كامرى ف مصر!

[S O P H O S]

لا هنا تويوتا كامري يا باشا ..

[MohammedAladel]

أحنا قصدنا كامرى يا باشا من تويوتا شكلها شبيه بالتويوتا كورولا

مش بنتكلم فى شيفورليه كامارو وكورفيت

[Ahmed.Ali]

هو انت معجبين بالكامري ليه بالظبط

[abdulkhaleq]

متابع والعربيه دى إعجاز بجد .

إعجاز مين بس مش قوي كده :)
العربيه دي تاكسي بره
هي بس بالنسبالنا وهم عشان احنا مفهمينا ان اللانوس والفيرنا والبيكانتو عربيات :) :) :)

غير كده هي يادوب اول السلم
(في الدنيا كللها طبعا)

[Abo.Moazz]

ياجماعة أنا قريت سعرها قبل كده فى ملحق ألأخبار بتاع السيارات وكان 820 ألف جنيه
وشفتها فى مصر كذا مرة وشفتها مرة وكان مكتوب عليها مرور القاهرة وشكله كان راكبها رتبة كبيرة أوى فى المرور ..
والله الكامرى دى فى السعودية زى الفيرنا عندنا .. معمولة تاكسى وعربيات شرطة وملاكى .. منتشرة إنتشار رهيب .. ولما شفتها هناك عجبتنى وقلت أول مانزل مصر هاشوف سعرها كام .. طبعاً صعقت بالسعر

[amrelsaqqa]

أنا شايف أنها لو حتى ب 350 بس مش هتنافس الأوروبى إطلاقا

+1

العربية دى حلها انها تتجمع في مصر ، بس برضه مين هيركب عربية سي سي 2400 ويستحمل ضريبتها وبنزينها ، ده لو فرضا مفيش جمارك ، طيب ما اركب بي ام ومرسيدس ،

ثقافة الشعب المصري عمرها ما هتتنازل عن البي ام والمرسيدس كعربيات تتركب بجد ، ولو حتى الكامرى خرجت من الفئة دى كسعر ، مش هتخرج كمصاريف ، فبرضه اللى معاه فلوس هيتجه للاوروبى برضه

الشعب المصري ركّيب زيادة عن اللزوم طالما دافع فلوس ، مين هيسيب بيجو 508 مثلا ويركب كامرى حتى لو بسعر اقل


انما لو الكامرى مثلا نزلت بسعر في فئة اقل من 200 الف والبنزين والصيانة والضريبة ببلاش زي السعودية مثلا ، يبقى الناس هتركبها هنا زي ما عامة الشعب راكبها هناك ، غير كدة ، اللى راكب عربيات تعبانة هيفضل راكب عربيات تعبانة ، واللى راكب عربيات نضيفة وغالية هيفضل راكب عربيات نضيفة واقصد بالنضيفة بي ام مرسيدس فولكس سكودا بيجو

طبعا مع كامل احترامى لاسم تويوتا ونجاحاته وشهرته واعتماديته

[S O P H O S]

يا جماعة ده نجاح انها تتعمل تاكسي
يعني المرسيدس لما بتتعمل تاكسي ده يدل انها i10 مثلا ؟؟ّّ!!

[hossam_elwani]

الكامري اجمالي الرسوم و الجمارك و الضرايب بتوصل ل 300 % من سعرها العالمي
انما المرسيدس و البي ام تجميع محلي بتتجمرك 10% عشان بيعتبروا الاجزاء قطع غيار

وهى مرسيدس وبى ام تجميع محلى نسبة المكون المصرى فيها 40% ؟؟؟؟

[MohammedAladel]

هو انت معجبين بالكامري ليه بالظبط

عن نفسى ولا معجب ولا حاجة أنا من يوم ما شفتها أول مرة وعرفت سعرها اتصدمت قلت ليه يعنى خسارة فيها

