إعـــــــلان

Collapse

.

,
See more
See less

نداء عاجل: سوق الكماليات اوشك على الانقراض في مصر !

Collapse
X
 
  • Filter
  • الوقت
  • Show
Clear All
new posts

  • نداء عاجل: سوق الكماليات اوشك على الانقراض في مصر !


    حبايب قلبي جميعاً.
    ( باختصار ) هل انت تؤمن ان روشنت العربية وهشتكتها وبشتكتها وتعديلها في اي بلد .... ده دليل على مستوى المعيشي في اي بلد .... ومن عربيات الناس تقدر تحدد .دخل الفرد والظروف الاقتصادية للدولة
    .
    @@@@@@@@@@@

    لاحظت .عندنا في الفترة الاخيرة اننا عندنا خلل في الشارع المصري .... تلاقي شارع طويل عريض زي شارع دمشق بتاع اكسسورات العربيات ولا شارع التوفيقية ولا شارع .حاجة سعيد في العابسية ولا شارع الطيار فكري في امبابة ملايانين محلات اكسسورات .... لكن مع الاسف تيجي تبص عندهم ايه تكتشف ان معندهمش حاجة !!!!.



    ( معطرات فرش عربية طقم دوسات طقم شكمان او دليات .سمعات كسيتات جراب دريكسيون وانذار للعربية ).

    وصلى الله وبارك ... والمحل الي تقول واللهي في حاجة هتلاقي عندو شوية ستاير او سرينة شرطة .... ولا حتى ميداليات للعربيات .... حتى في الفترة الاخيرة انتشرت حاجة اسمها الدووودة الملونة تصور واحد شاري عربية ويوم ما يدلعها يحط فيها دووودة ههههههههه

    في نفس الوقت الي كنت بتابع فيه منتديات. خليجية ولا غربية ولاحتى جنوب شرق اسيا.... بلاقي ولاد اللزينة .عمليين حبت حاجات في عربياتهم فظيييييعة .... يحولك شكل العربية ١٨٠ درجة من بره ويخلي صالون العربية تحفة من جوه ..

    @@@@@@@@@@@@@

    الغريب ان طبعنا احنا كرجال .... بنمل بسرعة حتى من عربيتنا .... وعندنا حب اننا نعمل عربيتنا على ايدينا ونضيف عليها ونخليها مميزة وروشة .... .يعني اذا مكنتش كل شهر تضيف حاجة على العربية بتاعتك او على الاقل كل فترة .هتحس بالزهق منها .وتلاقيك بتفكر تبيعها وتحس ان عربيتك بقت مخروبة ولا جديد فيها ... والغريب ان مثلاً .ايام مكان عندي الشاهين رحت اسئل عن اكسسورات ليها قالولي لا يافندم الشاهين مالهاش غير اكسسورات بتاعت التكوسة.

    جبت لانوس رحت اسئل عن اكسسورتها قالك لامع الاسف الانوس ملهاش.
    بعتها وربنا كرمني بماتريكس رحت اسئل عن اكسسوراتها قالك الماتريكس مابينزلش ليها اكسسورا غير اكصدمات ونواكل.
    بعتها بعد كده جبت لوجن. قالك لا يافندم اللوجن ملهاش اكسسورات.
    حتى في اليارس دلوقتي مع ان موديلها ٢٠٠٨ يعني مش نازلة السوق اول امبارح بالليل ( بسم الله مشاء الله ) كمان ملهاش اكسسورات اضافية .... والي باستغربلوا بجد كل شوية نسمع ان واحد من صحابنا او معارفنا ربنا كرموا وفتح محل كماليات عربيات تيجي تروحلوا تنفعوا بحاجة ماتلقيش حاجة تنفعوا بيها غير مسند راس او حتت معطر الشجرة معندهوش حاجة مميزة بتاتاً طيب انتا فاتح ليييييييه .... وليه الحال وصل بينا لكده .... ده حتى على مستوى الجنوط لو ربنا كرمك ومعاك قرشين وحبيت تجنط تيجي تروح معروف ولا عند الروماني ولا ولا ولا. تبص تلاقيهم معلقين جنوط اشكال والوان وكلهم جنووووووط فلاحي وتقليدين وتركب الجنط من هنا متحيسش باي فرق .بينوا وبين الطاسة ده بالعكس الطاسة كانت اشيك ..

