كرولا ليه - كريم منير

[Karim_Monir]

شكرا يا نادر علي مجاملتك
بالنسبة للافنزا حتي في التوكيل مش عاجباهم
وبيقولو ازاي تويوتا ايجيبت تجيب حاجة زي دي
تقيلها وحش قوي فعلا
اندونيسي اندونيسي

[Abonora]

فعلا الافانزا انا شوفتها في المعرض متتخيرش عن تقفيل الميكروباص التويوتا وان كان الميركوباص افضل كميكانيكا وعفشة عشان كده انا شايف ان الماتريكس وطبعا الماتيرا برقابتها وحرام يتحط عليها علامة تويوتا

اما بخصوص اختيارك فربنا يباركلك فيها يارب ويسعدك بيها انت واولادك بس بدام وصلت بيك انك تتكلم عن اختيارك ليها بكل القناعة ديه فاسمحلي احمرلك عنيا واقولك انت انشقيت عن نادي الكيا ونزلت من اعالى درجات الكيا لاوائل درجات التويوتا وده يخليك مهدر دمك

بجد يا كيمو انت فاتتك السوبارو شكل واداء وتكنولوجيا ومتعة وانا عارف انك بتحب الاداء والشكل الرياضي مش عارف ايه اللي خلاك تعمل الجريمة ديه الله يسامحك يا حفناوي بقي


تم التعديل بواسطتي
كريم منير

[Karim_Monir]

يا ابو نانا لما تركب الكرولا هاتحس باحساس تاني خالص
وبعدين هو ميمو كان بيزن زي بنتك اه
بس لو مكنتش مقتنع عمري ما كنت هاجيبها
لكن سوبارو عمري مهاسلم رقبتي ومفاتيح جيوبي لابو غالي ابدا
رغم اني منبهر بادائها لكن تجميعها اول وتاني وتالت وحش
بس ثبات تحفة
وانا لو عايز نفس الثبات في الكرولا سوستيتن كوني اصلي مع طقم جنوط 15 وانساها
لكن في ميزة تاني قوي حسيتها في الكرولا
واسعة بطريقة بشعة صالون وشنطة
وحاجتها ايه-صيني وتايواني وياباني وافريقاني
من غير ما حد يتحكم فيك
وانا بغير زيت الالف لقيت 5 انواع فلاتر
يعني معاك هاتركب ممعكش هاتركب
الي جانب العمر الافتارضي وسعر اعادة البيع خاصة انك عارف اني مجنون تغيير

ربنا يرزقك كدة بقرشين جامدين ونشوف نطتط الجاي بعد العيل التاني هاتكون كرولا ولا ماتيريا
ولا سوبارو او النترا :)

[Abonora]

بص يا كيمو احنا متفقين ان عربية معادلة بين احتياجات وامكانيات واكيد انت احتياجاتك الاسرية دلوقتي مختلفة بس من واقع معرفتى الشخصية بيك اخر حاجة كنت اتوقعها التويوتا كنت متخيل انك تجيب السوبارو او الوجا يعني حاجة عفيه واداء رياضي بس بدام انت مقتنع يبقي خلاص ده احسن اختيار وبصراحة انا كمان مقتنع بموضوع التوكيل وقطع الغيار لانهم لاغناء عنهم في ظروفنا ديه