ياريس والا الانترا ( مستعمله )

[cyber007]

استكمالا لمسلسل الحيره المستمره اللى مش عارف اطلع منها ويعد ما كنت خلاص نويت على الياريس بدأ الوسواس يجيلى تانى والمره دى مع الانترا

انا معايا 80 - 85 كحد اقصى بعد ما ابيع الانوس اللى معايا ( شاريها زيرو ومكملتش 15000 الف كيلو ) ، هبيعها لانى عاوز عربيه اتوماتيك - شكلها حلو - احس انى راكب عربيها من زمنا دا مش عربيه تسعينات (هيا موديل 2011 ) وعاوز عربيه مسمعش صوتها وبتجري حلو ، ياعنى لما اسخن مع حد مركنش على جمب انا - واخر حاجه لما ابيعها مخسرش كتير وكفايه اول خساره

طبعا بما انى من المنصوره مسمعتش كلام حلو عن الياريس فى اعاده البيع والانتشار ودا اللى خلانى اشوف حاجه تانيه قبل ما اتسرع واحسن انى جبت عربيه 1300 سحبها مش اللى هوا اتضايق منها زى الانوس

احنا عندنا كورولا 1300 اتوماتيك وسحبها مش عاجبنى وان كان افضل من الانوس بمراحل بس هل الياريس نفس المستوى كده !!!!!!!!!!!!!!!!!!!!!!!!!!!!!!!!!!!!!!!

[Y a r i s]

اليارس متورها وفتيسها هو هو الكورولا
واذا معجبتكش الكورولا خليك في الالنترا افضلك
ايام مكنت بجيب اليارس كان سعرها بسعر الالنترا ... ويومها كنت محتار زيك كده وقعدت افكر في كزا حاجة :
١- البانزين. اليارس تكسب
٢- شخاليل البلاستيك الي في العربية. الهونداي بلاستيكات .
٣- حجم العربية الخارجي الالينتر اكبررررر في الركنات مشكلة
اما غير كده انا سوقت الالينتر بسم الله مشاء الله عليها تحفة كسحب وثبات معقولة جداً توكل على الله اذا البانزين مش فارق معاك .

[BLOODY_STONE]

الياريس مفيش احسن منها جوة المدينة من ناحية استهلاك البنزين و الركنة و سهولة الصيانة .. و طبعا العفشة مش حتكلم عليها ..

[cyber007]

هوا استهلاك البنزين بتاع الالنترا عالى اوي ... برضه الواحد عشان ميظلمش العربيه هل الاستهلاك مقابل الاداء حلو؟؟؟ ياعنى انا بالنسبه ليا شايف اللانوس استهلاك عالى مقابل اداء ضعيف شايف الكورولا استهلاك معقول مقابل اداء الى حد ما معقول ، انا مش بمشى كتير ياعنى العربيه من 12/2010 معايا ولسه مكملتش 15000 كيلو

[S O P H O S]

استهلاك بنزين الالنترا مش عالي علي ماتور 1600
وعموما ماتور الكورولا هو الياريس مع افضلية للياريس بسيط جدا فالسحب
وعموما لو قدامك النترا نظيفة توكل علي الله مدام مقتنع بيها ..

[cyber007]

مش قدامي لسه . انا يادوب لسه مفكر فيها وانا قاعد اقلب فى .......cars على ياريس حلوه وكتبت الموضوع على طول ، انا خفت بس اجيب ياريس الاقيها ضعيفه وبرضه متحلش عقده التسارع البطىء اللى جابتهولى اللانوس

[S O P H O S]

مش قدامي لسه . انا يادوب لسه مفكر فيها وانا قاعد اقلب فى .......cars على ياريس حلوه وكتبت الموضوع على طول ، انا خفت بس اجيب ياريس الاقيها ضعيفه وبرضه متحلش عقده التسارع البطىء اللى جابتهولى اللانوس

