اختراع جديد ولزيز. ياكوووتش ★★★★★★

[Y a r i s]

★★★★★★
اختراع. ياكوتش
جايبلكم النهرده جهاز جديد.
زي الي بينزل في عربيات الكاديلك والبي ام والمرسيدس

الجهاز بمنتهى البساطة صغير بيركب على التابلووووة. وبيقرى سرعة العربية. وبيعكس السرعه على البرفريز .... يعني هو طبعاً الي اخترعوه مش عاوزين عنيك تتطرف او تشيل عينك من على الطريق وتبص في لوحة العدادات ولو فيستوا ثانية .... علشان تركز بس طبعاً هيبقى بالنسبة لنا. حلو في انك لو ركبتوا تحس ان عربيتك فيها تكنولوجيا. وحركات وحجات بتنور من هنا وحجات شغالة من هنا

★★★★★★

ادي صورة الجهاز اهو



زي ما احنا شايفين بتاعه صغيرة كده بتتحط على التابلوة وبتطلع اشعة ليزر على البرفريز

تعالوا نشوف كده ملحقات الجهاز







طبعاً الجهاز تمنو حوالي. ٩٠٠ جنية
بس الجميل في الامر اي تكنولوجيا جديدة واي جهاز جديد الصين مش هتعتقوووا. وتفضل وراه لغايت ما توصل سعروا ل ٢٠٠ جنية او ١٥٠ جنية. .... وتنزل تركبوا عادي في التوفيقية وانتا بتركب انزار وسنتر لوك للعربية
انشالله يكون الجهاز الجديد عجبكم

@@@@@@@@@@@@@@@
وتحياتي

[Y a r i s]

معليش مشتملات الجهاز مطلعيتش






وتحياتي

[graffittiii]

جامد أوي الكلام ده ... عاااش .
.

[tarek_2005]

متهيالي في قطعة بتلصق علي الزجاج الامامي مش كده ولا ايه

[mohdfouda]

طيب موجود فين الجهاز ده ويا ترى تركيبه بياثر على الضمان ولا لأ ؟

والف شكر على الاختراع

[Land_Cruiser]

متهيالي في قطعة بتلصق علي الزجاج الامامي مش كده ولا ايه

+11111
اعتقد كده برضه بالنسبه للجهاز ده و دى بيبقى لونها غامق علشان الليزر بروجكتور يعكس القراءات عليها لانها ممكن ما تبقاش باينه الصبح و الشمس ضاربه فى الزجاج

[mohammedabdallh]

دايما بقول الراجل ده مش سهل
تختفى تختفى وترجع بحكايه كدا

[BESO516]

ياعم ده انا نفسى اخبى العداد من الحاج اما بيركب جنبى واحنا مسافرين عشان السرعه

اقوم مخليهاله ليزر وقدامه عشان يلزقنى جنب الرقم ههههههههه

بس بجد حلوه بصراحه جدا تسلم ايدك

[Ahmed_Adham]

ياعم ده انا نفسى اخبى العداد من الحاج اما بيركب جنبى واحنا مسافرين عشان السرعه

اقوم مخليهاله ليزر وقدامه عشان يلزقنى جنب الرقم ههههههههه

بس بجد حلوه بصراحه جدا تسلم ايدك

حمايا بيعمل معايا كده لكن أبويا مبيتكلمش

طبعا لسه بتاع البي ام والمرسيدس فارق في انه بيقرا حد السرعه من اللوحات اللي على الطريق ويحطهولك على الازاز ودي حاجه لذيذه برضه بس احنا معندناش لوحات أصلا فمش فارقه

[eldell]

اختراااااع جااااااامد بس احنا عايزين حاجه تظهر العداد برقم اقل مثلا 40 كيلو والا حاجه او اكتر شويه مش يجيبلك السرعه بالظبط وياسلام لو الاختراع ده يايارس فيه تحكم يبقى بجد اسطوره

[Y a r i s]

ياااااه فكرتموني بجدي الله يرحموا
كنت بخادوا الله يرحموا بالعربية وبنبقى ماشين على الصحراوي. وابص الاقيه يقلي يا ابني يا حبيبي هدي السرعة شوووية .... احنا مش مستعجليين.... اقولوا يا جدو اهدي ايه بس ده انا ماشي على ٦٠ ههههههههههه.
الله يرحمك ياجدي كان دموا زي العسل

@@@@@@@@@@

اما من حيث الخروج بره الضمان بسبب تركيب الجهاز .... ليه هو في ضمان اساساً .... الضامن ربنا ياباشا .... التوكيل بيقولك ضمان وقال ايه قلبوا عليك وعلى عربيتك وبس يحصل حاجة في العربية. ولا يعرفك .... لا وكمان يحاول يقنعك ان العيب الي في العربية ده تهيئات وعربيتك زي الفل. وتقعد ساعتين تقنع فيه انك مش مجنون ولا بتتخيل. .... يقوم يقولك معليش يمكن لانك اول مره تسوق عربيات في حياتك. .... كانك كنت مهراجة ولسة نازل من الفيل ابو زلومة. من يومين ولمن تطلع رخص عربيات تانية وتفهموا انك مش اول مره تسوق عربية في حياتك .... يبتدي ينقل على الخطوة الرابعه. ويقولك اااااااه انتا قصدك على العيب ده. لا لا اركب ودور ياباشا. عربيتك مفهاش حاجة كل العربيات كده والعيب الي فيها ده طبيعي. انتا بس سمي قبل ما تشغل العربية .... فاطمن ياباشا مفيش ضمان اساساً هتطلع. منوا ... واساساً اساساً خود عندك بقه دي الجهاز ده لسه منزيلش مصر اساساً. هههههههههههه .... وتحياتي

[omaroof]

جهاز يعنى توصيلات كهربائيه وموش شايف فيه جديد غير منظر جوه العربيه
انته كدا كدا لازم تبص على العداد موش عشان السرعه بس لا عشان الحراره والريس والبنزين كل فتره طويله

[S O P H O S]

تسلم الايادي ..

[hany63]

عملت الحركه دي قبل كده
للي معاه نوكيا n8 كمثال فيه برنامج تمنه ٤ جنيه على ovi store يخلي الشاشه تقرا السرعه عن طريق الجي بي اس و عامل رسمة ار بي ام اخصر على احمر و بتتحرك لفوق
الكلام بيكون معكوس عشان لما تحط الموبيل على التابلوه يعكس على البرابريز عدل و الوضوح كان تحفه بالليل و الصبح محتاج تلزق فيلم على مكان الانعكاس بس المشكله الموبيل كان بيتحرك في المطبات

[AHMED_DINAMO]

مشكور يا كبير