كيف تجعل سيارتك اكثر ثباتاً في السرعات ؟ ( صور)

[Y a r i s]

كثير من الناس بتشتكي. في السرعات. مابعد ال ١٢٠ !!!
لذلك احب ان اعطيكم كم نصيحة على الماشي ..... :
اولاً : غير جنوط عربيتك واستبدل الجنط الاصلي بجنوط اسبور واطارات اسبور
RAYS ENGINEEERING TE37SL Gun....l R17x7.5jj with TOYO PROXES T1R 205/45/R17
عرض الجنط. بيساعد على الثبات .... وتفريغ الهواء بيكون عن طريق فتحات الجنط فيعملك تسارع افضل للعربية وانطلاقه من الصفر للمية في زمن قياسي





ثانياً : اضافة زوائد للسيارة بادي كييييت
بيخلي الثبات بتعها اعلى. على الطريق والاسفلت ويقلل من ارتفاع السيارة





رابعاً : عمل الصيانة الدورية للعربية والتشيك على العبشة بتاعت العربية وتربيطها جيداً .... وشيك على بارات الدريكسيون والبيض بتاع المفصلات مرات تكون سايبه عندك .... وتحس برعشة في الدريكسيون. والرعشة دي تحسيسك ان العربية مش ثلبتة





خامساً : ركب عمود الاتزان. بتاع العربية .... بيديها ثبات في المنحنيات. على السرعات العالية .



سادساً : ركب عمود اتزان في الاسفل للمساعدين الخلفيين بيخليلك العربية ثابته ومتتنططش. وانتا ماشي



سابعاً : ركب عبشة ( سوست ومساعدين رياضيين ) للعربية. بتخلي العربية ناشفة ورياضية وتديك ثبات اكتررر .



@@@@@@@@@@@@
وتحياتي

[Y a r i s]

إضافة بعض الفلاتر كفلتر الهوى وفلتر الزيت او الماء يساعد ويزيد من تسارع السيارة
@@@@@@@@

[amrelsaqqa]

تسلم يا باشا على الموضوع
بس انت عايز رأيي
الثابت ثابت ولو فيه ايه
والخفيف خفيف لو عملت فيه ايه

[Y a r i s]

تسلم يا باشا على الموضوع
بس انت عايز رأيي
الثابت ثابت ولو فيه ايه
والخفيف خفيف لو عملت فيه ايه

الله يسلمك ياباشا .... وفعلاً الثابت ثابت ولو فيه ايه والخفيف خفيف لو عملتوا ايه. والحلاوة حلاوة الروح .... انا جربت عربيات كتير. ودخلت في جدل مع اعضاء من ضمنهم بتوع رينو الي هيجننوني وبيقولوا على اللوجن ثابته ومنهم واحد مصور العربية فيديو على سرعة ١٨٠ وهو ماسك الدريكسيون بايدوا واسنانوا ويقلي ثابته .... بس الحمدالله. ... واللهم ادمها نعمة واحفظها من الزوال يارب العالمين .... وتحياتي

@@@@@@@@@@@@@@@@

بس نصيحة ياشباب. بعد سرعة ١٢٠ متبقاش سرعه لكن. يعتبر طيرااااااان .... الطيارة علشان تقلع بتبتدي تجهز سرعة. من فوق ال ١٢٠. واحنا راكبين عربيات فنصيحه بلاش سرعه يا غالين وشكراً لمشاركتكم وتحياتي كمان مرة

[Y a r i s]

فلتر ريس امريكي مخصوص لليارس والكرولة ويركب بدون تعديل
ويدوم اكثر من الفلتر الاصلي للسيارة ويتم تنضيفه بالماء والصابون والهواء واضافة جل عليه
ويعطي للسيارة اضافه خمسة احصنة زيادة
@@@@@@@@
وتحياتي

[Ahmod]

تسلم يا باشا على الموضوع
بس انت عايز رأيي
الثابت ثابت ولو فيه ايه
والخفيف خفيف لو عملت فيه ايه

انا مش متفق مع حضرتك في النقطة دي !!

فيه عربيات كتير ممكن تكون ثابتها مش بالمستوى المطلوب وبشوية تعديلات توصل لدرجة معقولة من الثبات !!

