تويوتا تتفوق وتسبق فورد موستينج ★ ☆ ★ ☆ فيديو

[Y a r i s]

Toyota Aurion vs Ford Mustang / اوريون vs موستنج
الي مش مصدق ان تويوتا هيا الاقوى بمواتيرها وعزمها اتفضل شوف الفيديو
ده وصدق بنفسك عربية صالون اورين سته اسليندر بتسبق سيارة السباق الشهيرة
فورد موستينج

[youtube]http://www.youtube.com/watch?v=1lu1OVrfNg8&sns=em[/youtube]

[Y a r i s]

تسارع الاوريين. من صفر - ٢٠٠ كيلو. في عدة ثواني

[youtube]http://www.youtube.com/watch?v=FaMto8PlTZ4&sns=em[/youtube]

[horas3000]

حضرتك الموستنج في منها 6 سلندر و 8 سلندر
و ال 6 سلندر دي معروف عنها انها كتيانه و ملهاش لازمه و معموله للي معوش فلوس ال v8

و اقرا الكومنتات علي الفيديو و انت تعرف

[Y a r i s]

حبيب قلبي يا غالي
حتى لو افترضنا انها ست سليندر طيب ماهو الاورين كمان. سته سليندر ... مع فارق ان الموستينج عربية رياضية. وبتاخود منشطات بس الاورين ياعيني. عربية عائلية وهما يادوبك بوقين بانزين بتشربهم على معلقة عسل ابيض ( زيت موبيل ون ) ولا ايه ؟
ههههه. وتحياتي

[rehab702001]

معلومة هامة شكرا لك اخي الكريم

[yasserelsayad]

مش باينة هنا يعنى

‫اوريون vs تشارجر vs جينيس‬‎ - YouTube

[Y a r i s]

عادي ياباشا .... ده اكيد السواق وهو بيتسابق كان فاتح الشباك ففي نموسة طارت ودخلت في عينوا هههههههه عادي. يعني

[S O P H O S]

هههههههههههههه
طول عمر تويوتا كده فعلا تستحق الثقة
ده اقل حاجة
تســـــــــــــلـــم ..

[Motaz.Habib]

انا معترض و محدش يسئلنى لية انا معترض و خلاص

[S O P H O S]

انا معترض و محدش يسئلنى لية انا معترض و خلاص

يا باشا انت تعترض براحتك احنا فاتحين القسم ده مخصوص علشان نعترض

[horas3000]

حبيب قلبي يا غالي
حتى لو افترضنا انها ست سليندر طيب ماهو الاورين كمان. سته سليندر ... مع فارق ان الموستينج عربية رياضية. وبتاخود منشطات بس الاورين ياعيني. عربية عائلية وهما يادوبك بوقين بانزين بتشربهم على معلقة عسل ابيض ( زيت موبيل ون ) ولا ايه ؟
ههههه. وتحياتي

هههههه حلوه بتاخد منشطات دي
بس برضه
خد مني

الموستينج اللي الفيديو دي الموديل القديم اللي نزل من 2005-2009
و ده اصلا كان عار علي الشركه
المتور ال v6 قوته 210 حصان بس و ال v8 قوته 300 حصان بس و وزن العربيه 1560 كيلو
بالمقارنه بقي الاوريون اللي في الفيديو دي الفيس لفت و دي نزلت في 2011 و قوتها 265 حصان و ووزنها 1625 كيلو

يعني بالارقام كده النتيجه اللي في الفيديو دي طبيعيه جدا و كتر خير الموستينج كمان حتي لو v8 لان في فرق في الموديل

و من اول 2010 الموستنج الجديده اختلفت و المتور ال v6 بقي 309 حصان و ال v8 بقي 418 و الفضل في ده يعود للسباق المحتدم بينها و بين الكمارو اللي مكاتنتش موجوده في 2005 لما فورد اعادت احياء الموستينج فمكانش في داعي للافترا في قوه المواتير
و طبعا الموديل ده لو دخل للاوريون هيعلم عليه رايح جاي

و سيبك انت بقي من كللللللل ده
في حاجه تانيه غير ملموسه اسمها متعة القياده
و اسمحلي و مع كل احترامي للتويوتا دي اخر حاجه بتميز عربياتها
علي عكس الموستينج اللي علي الرغم من ادائها الضايع لكن كانت بترسم ابتسامه علي وجه صاحبها

[Y a r i s]

معاك حق ياباشا ... الموستينج مش بس بترسم ابتسامه علي بيسوقها
لا دي بترسم ابتسامة ليه شخصياً وانا من بعيد بتفرج عليها بنت اللذينة. عليها طلة .... وهيبة فظيعة تفتقر ليها تويوتا
بس عامةً تويوتا برضو مبعديتش عن منافسة الموستينج والكومارو ولحقت نفسها. ونزلت الاف تي



دي مش بس هترسم ابتسامة. . لالا لا. دي هتزغزغ كده الي بيسوقها وتداعب مشاعروا ... وتحرك خزان الاندراليين الي بيجري في عروقوا ....



