----------- ايعقل ؟؟ هذا ؟؟ طب ليه ما ازودش 30 الف واركب جديدة 2013

[S O P H O S]

غاليه جدا طبعا ... بس للأسف الشغل ده من 2002 الى 2007 .... الناس كلها طالبا فيها غالى ... انا لاحظت ده لما كنت مهتم بيها فى وقت من الأوقات

و لما سألت عن السبب كنت بسمع ردود تهلك من الضحك

بس اظرف رد ... واحد قالى اصل تويوتا عملت العربيه دى غلطه و ان مفيش حاجه فيها بتبوظ هههههههه

شعب غريب جدا و الله

ههههههههههه مفيش حاجة فيها بتبوظ
ده علي اساس انها احد مكونات الطبيعة

[S O P H O S]

هو للاسف الموديل دة بيعمل الاسعار دية فعلا في الاقاليم و بشوف اسعار غريبة كورولا 2005 عاملة 30 الف كيلو يقولك 130 الف و بيجيلوا كمان زباين على كدة كمان العيب مش في التجار العيب عللي بيشتري بيبقى خايف يخسر في عربيتة كثير لما ييجي يبعها فبيجروا عالعربيات اللي التجار بيطلبوها
طيب مثلا اية العيب في كورلا الشكل الجديد الياباني اية المشكلة اللي فيها المفروض انها اجدد و احسن مليون مرة من الشكل القديم بس الثقافة بتاعتنا بقى بتمسك في حاجات غريبة
ا

كمان 3 او 4 سنين كل ده هيتغير ان شاء الله

[S O P H O S]

فعلا دة اسمه استهبال رسمى
انا بعت عربيتى 2007 استخدام سنة ونص وعاملة 9000
وبعنها ب115 جاى بعد سبع سنين عايز يبيعها ب125

ومعلش ده كلام من سنة ونص
غير انها 2007 مش 2006

[S O P H O S]

هى التويوتا مرتبطة بسعر الدهب ولا اية :d

طب وليه متقولش ان الذهب هو الي بيتأثر بسعر الكورولا
ههههههههههه

[S O P H O S]

يعني لو عربية تمنها 50 الف مثلا و ماشية 70 الف يديها لاي حد و يدفع فلوس كمان عليها

اكيد مش المقصود
لان لو كده معظم الناس هيبيع ببلاش ..

[S O P H O S]

العربيه في الوقت ده سنه 2006 كانت ب 110 تقريبا علي ما اتذكر (1300)
علقت نمر قول ب 5000
+7 سنين والسنه ب 5000 =35000 جنيه
وسيبك من الكيلو متر لانه مش عالي اوي قول متوسط ال7 كويس فمش ححسبله حاجه اضافيه
يعني المفروض بالعقل ينزل من تمنها بالميت 40000 جنيه يعني يبيعها ب 70000 جنيه
وهو طالب 125 الف
لو كده يبقي تجاره الكورولا افضل من العقارات واغلي واقيم من الدهب واشد من تجاره السلاح كمان :)

http://www.nilemotors.net/nile/images/smilies/shyy.gif

صباح الفل وعيد سعيد احسن :)

عيد سعيد يا باشا
انا متفق معاك بس هنزود 10 الف زيادة علشان السوق
والي بيحصل فيه ودي بردوا اوتو ..

[S O P H O S]

موضوع جميل يا بوحميد
هو السعر الي حاطوا ده سعر ١٦٠٠ .... بس بالظاهر هو شاف سعر الالف وستمية وافتكر ان ده سعر الكورولا في السوق ونسي ان عربيتوا ١٣٠٠ .... وراح منزل سعر كده على هبلوا .... وهتلاقي واحد اهبل. يروح ويشتريها ومش بعيد بكره تلاقي واحد داخل يقول ياجماعه في قدامي كورولا ١٣٠٠ على ١٢٥ الف ايه رايكم هههههههههه يعني بسعر عربية لانسر بومة جديدة

هو بيعتمد انوا هيبيع لناس ماعندهمش خبرة. نهائي في العربيات بس مثلاً نفسوا في عربية كورولا ... انا مش عاوز اقولك كان ليه زميلة واخت فاضلة بشوفلها عربية ، العربية كانت مطربقة من برة واول ما شافت الطالون نضيف انهبلت على العربية وقالت لا لا ده الصالون بتاعها نضيف تبقى عربية نضيفة. ... حتى افتكر قلتلها صالون ايه وانتريه ايه ومطبخ ايه انتي بتشتري عربية ولا بتجهزي عروسة وبتفرشي شقه