انا عن نفسي بعد ماركبت جنوط مقاس 16 فرقت معايا في الثبات حبة حلوين وكذلك كل تجارب الاعضاء اللى معاهم ياريس بعد تجنيطها ثباتها اتحسن

وده مجرد جنط !! مابالك بقى باللى بيجنط وبيركب سوست ومساعدين اسبور وبودي كيت وRacing Bars

اكيد العربية هتبقى صخرة على الارض

[lanos2004]

فلتر ريس امريكي مخصوص لليارس والكرولة ويركب بدون تعديل
ويدوم اكثر من الفلتر الاصلي للسيارة ويتم تنضيفه بالماء والصابون والهواء واضافة جل عليه
ويعطي للسيارة اضافه خمسة احصنة زيادة
@@@@@@@@
وتحياتي

موضوع فوق الممتاز بس انا ليا تعليق على الفلاتر والشكمانات انا شايف انها مبتزودش حتى ربع حصان مش ارع احصنه
كل الى بتعمله انها بتخلى استجابه الماتور افضل فقط---

[Y a r i s]

انا ملاحظ ان في كزا موضوع ان الاسبولير
الجناح الخلفي للعربية اونطة في اونطة. وماهو غير حلية. فقط. برضوا ومابتفيدش في الثبات زي عربيات المازراتي









لا اعتقد نهائي ان الجناح الخلفي يؤثر على الثبات بالذات في تويوتا
لان الثابت ثابت بجناح من غير جناح بصدر ولا بورك هو ثابت. فدييييتك ياتويوتا

@@@@@@@@@@@
وتحياتي

[Y a r i s]

موضوع فوق الممتاز بس انا ليا تعليق على الفلاتر والشكمانات انا شايف انها مبتزودش حتى ربع حصان مش ارع احصنه
كل الى بتعمله انها بتخلى استجابه الماتور افضل فقط---

حبيب قلبي يالانوس منور .... انا حسيت فعلاً وانا بشيد مع دكتور احمد. ان استجابة عربيتوا بسم الله مشاء الله اعلى من عربيتي .... وبناء على كلام بوحميد من كتر ما شكرلي في فلترا الهوى وقالي انوا بيزود عدد الاحصنة بتاعت العربية .... وشكراً ليك لتصحيح المعلومة ياغالي ومنوووورين واللهي ياجماعة الموضوع لان كتير من الناس. بتستفيد بتجاربكم الجميلة والمفيدة في عالم السباقات .... الاصحيح انا شوفت فلتر مخروطي كده زي فلتر الهوى. بس ده صغير عند جو اكسيسورس ولمن سئلت ده بتاع ايه قالي فلتر زيت. امريكي بيدخل هوى اكتر للمحرك حد عندوا فكرة بتاع ايه الفلتر ده. مخروطي وصغير كده كتكوت
@@@@@@@@@
وتحياتي

[Y a r i s]

@@@@@@@@@@@@@@@@

الغريب ان في ناس فاتحه فتحة مخصوص لفلتر الهوى في الاكصدام مباشرةً

[S O P H O S]

موضوع ممتاز
واعتقد كمان ان الجنوط بيبقي فيها تفريغ الهواء اكتر
فبالتالي الفرامل كاداء بيتحسن
والله اعلم ..

[lanos2004]

انا ملاحظ ان في كزا موضوع ان الاسبولير
الجناح الخلفي للعربية اونطة في اونطة. وماهو غير حلية. فقط. برضوا ومابتفيدش في الثبات زي عربيات المازراتي









لا اعتقد نهائي ان الجناح الخلفي يؤثر على الثبات بالذات في تويوتا
لان الثابت ثابت بجناح من غير جناح بصدر ولا بورك هو ثابت. فدييييتك ياتويوتا

@@@@@@@@@@@
وتحياتي

ههههههههههههه- الحاجات دى بتفرق فى الثبات بعد 170 وانته طالع قبل كدة ملهاش لزمه-لان فى السرعات العاليه بيكون ضغط الهوا على مؤخرة العربيه مؤثر لو فيه جناح خلفى

[lanos2004]

حبيب قلبي يالانوس منور .... انا حسيت فعلاً وانا بشيد مع دكتور احمد. ان استجابة عربيتوا بسم الله مشاء الله اعلى من عربيتي .... وبناء على كلام بوحميد من كتر ما شكرلي في فلترا الهوى وقالي انوا بيزود عدد الاحصنة بتاعت العربية .... وشكراً ليك لتصحيح المعلومة ياغالي ومنوووورين واللهي ياجماعة الموضوع لان كتير من الناس. بتستفيد بتجاربكم الجميلة والمفيدة في عالم السباقات .... الاصحيح انا شوفت فلتر مخروطي كده زي فلتر الهوى. بس ده صغير عند جو اكسيسورس ولمن سئلت ده بتاع ايه قالي فلتر زيت. امريكي بيدخل هوى اكتر للمحرك حد عندوا فكرة بتاع ايه الفلتر ده. مخروطي وصغير كده كتكوت
@@@@@@@@@
وتحياتي