زى سعر هيونداى سوناتا حاليا بالضبط

أنا شايفها أخت الكورولا الكبيرة لا أكتر ولا أقل

[MohammedAladel]

وهى مرسيدس وبى ام تجميع محلى نسبة المكون المصرى فيها 40% ؟؟؟؟

شوف يا أستاذ حسام أ
نا مش مقتنع بان بلدنا بتصنع حاجة

وبعدين زى أيه مثلا ممكن يكون مصنوع محليا ؟؟

هو أقصى وأبعد احتمال أن يكون المكن والمعدات أجنبية وبعض الخامات مو جودة فى بلدنا والمكن الأجنبى والأشراف الأجنبى هو اللى بيصنعها على أرض الوطن

لكن غير كدا معتقدش إننا ممكن نصنع حاجة فى أى عربية من العربيات دى

[khaled sabry]

دي الكمارو بتاع شيفروليه لكن الموضوع عن كامري بتاع تويوتا.

لا هنا تويوتا كامري يا باشا ..

أحنا قصدنا كامرى يا باشا من تويوتا شكلها شبيه بالتويوتا كورولا

مش بنتكلم فى شيفورليه كامارو وكورفيت

ماهو علامة الشيفورليه خارمه الشاشه اهه
معلشى الواحد دايخ بقى
كامرى و لا كمارو ... اهه كله بيبداء ب "كـامر"
انا عارف الكامرى كويس لأن عمى معاه العربيه دى ... بس طبعا عمى مهاجر انجلترا بقاله 40 سنه
على فكره الكامرى شغاله تاكسى فى السعوديه عادى يعنى

[AbO MosTaFa]

العربية دي عربية عادية جداااااا مافيهاش الا موتور فقط

انما بقية العربية عادية جدااا والتجهيزات الداخلية فقيرة اوي اوي

[MohammedAladel]

العربية دي عربية عادية جداااااا مافيهاش الا موتور فقط

انما بقية العربية عادية جدااا والتجهيزات الداخلية فقيرة اوي اوي

حتى المحرك غير مناسب لبلدنا فى الزحام المرورى دا وسعته اللترية العالية وطرقنا السيئة

وبعدين الشركات الأوربية عاملة شغل كويس جدا بالمحركات من 1400 و ال 1600 كطاقة وكاستهلاك بنزين

ومن ضمن مميزات السيارة استهلاكها للبنزين القليل والانبعاثات الملوثة للبيئة الأقل


وزى ما قال الأستاذ عمرو فيما معناه:

المستهلك المصرى له آخر برضه مع عربيات تويوتا كسعر لو زاد عن الحد دا أوتوماتيك هيتجه للإبداع والتميز والبرستيج مع بى إم أو بيجو وفولكس والأوربى بشكل عام

[S O P H O S]

يا جماعة انا كده قربت اكره العربية
خلاص عرفت انها شجرة مثمرة بس مش لينا كمصريين
احنا بنقول شعر فال اللنترا وال ار بي يبقي منطقي تبقي الكامري وحشة كده
تحياتي ..

[MohammedAladel]

يا جماعة انا كده قربت اكره العربية
خلاص عرفت انها شجرة مثمرة بس مش لينا كمصريين
احنا بنقول شعر فال اللنترا وال ار بي يبقي منطقي تبقي الكامري وحشة كده
تحياتي ..

للأسف حضرتك حللت الآراء على أساس مع وضد أساسا معتقدش إن العربية دى من كترها فى مصر
ومحدش قال وحشة راجع حضرتك المشاركات هتلاقيها بتناقش بشكل عملى وليس تحيز

ومن المعروف إن تويوتا كملاكى لا ترقى أبدا إنها تنافس السيارات الأوروبية

الكورولا 2007 ماسكة سعر ومش عارف إيه دى مشكلة سوق زى ما الإلنترا سعرها ضرب فى العالى برغم إنى شايفها علبة ماشية على الأرض !