ومع الاسف التجار تلاقيهم ماسكين كلمة على طرف لسانهم ويقولك السوق عرض وطلب .... وتبقى عاوز ترد عليه وتقولوا هو السوق عرض وطلب ولا عرض وهبل فسبحان الله. انا نفسي نكافح التجار المستغليين ولو شالوا الجمارك من على العربيات التجار دول مش هيبقى ليهم مكان في السوق خالص

مش عارف انا واحد كل شغلانتوا في الحياة يشتري عربية. بقرش ويروح يبعها بقرشين ده بيفيد المجتمع بااااااايه. ولا ايه لازمتوا في الدنيا انوا بيدي العربية قطنت بوليش وبيلمعها يافرحتي والله ناس عاله على المجتمع

نورتني يا باشا اخيرا عديت علي موضوع ليا
بص عموما حتي لو 1600 انا معاك بس متعديش 110 الف لو فبريكا كسعر شراء
علشان تدي فرصة ل 2007 الي هي اصل السعر عالي زود 5 تلاف ولا اكتر حاجة بسيطة
لان الموديل ده اخره لو عمل ايه وفبريكا و 1600 هيبقي 120 الف اكتر من كده
يبقي ربنا يباركله فيها
وزي ما انت قولت سوق وتجار ويدورا علي الناس الي مش فاهمة اوي
علشان كده عملت الموضوع
علشان محدش يعتقد ان الكورولا عربية غلطة من الشركة ومش بتبوظ
معلش ده الانسان بيبوظ ما بالك بعربية من صنعه هو
وكل سنة وانت طيب وبالف خير يا باشا ..

[Ahmod]

سيبك يا باشا من الاسعار اللى على كونتاكت كارز لان ده كله اي كلام في اي حتة

السوق والواقع بيقول غير كدة

حتى ال 1600 ماتوصلش ل 125 الاف ابدا مهما كانت حالتها

اخرها 115 ولو خدتها من تاجر ومافيش اختها في حالها ممكن توصل 120 وهيبقى برضوا كتير

سيبك من النت وانزل الواقع والسوق هتلاقي الكلام ده مختلف

[Ahmod]

وعلى فكرة فيه تجار كتير بتستغفل الناس

انا مرة كنت رايح مع زميلي معرض عربيات بيشتغل في المستعمل

فقلت من باب المعرفة كدة اشوف عربيتي لو حبيت ابيعها هتجيب كام

مع العلم انها ماشية 35 الاف كيلو - كانت فبريكة سعتها - موديل 2007 اتوماتيك والعربية حالة الدهان بتاعتها من برة كويسة عدا الاكصدام الامامي فقط ومجنطها ولسه مغيرها كاوتش وبطارية وصيانة ومركبلها كاسيت ودي في دي

والحمد لله مافيش فيها مشاكل

فبقوله لو حبيت ابيع العربية دي تعمل كام ؟؟

عارفين قالي كام !!! ؟ لقيته بيعمل رقم خمسة بايده كدة

مافهمتش بقوله خمسة ايه ؟؟؟ قالي خمسين الاف !!!!!

قلتله نعم ؟؟ انت بتهظر ؟ قام ضاحك وقالي مانا بقولك كدة عشان انت تزود حبة اخدها منك على 55 ولا حاجة

والمصحف سعتها كنت هشتمه

-------

بعدها راح مفرجني على جولف Tsi موديل 2010 تقريبا معروضة على 140 الاف

بيقولي ده الجنط اللى فيها ده لوحده معدي ال 8 الاف جنيه

بصيتله كدة وقلتله 8 الاف ايه ؟؟ ده جنط ssw معفن ممكن اروح اجيبهولك جديد باقل من 3 الاف جنيه

راح مقرب للجنط لقى فعلا الجنط مكتوب عليه ssw اتحرج وقالي لا بس برضوا جنط غالي

اللى انا عايز اقوله ان فعلا فيه فئة من الناس بيضحك عليها من التجار لكن ده مش معناه ان سعر الكورولا ال 1300 في السوق 125 الاف !!! ولا حتى ال 1600

