★تقريرعن الفورتشنر بعد كسر حاجز الـ 100 الف كلم

[Y a r i s]

التيوتا دايما صالونها فقير وده ثابت في كل موديلاتها ولو اتصرف عليه شويه بيبقى برضه ذوق وحش حتى لو المواد غاليه. اللي عايز يركب ياباني فخم فيه نيسان التيما وماكسيما في السيدان أو ارمادا في الجيب وبرضه اللكزس فخمه جدا. واللي يفكر في الفورتشنر ب 330 الف جنيه يجيب الشيروكي بنفس السعر أو يجيب رانجلر على 285 ويوفر 50 الف او حتى الكابتيفا على 265 ويوفر 70 الف.

لايباشا. الكابتيفا كووووري ولاتصلح من اساسو في الصحراء
اما انا بالعكس افضل. التويوتا لقوت تحملها عن الشيروكي الي حتى اعادة سعر البيع تبعها تعبان. غير التويوتا. الي بتفضل واقفه بشموخ. كده واعتزاز وماسكة نفسها وده ميمنعش ان الشروكي برستيج برضوا بس. الفورنيتشر عملية اكتر :)

[midnightman_74]

.+١١١١١١١١١
معاك حق يا ميد نايت يا غالي
هو بالفعل. بيقارنها بعربيات الجيمس والاند كروزر الاصلي
لكن هيا مجرد عربية عملية. ده انا مرة قريت تقرير عنها بيقول واحد عن تجربة. ان ٢٧٠٠ سي سي فتيس الغرز بيبوض بسرعة. وعلشان تستمتع بفتيس الغرز يبقى محتاج. ٤٠٠٠ سي سي

وحتى استغربت وقلت الله اومال العربيات ١٦٠٠ عندنا جيب دي بتعمل ايه في الصحرا ههههه

بس الفورتشنر فى الخليج ٢٧٠٠ سي سي مختلفة عن ٤٠٠٠ سي سي فى الحجم
و الفورتشنر فى مصر العربية نفس الحجم ٢٧٠٠ سي سي زى ال ٤٠٠٠ سى سى
ولا أنا غلطان فى الحتة دى ؟

[Y a r i s]

بس الفورتشنر فى الخليج ٢٧٠٠ سي سي مختلفة عن ٤٠٠٠ سي سي فى الحجم
و الفورتشنر فى مصر العربية نفس الحجم ٢٧٠٠ سي سي زى ال ٤٠٠٠ سى سى
ولا أنا غلطان فى الحتة دى ؟

والله ِ مش متاكد من المعلومة دي ... بس على ما اعتقد. انو نفس الحجم لان هما عملينها عربية كده بريحة الاند كروزر او عربية بطعم الاند كروزر ... لو كبرو حجمها كده. هتبقى اكبر من الاند كروزر :)

[midnightman_74]

والله ِ مش متاكد من المعلومة دي ... بس على ما اعتقد. انو نفس الحجم لان هما عملينها عربية كده بريحة الاند كروزر او عربية بطعم الاند كروزر ... لو كبرو حجمها كده. هتبقى اكبر من الاند كروزر :)

أنا اقصد الحجم الموجود دلوقتى ٤٠٠٠ سى سى
وآل ٢٧٠٠ سى سى أصغر شوية

[Y a r i s]

قصدك حجم المتور. يعني مش حجم العربية

هو المفروض ان في مصر بينزل منها نوعين فعلاً. ال ٤٠٠٠ سي سي وال ٢٧٠٠ سي سي
بس في السعودية نازل منها. كمان نوعين من ٢٧٠٠ سي سي. واحد بفتيس غرز وواحد من غير فتيس غرز يعني لاستخدام المدينة :)

[yyy]

اكتر حاجه عاجباني في التقرير ده ان الراجل قال عيوب العربيه قبل مميزاتها
عكس ناس تانيه مجرد انو اشتري العربيه تلاقيه بيقول فيها شعر و ميقولش علي اي عيوب فيها و يدافع عنها كأنو صاحب التوكيل !