شوف اى محرك بيكون فيه نسبه بخر للزيت - وبخار الزيت دة بيكون خارج من خرطوم صفير على وش السلندر ويرجع البخار دة يدخل تانى لغرفه الاحتراق مع الهوا الى داخل--ونسبه الزيت دى بتهدى الاحتراق شويه-وتزيت بوابه الهوا -- والاجزاء الداخليه للمحرك
الى بيحصل ان خرطوم بخار الزيت دة بيتلغى -وبيركب مكانه فلتر صغير وبكدة بتضمن ان نسبه الهوا تكون اعلى لغرفه الاحتراق-ودة فعلا بيدى تاثر كويس فى السحب
بس عن نفسى بما ان المصنع --واخد بخار الزيت ومرجعه لغرفه الاحتراق-يبقه هوة دة الصح

[bmya]

تسلم ايدك مواضيع زي الفل بقولك ايه يا ياريس متيجي تحترف عندنا في قسم الاموات بتاع دايهاتسو :D
بالنسبه للجنوط طبعا بتفرق جامد انا مركب في السيريون بتاعتي 15 55 195 وهي بتنزل ب 14 175 65
طبعا فرق في الثبات والنعومه كمان بس طبعا الباور تقل شويه بس هو كهربه اصلا فبيكون خفيف اوي فلما تقل بقه مظبوط وناعم جدا برده
الزوايد انا مغير عندي جايب الكيت الاسبور بتاع السيريون الاصلي اللي بتنزل به بره اكصدمات اسبور وره وقدام والعتب الجانبي الاصلي صراحه محستش بفرق في الثبات اوي بس طبعا هو بيدي منظر جامد للعربيه خصوصا الاكصدام الامامي بالفتحات الكبيره بتاعته والفوجات الضخمه الاسبور فبيديك احساس انها عربيه رياضيه وثابته
الاسبويلر بقه دي الخطوه اللي جايه ناوي اعملها واحد عموله بقه سبور كده وربنا يسهل
بالنسبه للفلتر الاسبور انا مركب فلتر مخروطي K&N هو فعلا بيخلي استجابه الموتور اسرع وطبعا صةت رياضي للموتور



دي شويه صور لعربيتي مش خساره في قسم تويتا الشقيق معملتهاش في دايهاتسو :)

قولوا ماشاء الله

دي صوره الفلتر


ودي صوره للاكصدام الامامي



ودي صوره جانبيه للعتب



ودي صوره للاكصدام الخلفي بس لسه مرشتوش




سؤال هي الياريس مابتنزلش بميزان ثبات خلفي ؟

[Y a r i s]

بسم الله مشاء الله والله اكبر
شوية صور بسم الله مشاء الله واللهي ده انا همسك الخشب الابنوس بتاع العربية واللهي .... ههههههههه حبيبي يا باميا منور ياباشا القسم وهو تويوتا وديهاتسوا ايه. ماهم. شركة وحده يا غالي

@@@@@@@@@@@

على فكرة ياباشا انا زمان سئلت عن الاسبولير الاصلي بتاع السيريون. لقيتوا تقريباً ب ٦٠٠ جنية من غير رش بس عريض وحلو. .... ومبروك ياباشا على الاكصدامات شكلهم بسم الله مشاء الله شيك جداً .... بس الحاجة الي مش عجباني هي ان العتبة تحيس انها هبطة من النص كده عارف لو هيا. جية استريت كده ومستقيمة هتبقى اشيك بس بسم الله مشاء الله عليها ربنا يحميك ويكفيك شر الطريق ياغالي
@@@@@@

التيوته اعتقد انوا فيها ميزان خلفي. جمب تنك البانزين بس بيركبلها كمان زيادة. في الثبات

@@@@@@@@@@

انا استغربت واحد مركب جنوط ١٧. وناس كتير مركبها وتقريباً محدش اشتكى من الحكة في الكرتيرة !!!!

Spring feel: I m using 17 inc 205/40/17.. i feel 20% stiffer than OEM.. overall is superb, as good as tein!
Reason of sell: 2nd driver (sister) not used to lowered drive.. susah hati my b/kit was cracked