انتا لو تفتكر ياباشا تويوتا سيلكا بتاعت زمان الي كان بيوصل عدادات السرعة ل ٣٢٠ كيلو
وكانت بتستخدم في عربيات الحرس والاسعافات لسباقات الفورميلا ١
في وقت الي كانت موستينج فاشلة فشل ذريع وكنا بنسميها صوت من غير عزم حلاوت الموستينج انو بيديك صووت وشوو عالي. الناس تقول يانهر ازرق حصل ايه .... وتلاقي عجل الموستينج يقعد يلف في مكانو وعفار وغبار. ولسه الموستينج وقفه في مكانها متحركيتش بهلاف تويوتا. الي العربية تطيرررر الاول وبعدين تسمع صوتها .... نفس فكرة الي يشوف البرق وبعدين يسمع صوت الرعد ... وتحياتي ليك يا غالي

[dr.hazem]

لا لحد هنا وكفاية...
ههههههههههه
ياراجل شوف بقية الفيديوهات الريليتد وانت تعرف ان الاوريون دي حشره جنب الموستنج... ده كفاية اسمها اللي عامل زي اسم بسكوت اوريو
ههههههههههههههههه
انا عايز اقولك اني وانا في السعودية قلت ايه العربية الهجين دي
كامري على افالون على لكزس تضربهم في الخلاط تطلع الاوريون دي..
ههههههههههه
اتفرج على بقية الفيديوهات ومتتخيلش ابدا ان تويوتا هتتفوق على فورد....
تحياتي

Sent from my LT18i using Forum Runner

[horas3000]

معاك حق ياباشا ... الموستينج مش بس بترسم ابتسامه علي بيسوقها
لا دي بترسم ابتسامة ليه شخصياً وانا من بعيد بتفرج عليها بنت اللذينة. عليها طلة .... وهيبة فظيعة تفتقر ليها تويوتا
بس عامةً تويوتا برضو مبعديتش عن منافسة الموستينج والكومارو ولحقت نفسها. ونزلت الاف تي



دي مش بس هترسم ابتسامة. . لالا لا. دي هتزغزغ كده الي بيسوقها وتداعب مشاعروا ... وتحرك خزان الاندراليين الي بيجري في عروقوا ....



انتا لو تفتكر ياباشا تويوتا سيلكا بتاعت زمان الي كان بيوصل عدادات السرعة ل ٣٢٠ كيلو
وكانت بتستخدم في عربيات الحرس والاسعافات لسباقات الفورميلا ١
في وقت الي كانت موستينج فاشلة فشل ذريع وكنا بنسميها صوت من غير عزم حلاوت الموستينج انو بيديك صووت وشوو عالي. الناس تقول يانهر ازرق حصل ايه .... وتلاقي عجل الموستينج يقعد يلف في مكانو وعفار وغبار. ولسه الموستينج وقفه في مكانها متحركيتش بهلاف تويوتا. الي العربية تطيرررر الاول وبعدين تسمع صوتها .... نفس فكرة الي يشوف البرق وبعدين يسمع صوت الرعد ... وتحياتي ليك يا غالي

تمام يا زعيم
متفق معاك ان ال ft بتوفر متعه عاليه في السواقه
و كل الريفيوهات بتقول كده
بس صعب تنافس الموستينج و الكمارو
ده اصلا بتنزل 4 سلندر 200 حصان بس

و علي فكره لولا انها مشروع مشترك مع سوبارو معتقدش انها كانت هطلع كده

و مش السيلكا يا باشا اللي كانت بتجيب ال 320
انت قصدك علي السوبرا و ده اسطوره من الاساطير اليابانيه في فتره عزهم في التسعينات
اما السيليكا فدي زي ال ft علي قدها كده

و زي ما تويوتا عندها السوبرا فورد برضه عندها الشيلبي و ال GT40

[Y a r i s]

معاك حق ياباشا ... بس متنساش برضوا ان تويوتا صاحبة شركة سوباروا زي ماهيا صاحبة شركة ديهاتسوا ... لان زي ماحضرتك. عارف تويوتا عاوزة تكوش على كل مصانع السيارات اليابانية في اليابان والاستفادة بعقولهم في التطوير والمبيعات .... وتحياتي ليك يا غالي