساحة فابريكة وميكونش مبالغ في حجمهم مش هيبان غير انهم فابريكة وترخص عادي والله اعلم