مواصفات تويوتا ياريس 2013 من التوكيل

[Moh_Hassanin]

المواصفات الاتيه من تويوتا ايجبت
الفئه الاولى 108.900

مانيوال-زجاج كهرباء امامي-تكييف يدوي- تحكم بالنظام الصوتي من عجله القياده - كاسيت تاتش 6سماعات + مدخل USB & AUX - نظام مانع السرقه - عجله قياده متحركه 4 اتجاهات -- ABS+BA
4 اير باج - شاشه لعرض المعلومات - مرايا كهربا - مفتاح بالريموت ---- كاوتش 185/65 R15

الفئه الثانيه 116.900

اتوماتيك CVT (ستيب ترونيك) --- نفس مواصفات الفئه الآولى + Bluetooth + تحكم بالنظام الصوتي و التليفون و gear shift من عجله القياده

الفئه الثالثه 123.900

مواصفات الفئه الثانيه + AC dual Zone + Mike & Mike Amplifier System + مبرد بدرج التابلوه + Hill Assist

الفئه الرابعه 140.900

مواصفات الفئه الثالثه + زجاج خلفي ملون + حساسات مطر + جنوط 15 +مثبت سرعه + مرايه داخليه ذاتيه التعتيم + مفتاح ذكي + كاميرا خلفيه + كشافات شيوره

Basics
-Motor : 1300 cc ----- 99 Hp
Suspension: Front -----macpherson
rear : torsion beam
Power Steering : Electric
Sport mode in Automatic transmission
Made in Toyota france

الخامات المستخدمه جيده جدا
الكنبه بتتفتح عالشنطه
الصالون واسع ( تقعد ورا مستريح )
السياره بشكل عام جيده جدا ويكفي انها تويوتا

تم اضافة الصور بمعرفتي
كريم منير

[Dr'AhmZZong]

العربية ديه لازم تتجاب بصراحة .. عربية تحفة ما شاء الله ..

[ibn_seena]

عربيه حكااااااايه

[Ahmed_Adham]

كده عربيه مهجنه. أوبشن عالي واداء رديء. مازالت مناسبه جدا للتحرك داخل المدن بس 140 ألف لييييييييييييييه؟؟؟؟

[alaamousa]

باقي الصور ويكتمل التقرير باذن الله حتى نحكم حكما صحيحا

[S O P H O S]

كده عربيه مهجنه. أوبشن عالي واداء رديء. مازالت مناسبه جدا للتحرك داخل المدن بس 140 ألف لييييييييييييييه؟؟؟؟

هو فين . ؟ الي اداء ردئ
حضرتك جربت العربية ؟؟
حاجة كمان مفيش اوبشن عالي من الاساس فيها
عمر الاساسيات ما كانت اوبشن عالي في 2013
بس يمكن اداء ردئ احنا فمصر بنعرف كـــل شئ
اتمني تقبل راي
تحياتي ..

[Moh_Hassanin]

كده عربيه مهجنه. أوبشن عالي واداء رديء. مازالت مناسبه جدا للتحرك داخل المدن بس 140 ألف لييييييييييييييه؟؟؟؟

هي مش هجينه ولا حاجه هو فعلا فيها هجين بس منزلش مصر
و يا باشا العربيه لسه ممشيتش عشان نقول اداء ردىء
و العربيه 1300 سي سي 99 هورس بور على حجمها قوي جدا
و بالنسبه لاسعارها لو قارنتها بالريو هتالقيها في نفس الفئه السعريه
مع الفارق انها ياباني (يعني اعتماديه اكتر-- مشاكل اقل-- عمر قطع غيار اطول-- هيكل و صاج اقوى-- ده غير التقفيل و الخامات ..... )

[NaderNabil]

ده كده لعبوا في الفئات بتاعتها و زودوها

كانت فئة واحدة بس 1500 سي سي ب 135000 باين و طبعاً محدش كان معبرها

دلوقتي هاترجع تشتغل تاني في السوق...

[mohmet]

اول فئه لو كانت في رينج 102 -105 كانت هاتبقي ند قوي للريو

[Moh_Hassanin]

اول فئه لو كانت في رينج 102 -105 كانت هاتبقي ند قوي للريو

كلامك صح لو كانت الفئات واحده

بس لو حابب تقارن
شوف فئه مثلا في الياريس فيها امكانيات ايه وسعرها كام و ما يقابلها في الريو من سعر و امكانيات
اعتقد فرق طفيف في السعر
الكلام ده بالنسبه لاسعار و امكانيات
لكن هتلاقي كلام كتير في الميكانيكا و الخامات و الامان

تحياتي

[blazer]

الفئة الى ب 123 جيده جداا خصوصا لو الخامات الداخليه كويسة ومش بلاستك معفن
بس ياريت صور ليها ؟

مع انها برده بصراحه تعتبر غاليه بس فى ظل التسعير العبيط بتاع الريو و الاكسنت يبقى دى بنت حلاال

[شاهين - بنز]

الله يرحم الكورلا 2005 كانت أوتو بالأبانوس ب 121 ألف (وبالمناسبة دي أكتر عربية أعجبت بيها في حياتي لحد إنهارده)
بس بالنسبة لأسعار إنهارده العربية دي حتسحق الأكسنت والريو وممكن السيراتو كمان يعني توكيل كيا حيتعور جامد من الياريس
وعيبها الوحيد في رأي الفتيس ال cvt اللعين عملي وكل حاجة بس مبيحسسكش بمتعة القيادة نهائي تحس إنك سايق غسالة وعن تجربة التيبترونك بتاع ال cvt أي كلام برضه مبتحسش إن في غيارات حقيقية
وأتوقع للعربية دي انتشار واسع كلمة تويوتا مش سهلة
والكوري مهما كان جيد مش حيساوي الياباني

[Y a r i s]

الله يحرم الحاجة الساقعة كانت ب ٣٥ قرش الله يرحم طبق الكشري الجامبو. وكان حلة قاااد كده. بجنه وربع الله يرحمها كان اجعصها شقه فيكي يا مصر ب ٣٠ الف جنية

@@@@@@@@@@@@@

ومحمد حسنين باشا تسلم ياباشا على الموضوع مايجب موصفتها الا رجلها تسلم ايديك يا بااشا

[Y a r i s]

[Moh_Hassanin]

الله يحرم الحاجة الساقعة كانت ب ٣٥ قرش الله يرحم طبق الكشري الجامبو. وكان حلة قاااد كده. بجنه وربع الله يرحمها كان اجعصها شقه فيكي يا مصر ب ٣٠ الف جنية

@@@@@@@@@@@@@

ومحمد حسنين باشا تسلم ياباشا على الموضوع مايجب موصفتها الا رجلها تسلم ايديك يا بااشا

ربنا يخليك يا باشا ..... احنا بنتعلم منكو