[Ahmed_Adham]

لايباشا. الكابتيفا كووووري ولاتصلح من اساسو في الصحراء
اما انا بالعكس افضل. التويوتا لقوت تحملها عن الشيروكي الي حتى اعادة سعر البيع تبعها تعبان. غير التويوتا. الي بتفضل واقفه بشموخ. كده واعتزاز وماسكة نفسها وده ميمنعش ان الشروكي برستيج برضوا بس. الفورنيتشر عملية اكتر :)

كام واحد من اللس بيشترو عربيات suv في مصر بينزلو الصحرا بيها؟ احنا ف الغالب بنجيبها عشان المطبات والطرق الغبيه بتاعتنا مش عشان نعمل سفاري يبقى في الحاله دي الشيروكي أحسن من الفورتشنر عشان برستيج وكماليات وشياكه. الميزه الوحيده في الفورتشنر عن العربيات التانيه اللي انا قلت عليها هيه موضوع 7 راكب بس حتى الكرسيين اللي في الأخر مياخدوش غير اطفال وكمان بسببهم متقدرش تحمل شنط ل 7 أفراد. الشركات ممكن تستفيد بالموضوع ده في نقل مهندسين لموقع عمل في الصحرا مثلا بدون تحميل شنط.

بالنسبه لسعر البيع الفورتشنر لسه جديده في مصر ومحدش لسه يعرف هتمسك سعر ولا لاء لأن ده هيترتب على مدى انتشارها في السوق بس مع الدعايه الضعيفه ليها وعدم انتشار الشريحه دي من العربيات في مصر كتير متوقعلهاش أي نجاح قريب من أي تويوتا تانيه في مصر ولا ربع الانتشار حتى بتاع ياريس أو كرولا أو حتى الافانزا.

[midnightman_74]

قصدك حجم المتور. يعني مش حجم العربية

هو المفروض ان في مصر بينزل منها نوعين فعلاً. ال ٤٠٠٠ سي سي وال ٢٧٠٠ سي سي
بس في السعودية نازل منها. كمان نوعين من ٢٧٠٠ سي سي. واحد بفتيس غرز وواحد من غير فتيس غرز يعني لاستخدام المدينة :)

قصدى حجم العربية
بيتهيلى شوفت واحدة صغيرة وواحدة كبيرة فى الحجم فى السعودية
بالنسبة للى فى مصر أنا حاسس أن ٢٧٠٠ سى سى صغير على العربية
العربية كبيرة وثقيلة جداً على ٢٧٠٠ ... دة مجرد رأى

[hugan]

احنا في مصر بننفخ في عربيات تعبانه وخلاص
ونقول اصلها ياباني واوربي
عربيه نص نقل متقفله ملاكي
تتباع ب300 الف جنيه ليه
اصلها تويوتا
وماله ياعم تويوتا تويوتا
بس نص نقل
مش مهم
اصلها تو يوتا

[Y a r i s]

احنا في مصر بننفخ في عربيات تعبانه وخلاص
ونقول اصلها ياباني واوربي
عربيه نص نقل متقفله ملاكي
تتباع ب300 الف جنيه ليه
اصلها تويوتا
وماله ياعم تويوتا تويوتا
بس نص نقل
مش مهم
اصلها تو يوتا

لا بص ياباشا مش مسئلت ننفخ ولا نيفسي
المسئلة ان تويوتا اساساً اساساً غالية في العالم كلو مش رخيصة ... حتى الخليجين. مستائين من رفع اسعرها بشكل مبالغ فيه ... بسبب تقلبات سعر الين وعلشان كده تويوتا بتلجء انها تفتح مصانع في دول تانية من العالم ذات ايدي عاملة رخيصة ... وبعدين شوف حضرتك الشوفرلية الدبابة بقت عاملة كام دلوووقتي. هتلاقي تمنها اغلى من كورولا. زيرو شوف الايسوزوا دي ماكس في مصر بقت بكام ... ويؤسفني اقولك ياعزيزي. هو ٣٠٠ الف جنية في الزمن ده فلوووس ههههه :)

[hugan]