    الناس محتاجة تحس بالتغير .... محتاجة تحس انهم عملوا حاجة مختلفة في عربياتهم ... .السوق .عندنا في مصر مجالوا كبيررر ومتعطش للحجات المميزة مش متعطش لطقم دوسات وفرش للعربية او غطى للعربية ودومتم .... ده حتى على مستوى شارع الطيار فكري في امبابة كان زمان الشارع كلو منور محلات واكسسورات النهردة صفصف الشارع كلو على الاشقر وعادل بتاع الاكسسورات وبقى مضلم .شارع دمشق كلو مفهوش غير تلات محلات مشهورين .طيب والباقي فاتحين ليه .وتستغرب الشارع زحمة طيب زحمة على ايه هو ايه الي في الشارع حد عندوا حجات جديدة او مميزة !!!!.

    إلا تلاقي كلهم راكنين وقاعدين بيلفوا على جراب دريكسيون شكلو مختلف او اللون الي انتا عاوزوا فقط لاغير وتلاقي البياعين يقلك اصل السوق نايم ليه هو انتوا عندكم بضاعه اساساً عليها القيمة !!!!.

    القاهرة كلها لو مسيكتها عصرتها هما اربع او خمس محلات فقط عندهم شوية حجات مميزة والباقي كلو بومبة واونطة في اونطة .... وكلو بيقلد بعضوا .... وما احزن قلبي ان بتوع كماليات العربيات بقوا يبيعو سبح .ومشاءالله بتتعلق في المرايا. ياحبيبي على التطور يا حبيبي.

    @@@@@@@@@@@
    والمصيبة ان اغلب الي تعرفهم وبيسافروا الصين تلاقيهم جاهلين باكسسورات العربيات .... ويروح يلاقي حجات كتير هناك ميفهمش حاجة .يقوم جايبلوا كونتينر معطرات ودوسات ويرجع هههههههههههههه. .
    @@@@@@@@@@@@
    .وحتى معارض العربيات الي بتقام سنوياً يعني من السنة للسنة مبقيتش تلاقي فيها اي اكسسورات تذكر. وان صادف ولقيت شاركات جيه تعلن عن بضائعها. تيجي تشتري قطعه يقلك لا مبنبعش للعرض فقط .لو عاوز نعملك طلبية. ولازم كمية على الاقل ١٠٠ قطعة هههههههه

    @@@@@@@@@@@@

    بجد كل ما اتغول في المواقع والمنتديات اكتشف عالم اسمو عالم السيارات مع الاسف احنا مش عايشين فيه ... .


    [SIGPIC][/SIGPIC]
    [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

  • #2
    لا اتفق معاك بصراحه ممكن تكون ملفتش كتير القاهره فيها محلات تقيله ومراكز تعديل جامده مش هقول مراكز لأن مفيش غير واحد بس هواال top
    انزل بورسعيد واتفرج علي الشغل ال هناك وهتغير وجهه نظرك
    [aldl]http://store2.up-00.com/Apr13/Z8L88453.jpg[/aldl]

    Comment


    • #3
      انا بحب عربيتى كلاسيك ومش بحط فيها اى حاجه---بس انته فعلا عندك حق
      انا بلف فى شارع دمش مش بلاقى الا حاجات كلها تقليديه ومش بتتغير

      Comment


      • #4
        يا باشا دا حتة ازازة اسبراي بتاع سموكة الفوانيس اسمه. بلاستي ديب سموك. ...بعشرة دولار ومش لاقيه


