مشكلة فى كورولا ٩٩

[enghassan]

السلام عليكم ورحمة الله وبركاته


انا عندى مشكلة مش عارف هيا كبيرة ولا صغيرة اول حاجة عندى الذراع بتاع فتح الشنطة اتكسر اللى تحت كرسي السواق ومش عارف ده بيتصلح فين وعند مين وبيتغير ولا يتجاب جديد ولا ايه حكايته مش عارف ؟؟؟

تانى حاجة عندى ذراع التنك من جوه شغال تمام بس التنك نفسوا مافيهاااش سوسته فلما برفع الذراع التنك مش بيفتح الا لما بتاع البنزينة يضغط عليه عشان يفتح دى برضه مش عارف ممكن اصلحها فين وعند مين ؟؟؟؟

وشكرآ :) معلش عامل ازعاج انا

[S O P H O S]

لا مفيش اي شئ
اول شئ حضرتك متأكد ان الدارع اتكسر من جوا ولا السلك اتقطع
لو اتكسر اسئل عليه عند قطع الغيار ولو حتي مستعمل لو مفيش مفيش غير حل يدوي وتحاول تلحمه بنفسك
تاني شئ شوف السوسته الي ناقصه بتتباع لا مكنش اشتريها كاملة
معلش هي مش حلول اكيدة
بس اصل الحاجات دي نادرة جدا انها تحصل ..

[enghassan]

الذراع اتكسر اكيد مش السلك

مافيش حد معين اشوف عنده الحاجات دى ؟؟؟ وهل الذراع بيتركب مكانه واحد تانى عادى ؟؟

[S O P H O S]

اعتقد عند اي محل اكسوارات كبير لتويوتا
مش عارف ده يكون فشارع دمشق ولا لا بصراحة
شوف راي الاخوة بردوا ممكن يكون بيتباع فين بالتحديد

[ahmed.zahra]

اسأل على الحاجات دي في مركز معتمد لتويوتا لو مفيش شوف الاستيراد لو ملقتش شوف حد بتاع تصليح الأبواب و هو حيتصرفلك

[Transhat]

روح للتوكيل و اسأل عن القطع و ممكن تركبها على كام مثلاً و هما هايقلولك و لو غاليه اعرف اساميها و اشتريها من بره

[BLOODY_STONE]

انزل الحرفيين و خلص عالطول .. هات دراع استعمال من اي عربية و ريح دماغك

[Ahmod]

هي مشاكل غريبة حبتين

ممكن تروح لبتاع ابواب شاطر يشوفهالك

لو مش كدة يبقى عليك وعلى الحرفيين

[Ahmed Galal]

بالنسبة للفبرة البلاستك اللى تحت الكرسى اللى بتفتح منها الشنطة هاتجيبها استيراد من الحرفيين و ديه مشبوك فيها الوير اللى بيفتح الشنطة و ديه بتركب على بعضها بمسامير يعنى فك و ركب و انت واقف و ممكن اللى يبيعهالك يركبهالك اما بالنسبة للتنك فيه حتة سوستة صاج فيه ديه لو مش موجودة بردك هاتجيبها من بتوع الاستيراد لو مرضاش يديهالك لوحدها اشترى غطا التانك كله مش هاتلاقيه غالى و خليه عندك احتياطى و بردك تركيبها سهل اما لو كانت موجودة ابقا شدها لبرة شوية عشان تفتح التانك على طول لما تشد الوير