ماهي انسب طريقة لغسيل (الشاسية ) !

[Y a r i s]

مساء الخير على الجميع



ايه انسب طريقة واحسن طريقة لغسيل الشاسية ... هل
١- يتم غسلة بالفوم
٢- يتم غسل بالجاز او السولر
٣- بضغط الماء فقط

@@@@@@@@@@@@@@

وهل بترش الشاسية بتاعك. بالزيت المحروك للحفاظ على الشاسية ولا لأ

@@@@@@@@@@
وتحياتي

[amrelsaqqa]

اعتقد الفوم افضل حاجة
بس بالمية شغال ولازم العربية تتغسل من تحت مرتين مرة في اول الشتاء ومرة في اخره على الاقل والافضل العربية تتغسل بعد كل فترة امطار او بعد الدخول في اماكن موحلة عشان العربية ما تلمش طينة رطبة وتعمل برومة في الشاسيه والعفشة بس بشرط العربية تبقى في مكان جيد التهوية ، مش اغسلها وبعدين اركنها في الجراج شهر ، كدة غلط جدا


موضوع الزيت ده ماعرفوش الصراحة ، بس الزيت والجاز هيلموا تراب ودى هتعمل مشكلة برضه

تتغسل بالمية وخلاص :d

[ganash]

بضغط الماء وبعدين مشوار كويس علشان ينشف بواقى الميه

[drmagieed]

طالما الشاسية من تحت معزول بالبوتامين يبقي ضغط مياه فقط ... ومن آن لأخر بأشيك علي طبقة البوتامين وأجددها بالإسبراي الموجود في السوق!!!

[Ayman-Ahmed]

بالنسبة لى :

بقالى فترة (سنتين تقريبا) بغسل العربية كل2-3 شهر بغسل العربية بزيت موتور نضيف مضاف اليه سولار وبعدين مياه وفوم ولو دخلت فى طينة او مياه صرف بغسل بمياه وفوم بس.

سوأل هو اسبراى البوتامين نوعه ايه المتجرب وسعره كام ولو امكن صورة للعلبة.؟

[S O P H O S]

بسيب التراب والميه والحجارة تغسله افضله
كل ده فالشوارع عندنا وبلاش
مفيش افضـــــــــل من الطبيعــــــــة يا عزيزي ..

[Y a r i s]

مشكلة بجد
انا كنت دايما بغسل الشاسية بمية وفوم ... بس بعد كده لقيت جلب المساعدين نشفت وبقت تزيق ... وعندنا في التويوتا الجلب ما بتتبعش لوحدها المساعد كلو على بعضوا على طول

ولمن تسيب الطينة والوحلة على الشاسية متتصوروش مع مر الوقت البرومة بتسرح ازاي ... لان معروف ان الطين والطمي ليه قدرة عالية على امتصاص ... اكبر كمية من المية. واكمن انها لازقة في الشاسية من تحت فهيبقى الشاسية مبلوول طول الوقت طول مافي طينة ووحلة ... انا عارف اننا بنتكلم في وضع استثنائي ويمكن لو واحد مايعرفش شوارع مصر هيقول ايه الهبل الي الناس دي بتتكلم فيه طيب ايه ووحلة ايه بس هو ده الواقع مع الاسف. احنا لسه عندنا ناس بتوقف قدام بيتها. وماسك الخرطوم ورش روش روش .... وتكون حضرتك جي من مشوار والطنابير والشاسية سخنين واول ما تعدي قدام بيتهم بتسمع صوت فيشششششششش وبخار مية طالع من تحت كده ... لذلك في احدى المنتديات الخليجية الي انا عضو فيها بسئل واحد بقولوا انتوا بتغيروا طنابير في اليارس كل قد ايه قالي يعني ايه طنابير ههههههه هوبات البريكات عندهم بتتسنفر وبتبقى مرايا وزي الفل مش زي عندنا تلاقي الطنبورة اتلوووحة كدة

حتى الغريب البارومة عندهم بتيجي من السقف نتيجة الرطوبة احنا عندنا بتيجي في الشاسية

فنحن امام مئزق دستوري. الان نغسل العربية بيستم او شاسية ولا منغسلش ... وبسبب المئزق الدستوري ده قلت اعرض الموضوع للاستفتاء على الشعب هههههههههه. وتحياتي

[drmagieed]

بالنسبة لى :

بقالى فترة (سنتين تقريبا) بغسل العربية كل2-3 شهر بغسل العربية بزيت موتور نضيف مضاف اليه سولار وبعدين مياه وفوم ولو دخلت فى طينة او مياه صرف بغسل بمياه وفوم بس.