بص يا باشا النترا 2008 الي 2010 هتبقي افضل فالسحب من الياريس
واستهلاك البنزين متقلقش منه لان هيونداي معروفة بالاستهلاك المعقول للبنزين
طبعا تكيف وثبات واعتمادية متفرقش كتير عن الياريس وبنسب متفاوتة بين دي وبين دي يعني متقاربين
وخلي بالك ان النترا فئة الكورولا مش فئة الياريس يعني باي حال من الاحوال
مدام الانترا نظيفة يبقي لا تقل عن الياريس ( شرط حالة العربية النظيفة ) ودي اهم نقطة
عموما كراي فقط لو قدامك الاثنين فيوم وحالتهم نظيفة وعلي طلباتك اختار الالنترا وبدون تحيز
وربنا يوفقك للافضل فيهم
والله اعلم ..

[SAMEH_FOUAD]

فئتين غير متكافئتين ازاى بتقارن بينهم ؟؟؟؟

النترا قدامها كورولا

ياريس قدامها اكسنت

فطبيعى فى اختيارك دة الالنترا هتكسب

ولكن الافضلية فى الياريس عن الالنترا هو البنزين - قلة الاعطال عن الالنترا - مواصفات الامان فى الياريس افضل ( abs*airbag ) فى معظم الفئات

وخلى بالك تقريبا لحد سرعة 130 كم هتلاقى الياريس نفس الاداء بعد كدة الالنترا هتسبق بس مش بالفرق اللى انت متخيلة

وبردة نصيحة ليك محدش بيجرى بالنترا عشان الثبات والفرامل يعنى بلاش غرز والكلام دة لان الباور كهرباء وخفيف جدا وسيبك من اللى بيقول بيتقل والكلام دة العربية اتجربت اكتر من مرة وماتقلش ولا حاجة ( من وجهة نظرى )

[devil_storm]

بص يا باشا النترا 2008 الي 2010 هتبقي افضل فالسحب من الياريس
واستهلاك البنزين متقلقش منه لان هيونداي معروفة بالاستهلاك المعقول للبنزين
طبعا تكيف وثبات واعتمادية متفرقش كتير عن الياريس وبنسب متفاوتة بين دي وبين دي يعني متقاربين
وخلي بالك ان النترا فئة الكورولا مش فئة الياريس يعني باي حال من الاحوال
مدام الانترا نظيفة يبقي لا تقل عن الياريس ( شرط حالة العربية النظيفة ) ودي اهم نقطة
عموما كراي فقط لو قدامك الاثنين فيوم وحالتهم نظيفة وعلي طلباتك اختار الالنترا وبدون تحيز
وربنا يوفقك للافضل فيهم
والله اعلم ..

+1111
الالنترا فئة اعلى و انت كده بتظلن الياريس و اكيد الالنترا افضل ... اهم خاجة فى المستعمل الحالة

[cyber007]

فئتين غير متكافئتين ازاى بتقارن بينهم ؟؟؟؟

النترا قدامها كورولا

ياريس قدامها اكسنت

فطبيعى فى اختيارك دة الالنترا هتكسب

ولكن الافضلية فى الياريس عن الالنترا هو البنزين - قلة الاعطال عن الالنترا - مواصفات الامان فى الياريس افضل ( abs*airbag ) فى معظم الفئات

وخلى بالك تقريبا لحد سرعة 130 كم هتلاقى الياريس نفس الاداء بعد كدة الالنترا هتسبق بس مش بالفرق اللى انت متخيلة

وبردة نصيحة منلى ليك محدش بيجرى بالنترا عشان الثبات والفرامل يعنى بلاش غرز والكلام دة لان الباور كهرباء وخفيف جدا وسيبك من اللى بيقول بيتقل والكلام دة العربية اتجربت اكتر من مرة وماتقلش ولا حاجة ( من وجهة نظرى )

ياعنى تسارع الياريس من 0 ل 130 هوا هوا الالنترا !!!!