        دا المخدرات بقت اكتر من الاكسسوارات


        هههههههه. حلوة دي

        Comment


        • #5
          انا بجد موافقك على كل كلمه قلتها
          وفعلا بدخل المحل مبلاقيش اي حاجه عليها القيمه
          اخرهم النواكل الي بيلزقوها على الفوانييس وبيبقا شكلها زباله معرفش الناس بتشتريها ليه
          نفسي افهم ايه الحلو الي فيها

          احنا المشكله عندنا ان الي بيستورد دايما مش بيكون فاهم
          الموضوع ده عايز واحد يكون غاوي العربيات وفاهم فيها وبيحبها وذوقه حلو
          هو ده الي ممكن يجبلنا الشغل بتاع بره

          يا راجل ده وصلت لدرجة انك انت تنزل تدور على استيكر محترم متلاقيش
          انا قعدت 3 شهور ادور على استيكر الزقو على الشماسه قدام وفي الاخر ملاقيتش وعملتو انا بنفسي

          للاسف التاجر بيقولك انا العب في المضمون واجيب الحاجه الي كل الناس بتاخدها
          يا معطر يا طقم دواسات يا فرش وخلاص على كده
          [SIGPIC]http://nileup.com/up/uploads/nilemotors_13963686331.jpg[/SIGPIC]

          Comment


          • #6
            +1111111

            Comment


            • #7
              المشاركة الأصلية كتبت بواسطة madaxman مشاهدة المشاركة
              لا اتفق معاك بصراحه ممكن تكون ملفتش كتير القاهره فيها محلات تقيله ومراكز تعديل جامده مش هقول مراكز لأن مفيش غير واحد بس هواال top
              انزل بورسعيد واتفرج علي الشغل ال هناك وهتغير وجهه نظرك
              طيب فين ياباشا متنورنا. ... انا بور سعيد كنت بنزلها زمان مخصوص علشان اكول سمك بحري مش بتاع مزارع واشتري منجا وانا مروح من الاسماعلية ملقيتش فيها محلات عليها القيمة للعربيات .... وفي القاهرة. السجان. هو الي بيوزع معطرات وفرش ودوسات على السوق واربكو ولا اشرفكو بيجيب الحجات المميزة للجيب والمارسيدس والب ام .... ومتبقاش غير حمادة غازي او جو اكسيسورس ودول غاليين جداً وبيجيبوا حجاتهم بالقد والطلب من دبي وبرضو مبتلاقيش كل الي انتا عاوزوا وبتشوفوا على النيت

              ومتبقاش عندك غير خدمة ادفعلي. وموقع اي باي .... وعلشان تشتري قطعة انتا مش شايفها ولا معاينها صعبه شوية ده غير تمن الشحن والجمارك وحتى مكتبت ابراهيم حجاتهم معدودة. واكسسوراتهم محدودة ... ده حتى العجوز او ابراهيم او حكيم في التوفيقية خلاص كل سنة وانتا طيب واحد بيشتغل في الفرش والستار والتاني في النواكل والتالت في الانزار وشغالين على كدة اما انك تلاقي حاجة مميزة او حاجة تشيدك مفيش والكلام ده من قبل الثورة .... ياراجل ياطيب ده على مستوى لباد لكبوت لعربيتك بتنزل تلف عليه مصر كلها وفي النهاية يقلك مفيش
              [SIGPIC][/SIGPIC]
              [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

              Comment


              • #8
                مش أى كماليات أركبها

                يعنى ملاحظ إن ناس كتير حاطة على فوانيس عربياتها نواكل بتلمع بس بايخة جدا جدا

                الحاجات دى لو مش هتضيف مظهر جمالى بجد بلاش منها

                وطبعا الاكسسوارات الأصلية بتبقى بسيطة جدا وغالية وبتدى الشكل الرائع الملفت للنظر عكس الكلام الفاضى اللى منتشر فى السوق واللى ناس كتير بتستعمله بيبوخ منظر عربياتهم بس كل واحد ليه وجهة نظر
                [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                Comment


