بيان بامكانيات كورولا 2013 بالسوق المصرى

[Eng_hatemfathy]

اخوانى فى قسم تويوتا
قد يبدو العنوان غريبا ولكن لم اجد صياغة دقيقة تعبر عما ابحث عنه
فانا اريد معرفة شرائح الكورولا الاتوماتيك فى السوق المصرى وما سقابله من سعر
بمعنى اخر اريد معرفة امكانيات كل مستوى من حيث الضافات التى تميزه من وسائل امان ورفاهية عن المستوى الذى قبله وما يقابله من سعر
ويا حبذا لو اسطاع احد الاخوة عمل مقارنة بين الشارك والكورولا من حيث الامكانيات والسعر
بمعنى اخر الشارك بها بيزك اتوماتيك ثم هاف اسبور ثم فول اسبور ثم هاىلاين
فبرجاء بيان درجات الكورولا واسعارها

[احمد فهمى]

الكرولا فى مصر اوتوماتيك فيها كمليات نفس الموديلات القديمه اليابانى وهى فئتين كامله اوتوماتيك ونظام فرامل مانع انغلاق وزجاج كهربا وسنتر وهاي لين نزيد فتحة سقف جنوط وفوانيس شبوره وريموت دى الكماليات الاساسيه فى حاجات بسيطه زر فرش الشنطه والعزل كانت فى ٢٠١٢ مش عارف ال٢٠١٣ لسه مختلفه ام لا

والشارك نزلت بمحرك جديد ١٦٠٠ ستيب ترونيك وده متقدم عن متور وفتيس الكرولا وهى وجهات نظر الكرولا اوسع واكبر لكن الشارك على الطريق افضل بس مش فرق وهمى يعنى الموضوع زوق المشتري فى النهايه بس كماليات الهاي لين فى الشارك اعلى من الكرولا بكتير فيها سمارت كي وزجاج فاميه وزينزن وفةانيس متحركه

[Unendlich]

امتي المصريين يفهموا إن ستيبترونيك ده مش اخترااااااااع ولا نوع فتيس . الفتيس هو هو ال 4 نقلات العفش بتاع الشارك القديمة و البومة ال 1300 من عصر الهكسوس و اللي اسمه INVECS II و حطوله حتة + و - بدل ال 1 2 3 عشان يفرحوا الناس. الفتيس تحت الكابوت هو هو انما الكونصولة اللي جوه العربية اتغيرت, صباحو تطوير يعني . و نفس الكلام ينطبق على فتيس الكورولا الحالي.
اللي كان سافل بجد كان ال MMT مع الموتور ال Dual VVTi (في ال 2008/09 فقط) و بعد كده رجعوا للمصريين الفتيس العتيق الأوتوماتيك ال 4 نقلات بتاع زمان عشان يريحوا دماغهم. ال 2008/09 كانت بتطرقع لأتخن تخين بما فيهم السيفيك بتاعتي (أخويا كان معاه الكورولا فأنا حافظها و مجربها بما فيه الكفاية) و طبعا الاثنين كانوا بيعملوا ........ على الشارك 1500 بدون ادني مجهود. و مظنش ال 100 سيسي ولا ال 7 حصان الزيادة دول هيخلوها طيارة يعني.
اللي يقولي الشارك شكلها شرس مثلا و عفشتها حلوة مفيش مشاكل, انما تقولي موتور و فتيس ...

[د.محمود صلاح]

الكرولا اللي في مصر ياباني ولا تايواني ؟ زي اللي في عمان

[Eng_hatemfathy]

اخوانى الاعزاء لم ارى سعر واحد يوحد الله ولك ارى مقارنه كاملة لكل فئة على حدة -هل بامكان احد الاحباء ان يقم بهذا ومشكورين جميعا

[feras_elngar]

اتفضل ... الصورة دى من اسبوع من التوكيل

[Invensys2011]

معتقدش انها 142 حصان
دي 1800 اللي 142 حصان
دي كدبة من التوكيل زي لما نزلوا السيفك الجيل التامن و قالوا 140 حصان و طلع كدب و هي 124 حصان

[Ahmod]

انا واحد من اللى كانو مستنين الكورولا 2013 بفارغ الصبر

لان سمعت ان فيها تغيرات وهتنزل بلون جديد

لكن للاسف كان خبر محزن بالنسبة لي انها نفس ال 2012 بدون اي اختلافات نهائيا

وحتى كمان بنفس السعر 168 الاف للهاي لاين

[S O P H O S]

طبعا بعيدا عن ان تويوتا معدلتش الشكل الجديد فمصر
شئ سلبي اكتر عدد الاحصنة المذكور كالعادة
كراي ..