㋡◢ ◣ كورولا ٢٠١٠ متزبطة !!! ㋡◢ ◣

[AHMED_DINAMO]

صور جميله فعلا تسلم ايدك

شكراً يا عمر باشا

[hany63]

هههههههههههههه

فكرتني بالعيد. ... انا واحد من الناس بحب احتفل بالعيد بعد مايخلص .... حتى لبس العيد بتاع العيال بجبهلهم بعد العيد باسبوع علشان نقدر ننقي ونعرف نقيس براحتنا .... لازن زي مانتوا عارفين الدنيا بتبقى زحمة موووت قبل العيد ....

هو صحيح انك بتروح علشان تجيب مقاس معين ويقلك معليش خلصت وكانت اخر قطعة وانباعت قبل العيد بس احسن اهو توفير للفلوس برضو ههههههه

اما الحدائق والملاهي والمنتزهات .... مبقتش لينا خلاص ... هتلاقي اشكال مايعلم بيها الا الله ماليه الدنيا ... وشوية عيال شمامة ومش متربية طالعة من غير اهاليها .... احنا محتاجين بجد اماكن للعائلات فقط

انتا النهردة تعالة روح اي حديقة ولا اي منتزه هتلاقي مستوى سواقين التوك توك قاعدين جمبك .... زي مره خدت العيال وطلعت الازهر بارك ... لقيتها تحولت من ازهر بارك لجنينة الحيونات هههه وكل واحد جايب كاسيت قاد كده ومشغل اغاني وقاعد على يمينك .... وواحد تاني قاعد قدامك وجايب راديو ترنزيستر ومشغل ام كلثوم ... الي ورى قفايا بقة قاعد هو ومراتوا ومطلعه موبايل صيني ابو سمعات جامده ومشغل اغاني هبطة لعمر دياب ومحمد منير والكلام ده. الي قاعد بقه على الشمال خالص ده معجبهوش الكلام ده كلو قام مطلع موبايلوا ومشغل احمد العجمي قران. وكل ده واحنا قاعدين على النجيلة عن البحيرة. وسط الشجر والزهور والمناظر الطبيعية ...

كان الواحد طالع للطبيعة والمنتزهات ومحتاج دووووووشة وازعاج .... وكل ده تبقى قاعد انتا ومراتك وعيالك وانتا عاصر على مناخيرك بصلة. وواكل جزمتيةجوا بوقي وساكت .... شوية عيال جاين لوحدهم وجايبين معاهم كورة .... خلاص حبكت يعملوا الدوري بتاعهم دوري الناشئين جمب الناس الي قاعدة وكل شوية هيله هوووووب وتلاقي الكورة ديب في دماغك .... ( احنا متاسفين ياعمو ) تديهم الكورة. هيلة هوووووووب ديييييب وتلاقي الكورة جيت في دماغ عيالك ولا مراتك. وبرضو احنا متاسفين ياعمو. .... هيلة هوووووووب. وتبص تلاقي الكورة جت في ترمس الشاي والاكل بس المره دي الكورة مش بتاعتهم الكورة بتاعت الفريق التاني. الدوري فوق الممتاز ههههههه

فتقوم. وتنقل مكان تاني انشالله حتى اخر الجنينة .... فتلاقي الناس الي جايبة معاها كاسيتات يحسوا ان كاسيتتهم في خطر .... ويقولوا لبعضيهم ماتيجي نقوم احنا كمان ونروح نقعد جمب الناس الي قامت دي علشان الكورة متجيش فينا ... ويجيبوا كاسيتتهم وازعاجهم وفرشتهم وزبالتهم ويجيوو ورانا هههههههههههه

طبعاً انتا ساعتها تنفجر بقة وتقول يالله بينا نمشي ... خلاص انا معدتش قااادر استحمل
وتلاقي عيالك ليه بس يابابا خلينا كمان شوووية. والنبي يا بابا والنبي يا بابا .... طبعاً انتا تزعق وتقول لا هنمشي يعني هنمشي. وتلاقيهم ماشين وهما نفسهم مكسورة وبيعيطو. وتطلع بره لعرب وتنشل من هووول المنظر. ده !!!

عرررررررررررررررربيتي ايه دددددددددده هطلعها ازاي دلوقتي
وتلاقي العيال هايه هايه هنرجع تاني وحاجة اخر قرف وحرقت دام ياراجل
هههههههههه. قال عيد قال

ولو انه خروج عن الموضوع انما المشكله بتتلخص في الزحمه و ان ما فيش حد بيحترم خصوصيتك اللي بيغلس و سوري اللي بيبحلق في المدام و الاولاد مش واخده راحتها عشان الصيع ماشيين بدراعهم
خد بقى النصيحه دي و اعمل بيها و اوعدك هتفضل تقول الله يمسيك بالخير يا هاني ياخويا
عايز تستمتع في البلد دي اعمل عكس الناس عشان تتجنب النقطتين اللي قلت عليهم
طب ازاي
مثلا الشعب المصري متعود يأنتخ يوم الاجازه و يقوم بالعافيه قبل الصلاه و يروح في الاخر
تقوم حضرتك تصحى بدري في ميعادك بتاع الشغل و تعمل زياراتك او مشاويرك و تستمتع بشوارع القاهره سنة 1930

في المصيف مثلا باصحى بدري اروح البحر او البسين الساعه 9 الصبح و امشي على 12 يكون الناس لسه بتصحى و اخرج اروح الكافيه الساعه 6 تكون الناس لسه ما رجعتش من البحر و هكذا

عارف انا عملت ايه في اجازة العيد

رحت الساحل الشمالي و تقريبا مكنش فيه في المنتجع الا العبد لله و كل حاجه قفله كأني رحت الصحرا طبعا هتقول حاجه ممله اقول لك قضينا الوقت في ايه
1-تمشيه على البحر
2-لعب تنس مع الاولاد
3-تصوير مناظر طبيعيه
4-خروج يوميا لداون تاون و السهر في احلى كازينوهات مش موجود ريحتها في مصر

[AHMED_DINAMO]

[abdalla2000]

جميل تسلم ايدك شكله تعديل خليجى

[S O P H O S]

صور جميلة يا احمد باشا
تسلم ايدك ..