[Y a r i s]

سنة ٢٠٠٩ و ٢٠٠٨
سعر اليارس ٩٢ الف جنية
و
سعر الالنترا. كان غلي ساعتها ووصل ل ٩٥ الف جنية

ايش جاب الاكسينت في الموضوع ... والي كان بيشتري وقتها كان قداموا دي وكان قداموا دي. بس في ناس تفضل الكوري وفي ناس تفضل الياباني الاصلي .... وزي ما قلنالك كده خود العربية النضيفة الي قدامك ... لقيت يارس نضيفة ماشي لقيت الاينترا نضيفة ماشي لقيت هوندا سيتي كمان ممتاز الي هيا الشكل الجديد تحفة منفخة وروعة واظن هتبقى افضل من الالنترا ... وتحياتي

[S O P H O S]

السيتي تحفه فعلا يا ياريس باشا
بس للاسف قطع غيارها الغالية دي لو متوفرة كلها هتتعبه
وزي ما قولت انت يا باشا اهم شئ الانظف مش الاقوي بكام حصان ..

[SAMEH_FOUAD]

ياعنى تسارع الياريس من 0 ل 130 هوا هوا الالنترا !!!!

شوف ياباشا ماتور الالنترا 1600 سى سى قوتة 121 حصان وماتور الياريس 1300 سى سى قوتة 92 حصان تقريبا او 86 حصان مش فاكر بالتحديد

الالنترا على الداينو بتخرج 80 حصان , والياريس على الداينو بتخرج 68-70 حصان يعنى الفرق 10 حصان , الوزن اتقل لصالح الالنترا , والياريس اخف فالتسارع بيكون تقريبا واحد او الياريس اقل شوية بسيطة , لكن بعد السرعة بيبان القصور فى المحرك ال1300 سى سى عشان ال torque بتاعة اقل وكمان مع خفة وزن الياريس فى السرعات العالية مابتقدرش تقاوم الهواء فطبعا بتوصل لحد 160 الى حد ما معقول وبعد كدة العربية بيقل تسارعها بشكل ملحوظ الى ان تقف عند سرعة 185 كم

نفس الكلام فى الالنترا بردة بتقع جامد بعد سرعة 140 بس مش زى الياريس , والالنترا بيقل تسارعها جدا بعد سرعة 160 كم , الا ان تستقر عند سرعة 205 كم \

دة تحليلى للسياراتين فى تجربة التسارع

[kotimg2]

حسب حالة العربية المستعملة و لكن انصحك باليارس

[S O P H O S]

شوف ياباشا ماتور الالنترا 1600 سى سى قوتة 121 حصان وماتور الياريس 1300 سى سى قوتة 92 حصان تقريبا او 86 حصان مش فاكر بالتحديد

الالنترا على الداينو بتخرج 80 حصان , والياريس على الداينو بتخرج 68-70 حصان يعنى الفرق 10 حصان , الوزن اتقل لصالح الالنترا , والياريس اخف فالتسارع بيكون تقريبا واحد او الياريس اقل شوية بسيطة , لكن بعد السرعة بيبان القصور فى المحرك ال1300 سى سى عشان ال torque بتاعة اقل وكمان مع خفة وزن الياريس فى السرعات العالية مابتقدرش تقاوم الهواء فطبعا بتوصل لحد 160 الى حد ما معقول وبعد كدة العربية بيقل تسارعها بشكل ملحوظ الى ان تقف عند سرعة 185 كم

نفس الكلام فى الالنترا بردة بتقع جامد بعد سرعة 140 بس مش زى الياريس , والالنترا بيقل تسارعها جدا بعد سرعة 160 كم , الا ان تستقر عند سرعة 205 كم \

دة تحليلى للسياراتين فى تجربة التسارع

مظبوط الياريس هي الي 86 حصان الكورولا الشكل القديم ال 1300 هي الي 92 حصان
بس يا سمسم باشا النترا تظلع 80 حصان واقعي يعني ناقص 40 حصان
ده امر مضحك اي عربية بتقل 20 حصان بالكتير انما 40 حصان !!!!
ده بيأكد انها مجرد ارقام وخلاص
مع ملاحظة ان السيراتو مطلعة 99 او 100 حصان وده مقبول جدا منها
تحياتي ..