[M.FOUAD]

كمان 3 او 4 سنين كل ده هيتغير ان شاء الله

مفيش حاجة بتتغير عندنا لو كانت حاجة بتتغير كانت الناس بطلت تشتري الكورلا الملكة موديللات من 92 ل 97 يعني اجدد موديل فيها بقالة 16 سنة و تلاقي الناس بتتخانق عليها اكثر من الانسر بومة موديل 2004-2005 و صني نفس الموديل بما انهم نفس الشريحة في السعر و سعرها بيوصل لو مش راشة برة 60 الف جنية
رايي اللي عايز يركب و يستريح يركب اللي على مزاجة و اللي عايز يحافظ على فلوسة متخسرش لما يبيع يركب اللي على مزاج التجار

[S O P H O S]

سيبك يا باشا من الاسعار اللى على كونتاكت كارز لان ده كله اي كلام في اي حتة

السوق والواقع بيقول غير كدة

حتى ال 1600 ماتوصلش ل 125 الاف ابدا مهما كانت حالتها

اخرها 115 ولو خدتها من تاجر ومافيش اختها في حالها ممكن توصل 120 وهيبقى برضوا كتير

سيبك من النت وانزل الواقع والسوق هتلاقي الكلام ده مختلف

اكيد يا دكتور مش باخد بيها بس في ناس كتير بتخش وهي مش عارفة اوي
ويتشتري علي السمع انها كذا وكذا
فلما يشوفوا الاسعار دي ويشوفوا عربية زيها وارخص بعشرين الف مثلا ولا اكثر
يقولك دي فرصة وجميلة ..
والحمد الله اني مكنتش معاك والراجل بيقولك خمسين الف
مش عارف كنت هتمالك اعصابي ولا هيكون ردي ايه علي حد بالشكل ده ..

[S O P H O S]

مفيش حاجة بتتغير عندنا لو كانت حاجة بتتغير كانت الناس بطلت تشتري الكورلا الملكة موديللات من 92 ل 97 يعني اجدد موديل فيها بقالة 16 سنة و تلاقي الناس بتتخانق عليها اكثر من الانسر بومة موديل 2004-2005 و صني نفس الموديل بما انهم نفس الشريحة في السعر و سعرها بيوصل لو مش راشة برة 60 الف جنية
رايي اللي عايز يركب و يستريح يركب اللي على مزاجة و اللي عايز يحافظ على فلوسة متخسرش لما يبيع يركب اللي على مزاج التجار

+11111111
معاك بص لما سعر ال 2010 و 2011 ساعاتها يبقي كويس جدا
هينزل سعر الشكل القديم
الا لو الشعب جاله صدمة فالعربية انها كنز لا يقدر بثمن ..

[S O P H O S]

يا باشا دة سعر سوق غابت عنه آليات تسعير عادلة وموضوعية
طب مانت عندك عربيات كتير اوي تسعيرها بيحدده التجار بناء علي وهم بيعيشوه ومعلومات كلها خاطئة اما أكاذيب بيخترعوها او اشاعات بيطلقوها

انا مش هذكر انواع علشان محدش يزعل مني
لكن احنا عندنا في مصر امثلة كتيرة علي تخلف ثقافة الشعب وتجار معدومين الضمير بيتحكموا في السوق

+11111111
عندك حق فكل كلمة يا استاذ سيد والله ..

[S O P H O S]

يا عم ده هبل و تخلف و ربنا ... اشتري عربية مستعملة من 7 سنين و كمان 1300 بالسعر ده ... و الله الواحد لو مكنش في منتدى محترم كان شتم !!

هههههههههههه
هدي نفسك يا باشا

[S O P H O S]

نيو اكسنت 2008 وبيبقى طالب 73 الف !
وهى كانت زيرو سنتها بـ 80 !

عمرك شفت عربية سعرها بينزل 1750 جنيه بس في السنة !


سوق غبى وبلد اغبى وحسبى الله ونعم الوكيل ، وكل سنة وانت طيب :d

وانت طيب يا باشا نورت
وكمان انا بشوف حاليا جيتز مانيوال وب 70 الف وموديل 2008 الي 2010
انهي منطق ده !!!!