                • #9
                  انا بجد الي محزني هيا كلمة قالها عادل امام في فيلم عمارة يعقوب يان .... طبعاً اول ما هقول فيلم يعقوب يان هيخطر ببالكم العسكري والراجل ابو روب احمر هههههههه وسيبتوا الفيلم كلو هههههههه

                  لا بجد في كلمة قالها حزت في نفسيتي. .... ان الموضة كانت بتنزل مصر قبل ما تنزل باريس !!!
                  لكن مايحزني بجد .... اني ملاقيش حاجة عدلة وعليها القيمة في مصر وكل مانقول عاوزين حاجة يقلك ابعت هتها من دبي او الصين. ألله طيب ما اروح اعيش في دبي بقه اذا كل حاجة الانسان محتاجها هيلاقيها هناك .... ياجماعه المصريين شعب نزيه بكل ما تحتويه الكلمة وعلى مستوى سواق توك توك تلاقيه ماشي ومهشتك التوك توك بتاعوا رغم ان سواق التوك توك انسان فقير وغلبان ومش لاقي ياكول بس نزيه ونفسوا يمتع نفسوا بالشيء الي معاه .... حرمونا اننا نركب عربيات عدلة زي العالم والناس على الاقل متحرومناش من متعة اننا ندلع الحاجة الي معانا ونهشتكها .... ده زمان الي كان معاه ١٢٨ ولا بولنيز ولا حتى ريجاتا. كان يقدر يدلعها ويلاقيلها اكسسورات النهرده مفيش خالص .... المصرررين الي اول شعب في العالم كان بيدلع العربيات وبدليل محدش كان بيسمي في العالم كلو. زلموكة ولا تمساحة ولا شبح غير المصريين والعالم ابتدى يسمي على تسمياتهم .... الاند كروزر اسمها في مصر ليلى علوي اللانسر احنا اول من دلعنها واطلقنا عليه الالقاب. من اول عيون صفية للمكوة للكريستالة. والعالم كلوووو دلوقتي بقى يدلع الانسر ويسميها شارك ومشين على منهج المصريين .... غريب لمن الاقي الخليجيين دلوقتي بقوا يدلعوا حتى موبايلاتهم واشي دمعه واشي بندة واحنا لأ .... التكنولوجيا والموضة تنزل عندهم في كل حاجة. وبعد ما تخلص من عندهم وتبقى استوك. .... ساعتها تنزل عندنا

                  انا فاكر زمان وانا بعمل عمرة. اشتريت قلم ليزر ب ٤٥٠ ريال اول ماطلع .... وكنت باجي بيه مصر اول مالناس تعرف انوا ليزر كانو يخافوا لايحرقهم ولا يسببلهم سلطان ههههههههههههه .... ويقلك لأ ارجووووووك متحطهوش عليا .....

                  انا بجد اتحرق دمي لمن شوفت حتت عيل خليجي في الثانوية. معاه عربية هوندا اكورد ونازل منها ومن بعيد بالريموت كنترول قاعد بيرقص العربية. مركب فيها مساعدين هيدروليك وموصلها بالريموت ..... واحنا على مستوى حلية ولا شوية اكسيسورات عدلة مش لاقيييين .... وياريت مسئلت فلوس .... الاصحيح اني ممكن اقول لا خسارة وخليني اوفر للعيال .... والعيال ومدارسهم ودروسهم .... وتلاقيني احرم نفسي علشان خاطرهم بس لمن الاقي حاجة عدلة تشدني. طززززززز في العيال وفي مدارسهم .... بالذات في مجال العربيات واكسسورات العربيات بس المشكلة مش لاقي حاجة عليها القيمة او تشدني في السوق .... ولو لقيت بالصدفه الحاجة دي مش موجودة على مستوى الجمهورية غير عند واحد بس الاقيه. حاطط سعر ليها في السمااااااا بيستغل انك مش هتلاقيها عند حد في مصر كلها غير عندوا ...
                  حتى لو كانت السلعه دي حتت بلاستيكة صغيرة بس لانك عوزها ومش عند حد غيروا. هيعملك فيها فتح ونصبااااا .... فكدا حرام بجد. وهو ده الاحتكار بعينوا والاستغلال !!!
                  [SIGPIC][/SIGPIC]
                  [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

