ميكانيكي تويوتا بالاسكندرية

[arakysolom]

السلام عليكم و رحمة الله و بركاته
هل الكورولا 2002 محتاجة ميكانيكي متخصص ولا اي ميكانيكي ؟
انا من اسكندرية و معرفش حد متخصص تويوتا
هو في كام حاجة مقلقاني في العربية
1-لما بدوس فرامل و انا ماشي بالعربة بحس برعشة في الدواسة قوية
2-في صوت صفارة بسمعة مع التكييف و احيانا لما بدوس بنزين و التكييف مش شغال
3-لما بعدي مزلقان ولا مطب بلدي الدركسيون بيتحرك او بيرعش في ايدي
4- العربية في اول الدوارة بيطلع منها عادم ريحته قوية و بحس بيه و انا قاعد جوه العربية بس طبعا الزجاج بيكون مفتوح

[gomangy]

متابع باهتمام ويارب حد من اخواانه التيوتاويه يعرض علينا حد

[S O P H O S]

حضرتك قبل الميكانيكي قولت ليك قبل كده اعمل بعض الحاجات الضرورية
زي تربيط العفشة والترصيص وظبط الزوايا ونفس الوقت تكشف علي العفشة بالمرة وتعرف ايه الي عاوز يتغير
الحاجات البسيطة دي تظبط معاك العربية كتير فشكواك ونفس الوقت لو في مشكلة هتبان بسهولة
تحياتي ..

[omaroof]

اخى العزيز فيه مكانيكى متخصص متسوبيشى وممتاز وتعاملت معاه فى اكثر من عربيه
اسمه المهندس خالد هوا موجود فى العجمى الهانوفيل اول شارع الهانوفيل على اليمين فى جامع كبير هو فى الشارع بتاع الجامع حتلاقى علامة الميتسوبيشى على المحل
بس بصراحه امين وشغله ممتاز