سوأل هو اسبراى البوتامين نوعه ايه المتجرب وسعره كام ولو امكن صورة للعلبة.؟

فية ليكوي مولي وفي SK والإثنين حلوين


SK سعرة 20 جنية
ليكوي مولي تقريبا 35 جنية

[Ayman-Ahmed]

فية ليكوي مولي وفي sk والإثنين حلوين


sk سعرة 20 جنية
ليكوي مولي تقريبا 35 جنية

الله يباركلك يا افندم ومشكور على المساعدة.ومعلش هل ده بيترش على اى جزء فى الشاسية والعتب واسيبه ينشف وبعد كدة انزل العربية ؟ ولا ارشه وانزل العربية واتحرك علطول.؟

[akmm]

بغسل بالماء والفوم وبعديه الماء كل دخله شتاء وصيف ورجوع من المصيف لازاله طبقه الرمل المالح من اسفل السياره . ودمتم .

[hopeless20]

انا اخر مره وديتها بنزينه وطنيه ... غسيل الشاسيه ب 20 جنيه بالماء والفوم ... وبعد ما خلصت قالي ممكن يشحم العفشه ب 30 جنيه

بصراحه انا حسيت انه اضحك عليا في موضوع التشحيم ده
لانه جاب بتاعه عامله زي المزيته .. ورش ع المساعدين والعفشه من تحت ماده عامله زي الزيت لونها رمادي كده
ولان الشاسيه كان مبلول تحس ان الزيت ده اتزحلق من الشاسيه

بالنسبه للبلوتين ده ايه ؟
هو تحت الرفرف في الياريس في ماده سودا شبه المطاط شويه .. وفيها حتت عندي متشاله .. تحسها مقطوعه من بهدله الطريق
دي ليها علاج ؟

[Y a r i s]

انا اخر مره وديتها بنزينه وطنيه ... غسيل الشاسيه ب 20 جنيه بالماء والفوم ... وبعد ما خلصت قالي ممكن يشحم العفشه ب 30 جنيه

بصراحه انا حسيت انه اضحك عليا في موضوع التشحيم ده
لانه جاب بتاعه عامله زي المزيته .. ورش ع المساعدين والعفشه من تحت ماده عامله زي الزيت لونها رمادي كده
ولان الشاسيه كان مبلول تحس ان الزيت ده اتزحلق من الشاسيه

بالنسبه للبلوتين ده ايه ؟
هو تحت الرفرف في الياريس في ماده سودا شبه المطاط شويه .. وفيها حتت عندي متشاله .. تحسها مقطوعه من بهدله الطريق
دي ليها علاج ؟

كل حاجة في العربية ليها علاج طبعاً
بس انتا قصدك على الكارتيرة مش كده !

[hopeless20]

كل حاجة في العربية ليها علاج طبعاً
بس انتا قصدك على الكارتيرة مش كده !

لا انا عارف الكارتيره .. انا اقصد الرفرف نفسوا من تحت ... شاسيه العربيه نفسوا من عند العجل اللي ورا .. فيه حاجه زي المطاط كده .. يعني مش الحديد علطول

[ahmedyaris]

مظبوط انا شفت نفس الشئ ده وما كنتش فاهم ده ايه والغريب انه بيتشقق مع الوقت ممكن الفوم ده يكون حل تقريبا لان اللى احنا شوفناه فى العربيه ده نوع من انواع ال rubber واللى مكتوب على العلبه rubber coating يعنى نفس الغرض يعنى ممكن نرش على الاماكن الفاضيه دى ونملا الفراغات عشان البارومه

[BLOODY_STONE]

انا عامل ليها طبقة انتركوت زيادة من تحت من اول العربية لاخرها و مش بحتاج اغسل غير بضغط المية فقط