                  Comment


                  • #10
                    للأسف معاك حق كله بيلعب في المضمون لحد ما بقيت حاسس انهم مش محلات اكسسوارات لكن محلات بايعين ع الرصيف كل حاجة دواسات معطرات كسوات ع شوية لمبات و ميداليات كام كاسيت ع كام سماعة و شوية طارات ع لعب بقي محل اكسسوارات
                    يقولك بدل ما اجيب حاجة تقعد عندي لأ انا اجيب اللي كل بيشتري و بيقعد برده عنده هههههههههه
                    و يا ريت ع كده و بس لأ الاسعار غالية يعني ع سبيل المثال تسأل ع كسوة هاند و مقبض فتيس عادية جدااا يقولك 80 ج ؟؟؟؟؟؟؟؟؟؟؟؟؟؟؟ ليه يا جماعة طب ما اجيب انا الخامة و انضف خامة و افصلها و ع ايدي كمان مش هتكلفي 20-30 ج حتي و تطلع زي مانا عايز كمان


                    اللي في المحل يشوف عربية كبييرة اشطة يا معلم يبقي زبون تمام اتفضل يا باشا و يا بيه و شوف و شوف و بعدها ادفع يا معلم مش انت جي بعربية كبييرة و بعد ما الزبون يمشي يفضل يشتم فيه و يقول بيتحدفوا علينا منين دول
                    لو عربية عادية او ع الاد متوسطة ناقص يقولك يلا ياض من هنا معندناش حاجة للبيع و لو باع ممكن يديك بسعر كويس بس استحمل المعاملة اللي زي منظره و يبصلك بقرف و انت ماشي

                    حتي الاستيكرات و الاكسسوارات ياما قديمة قدم التنين ياما ملهاش تلاتين لازمة و متقبلش تحطها ع توك توك و لا عجلة
                    شكل اللي بيطلع بيشوف القطع و يشتريها من برة مش فاهم بتاعت ايه يقولك خليني في اللي اعرفه احسن من اللي معرفوش بدل ما الزبون يقول احبووش

                    يوم ما تلاقي محل من المحلات الكبييرة ابقي قابلني لو اشتريت من الاسعار الغريبة
                    اذا ركبت كمان عندك و احيانا بتكون محطوطة عرض فقط
                    مش للبيع يعني

                    تيجي تدخل محل عشان تتفرج يحسسك أنك داخل تسرق و تتنطط
                    و ينط فوق دماغك طب يا عم الواحد عايز يتفرج براحته يمكن يلاقي حاجة تعجبه و يشتري
                    و لو شافك بتتفرج بس و شكلك مش هتشتري ناقص يطردك و عجبي !!!

                    طب و بعدين و لا قبلين
                    طب و اخرتها زي اولتها


                    طول ما الكلام ده موجود هيفضل ينقرض و محدش هيركب حاجة في عربيته و الي يركب اللي جاي من برة يجيب لنفسه و يرتاح ده اذا عرف يجيب
                    [CENTER][SIGPIC][/SIGPIC]
                    [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                    [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                    [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                    [/CENTER]

                    AXEL سابقا

                    Comment


                    • #11
                      اه واللهي يا اكسل اصبت بالذات في موضوع انك تخش محل اكسسورات ويادوبك جي تتفرج ... يحسسك انك جاي تدلع. او جي تسرق حاجة كده ولا كده وتحطها في جيبك

                      وتيجي تسئلوا دي ايه دي ؟
                      يبصلك كده بقرف ويحسسك انك جاهل .... ويقولك دي بتاعه كده بتركب في العربية ههههههه ... وتبقى عاوز تقولوا لا ياشيخ. افتكرتها ادوات منزلية ههههههههههههه ولا مدرسية ياعم وضح فهمني ايه الحجات دي كلها وبتاعت ايه. تبص تلاقيه بصلك كده وهو بيقول اووووووف لسه هقعد اشرحلوا .... وتلاقيه قام فجئة هب وفز من على الكرسي الي مجعوص عليه. ويقولك ايوووه يابيه نعمممممممم. دي بتاعت كزا كزا وبتركب في كزا ويكلمك وهو متنرفز من جواه وشوية شوية هيقولك. خلاص فهمت يالله عاوز حاجة تانية اتكل على الله بقه وخلينا نشوف اكل عيشنا .... ومش بعيد يزرفك شلوت وانتا ماشي من المحل عندوا وهو بيقولك كتكم القرف زباين اخر زمن. هههههههههههههه

                      [SIGPIC][/SIGPIC]
                      [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

                      Comment


                      • #12
                        المشاركة الأصلية كتبت بواسطة y a r i s مشاهدة المشاركة
                        اه واللهي يا اكسل اصبت بالذات في موضوع انك تخش محل اكسسورات ويادوبك جي تتفرج ... يحسسك انك جاي تدلع. او جي تسرق حاجة كده ولا كده وتحطها في جيبك

                        وتيجي تسئلوا دي ايه دي ؟
                        يبصلك كده بقرف ويحسسك انك جاهل .... ويقولك دي بتاعه كده بتركب في العربية ههههههه ... وتبقى عاوز تقولوا لا ياشيخ. افتكرتها ادوات منزلية ههههههههههههه ولا مدرسية ياعم وضح فهمني ايه الحجات دي كلها وبتاعت ايه. تبص تلاقيه بصلك كده وهو بيقول اووووووف لسه هقعد اشرحلوا .... وتلاقيه قام فجئة هب وفز من على الكرسي الي مجعوص عليه. ويقولك ايوووه يابيه نعمممممممم. دي بتاعت كزا كزا وبتركب في كزا ويكلمك وهو متنرفز من جواه وشوية شوية هيقولك. خلاص فهمت يالله عاوز حاجة تانية اتكل على الله بقه وخلينا نشوف اكل عيشنا .... ومش بعيد يزرفك شلوت وانتا ماشي من المحل عندوا وهو بيقولك كتكم القرف زباين اخر زمن. هههههههههههههه

                        انا لما كنت فقطر تخش اى مول تلاقى الباعي ماليزين و فلبين و كدة مفيش مصرين فبسئل واحد
                        قالى تعالى اوريك المصرى بيعنل اية و الفرق بينة و بين اى ياع تانى
                        دخلنا فرع فودافون هنا الراجل بيكلمك من طرف منخيرة و كلة متسئلة على موبيل يرد بمنتها السخافة تخش اى محلى تانى تلاقى واحده تعد ترغى معاك لما انت تبقى طهقان
                        متعرفش هما بيفكرا فاية
                        ولا اكن مثلا دة اشهر محل و الزباين علية اد كدة فانت مش فارق معاه و تلاقى اصلا المحل بينش
                        حاجة فعلا تقرف
                        ربنا يصلح الحال
                        انما النصر صبر ساعه

                        Comment


                        • #13
                          المشاركة الأصلية كتبت بواسطة y a r i s مشاهدة المشاركة
                          انا بجد الي محزني هيا كلمة قالها عادل امام في فيلم عمارة يعقوب يان .... طبعاً اول ما هقول فيلم يعقوب يان هيخطر ببالكم العسكري والراجل ابو روب احمر هههههههه وسيبتوا الفيلم كلو هههههههه

                          لا بجد في كلمة قالها حزت في نفسيتي. .... ان الموضة كانت بتنزل مصر قبل ما تنزل باريس !!!
                          لكن مايحزني بجد .... اني ملاقيش حاجة عدلة وعليها القيمة في مصر وكل مانقول عاوزين حاجة يقلك ابعت هتها من دبي او الصين. ألله طيب ما اروح اعيش في دبي بقه اذا كل حاجة الانسان محتاجها هيلاقيها هناك .... ياجماعه المصريين شعب نزيه بكل ما تحتويه الكلمة وعلى مستوى سواق توك توك تلاقيه ماشي ومهشتك التوك توك بتاعوا رغم ان سواق التوك توك انسان فقير وغلبان ومش لاقي ياكول بس نزيه ونفسوا يمتع نفسوا بالشيء الي معاه .... حرمونا اننا نركب عربيات عدلة زي العالم والناس على الاقل متحرومناش من متعة اننا ندلع الحاجة الي معانا ونهشتكها .... ده زمان الي كان معاه ١٢٨ ولا بولنيز ولا حتى ريجاتا. كان يقدر يدلعها ويلاقيلها اكسسورات النهرده مفيش خالص .... المصرررين الي اول شعب في العالم كان بيدلع العربيات وبدليل محدش كان بيسمي في العالم كلو. زلموكة ولا تمساحة ولا شبح غير المصريين والعالم ابتدى يسمي على تسمياتهم .... الاند كروزر اسمها في مصر ليلى علوي اللانسر احنا اول من دلعنها واطلقنا عليه الالقاب. من اول عيون صفية للمكوة للكريستالة. والعالم كلوووو دلوقتي بقى يدلع الانسر ويسميها شارك ومشين على منهج المصريين .... غريب لمن الاقي الخليجيين دلوقتي بقوا يدلعوا حتى موبايلاتهم واشي دمعه واشي بندة واحنا لأ .... التكنولوجيا والموضة تنزل عندهم في كل حاجة. وبعد ما تخلص من عندهم وتبقى استوك. .... ساعتها تنزل عندنا

                          انا فاكر زمان وانا بعمل عمرة. اشتريت قلم ليزر ب ٤٥٠ ريال اول ماطلع .... وكنت باجي بيه مصر اول مالناس تعرف انوا ليزر كانو يخافوا لايحرقهم ولا يسببلهم سلطان ههههههههههههه .... ويقلك لأ ارجووووووك متحطهوش عليا .....

                          انا بجد اتحرق دمي لمن شوفت حتت عيل خليجي في الثانوية. معاه عربية هوندا اكورد ونازل منها ومن بعيد بالريموت كنترول قاعد بيرقص العربية. مركب فيها مساعدين هيدروليك وموصلها بالريموت ..... واحنا على مستوى حلية ولا شوية اكسيسورات عدلة مش لاقيييين .... وياريت مسئلت فلوس .... الاصحيح اني ممكن اقول لا خسارة وخليني اوفر للعيال .... والعيال ومدارسهم ودروسهم .... وتلاقيني احرم نفسي علشان خاطرهم بس لمن الاقي حاجة عدلة تشدني. طززززززز في العيال وفي مدارسهم .... بالذات في مجال العربيات واكسسورات العربيات بس المشكلة مش لاقي حاجة عليها القيمة او تشدني في السوق .... ولو لقيت بالصدفه الحاجة دي مش موجودة على مستوى الجمهورية غير عند واحد بس الاقيه. حاطط سعر ليها في السمااااااا بيستغل انك مش هتلاقيها عند حد في مصر كلها غير عندوا ...
                          حتى لو كانت السلعه دي حتت بلاستيكة صغيرة بس لانك عوزها ومش عند حد غيروا. هيعملك فيها فتح ونصبااااا .... فكدا حرام بجد. وهو ده الاحتكار بعينوا والاستغلال !!!
                          كلامك كله حقيقى .......... اكنك قريت الى جوايا

                          Comment


                          • #14
                            هنا التجار بتشتغل فى المضمون يا اما المعطر يالسماعات يا الكاسيتات يا الدوسات000000

                            Comment


                            • #15
                              المشاركة الأصلية كتبت بواسطة y a r i s مشاهدة المشاركة
                              طيب فين ياباشا متنورنا. ... انا بور سعيد كنت بنزلها زمان مخصوص علشان اكول سمك بحري مش بتاع مزارع واشتري منجا وانا مروح من الاسماعلية ملقيتش فيها محلات عليها القيمة للعربيات .... وفي القاهرة. السجان. هو الي بيوزع معطرات وفرش ودوسات على السوق واربكو ولا اشرفكو بيجيب الحجات المميزة للجيب والمارسيدس والب ام .... ومتبقاش غير حمادة غازي او جو اكسيسورس ودول غاليين جداً وبيجيبوا حجاتهم بالقد والطلب من دبي وبرضو مبتلاقيش كل الي انتا عاوزوا وبتشوفوا على النيت

                              ومتبقاش عندك غير خدمة ادفعلي. وموقع اي باي .... وعلشان تشتري قطعة انتا مش شايفها ولا معاينها صعبه شوية ده غير تمن الشحن والجمارك وحتى مكتبت ابراهيم حجاتهم معدودة. واكسسوراتهم محدودة ... ده حتى العجوز او ابراهيم او حكيم في التوفيقية خلاص كل سنة وانتا طيب واحد بيشتغل في الفرش والستار والتاني في النواكل والتالت في الانزار وشغالين على كدة اما انك تلاقي حاجة مميزة او حاجة تشيدك مفيش والكلام ده من قبل الثورة .... ياراجل ياطيب ده على مستوى لباد لكبوت لعربيتك بتنزل تلف عليه مصر كلها وفي النهاية يقلك مفيش
                              غير جو وحماده غزي في ناس كتير بس ال يدور هيلاقي والله يعني مثلا ك مثال الشاهين انتا بتقول ملقتش ليها حاجه انا لقيت ليها فوانيس معدله قدام وورا كل القصه اني تعبت نفسي شويه ودورت هنا وهنا
                              لو ف بالك حاجه معينه وبتدور عليها هتلاقيها بأذن الله يعني انا والحمدلله فاتح محل اكسسوارات التوفيقيه دي والله فيها محلات بتبيع حاجات غريبه ومتتوقعش انك تلاقيها هناك
                              كل ال بعمله اني بتعب نفسي شويه وبخش كل المحلات وعلي فكره انا نزلت التوفيقيه يجي 30 مره مثلا لحد انهرده اقدر اقولك ان ف محلات لسه مدخلتهاش التوفيقيه دي كبيره حدا وفيها محلات كتير اوي
                              وفي ناس ف شبرا ومدينه نصر بردو عندهم حاجات حلوه ومختلفه

                              بورسعيد انا كنت بلف مع واحد من هناك وهوا عارف الدنيا وشوفت حاجات كتير اوي مشوفتهاش ف القاهره وحاجات غريبه
                              انا شايف ان سوق الاكسسوارات حاليا مكفي احتياجات العربيات ال موجوده يعني احنا شعب غلبان عربياتنا لانسر وكورولا وشاهين ولادا والنترا وحاجات علي اد الحال يعني مش كل الشباب ماشي بدودج ولومينا وفيراري عشان التجار يجيب حاجات تتوافق مع العربيات دي
                              وهقولك علي حاجه
                              انا لو مكان تاجر من التجار دول ومثلا هتجيب كونتينر من الصين ومعروض عليك حاجتين انك تملاه حاجات شغاله زي النواكل والمعطرات وهتكسب فيهم 300.000 الف جنيه
                              وانك تملاه حاجات غريبه ومتعرفش اذا كانت هتمشي ف سوق ولا لأ ومكسبها هيكون 100.000 لأنك مش هتقدر تغلي ع زبون صدقني هتختار الاولي واي حد فينا هيعمل كدا
                              [aldl]http://store2.up-00.com/Apr13/Z8L88453.jpg[/aldl]

                              Comment

                              Working...
                              X