لا بص ياباشا مش مسئلت ننفخ ولا نيفسي
المسئلة ان تويوتا اساساً اساساً غالية في العالم كلو مش رخيصة ... حتى الخليجين. مستائين من رفع اسعرها بشكل مبالغ فيه ... بسبب تقلبات سعر الين وعلشان كده تويوتا بتلجء انها تفتح مصانع في دول تانية من العالم ذات ايدي عاملة رخيصة ... وبعدين شوف حضرتك الشوفرلية الدبابة بقت عاملة كام دلوووقتي. هتلاقي تمنها اغلى من كورولا. زيرو شوف الايسوزوا دي ماكس في مصر بقت بكام ... ويؤسفني اقولك ياعزيزي. هو ٣٠٠ الف جنية في الزمن ده فلوووس ههههه :)

معاك
الوكلاء في مصر اللي مفتريين وعايزين يتعدموا رميا بالاحذيه
وفعلا ال 300 الف مش فلوس
هاتهم انت بس ومالكش دعوه
انا هاتصرف

[Y a r i s]

هههههههههههه
لا هتهم انتا اشولهملك معايا ... مرات بشوف موضوع في قسم المقارنات او المنتدى العام واحد ياعيني معاه ١٠٠ الف ومش عارف يجيب ايه ببقى عاوزوا اقولوا ادهوملي احوشهوملك وبلا عربية بلا كلام فاضي المشي صحة برضوا هههههههه حبيبي ياهوجن :)

[Adham]

ماعتقدش ان 2700 ديزل يبقى ضعيف عالعربية لو استعمال عادي مش اوف رود و من غير فتيس غرز لكنها طبعا مش حاتكون عربية قوية لا في النسارع و لا السرعه
وحتى اللي بيقيمها قاللك الموتور حلو و الماكينة تكرف كرف مو طبيعي (انا مش عارف يعني اية الماكينة تكرف اصلاً هههههههه)

اعتقد ان ال 2700 دة حايكون ديزل و ال 4000 غالبا 6 سلندر بنزين و للا اية ؟؟؟

و هل العربية دي هيه هيه النص نقل الهاي لوكس و لا مجرد الشبة في الوش و النصف الامامي في الشكل فقط, و العفشة مختلفة, و الموتور ال 4000 سي سي لو بنزين يبقى برضة مش هو بتاع النص نقل

ماهو الفرونتيرا عندي مثلا نصفها الامامي هوة هوة بتاع الدبابة او الفاستر بس الموتور مختلف و العفشة مختلفة و الفتيس مختلف و كل شيء مختلف فيما عدا شوية الصاج بتاع النصف الامامي

اعتقد سعريا العربية دي لو ب 300 الف جنية (مش عارف انهي فيهم ال 2700 و للا ال 4000) تخسر لان الشيروكي ب 345 يعني مش بعيد, و الكابتيفا ارخص منها ب حوالي 55 الف و بالتالي يبقى العربية دي كدة حسنتها الوحيدة انها ديزل غير الاتنين دول و الديزل مع احتمالات رفع الدعم عن البنزين ممكن يبقى هو السبب انها تنتشر بسرعه الفترة الجاية و تبقى منافسة للمثيلات في فئتها و ماعتقدش اننا نقدر نحطها في مقارنة مع ال ميني اس يو في الهندي و الصيني زي الماهيندرا الديزل و لا التيجو و لا حتى الياباني الميني اس يو في زي الدايهاتسو تريوس و لا السوزوكي فيتارا لانها فئة تانية خالص في الحجم عن دول

[JUVENTUS]

الفورتشنر مع والدي و هي فعلا ناشفه جدا العفشه بتاعتها زي ما قال التقرير
خامات التابلوه سيئه فعلا لكن باقي الخامات الداخليه للعربيه كويسه
ثبات العربيه مش سيئ للدرجه و كان معانا كامري و ثباتها كان اعلى من الفورتشنر طبعا
موضوع الرجه ده فعلا كان موجود و اتعالج في التوكيل
العزل بتاعها كويس و تكييفها كويس جدا برضو مش وحش ابدا
صوت الموتور هادئ و مفيهوش مشاكل طالما بتتعمل الصيانات في مواعيدها
العربيه بشكل عام جيده جدا و بتتحمل فعلا و هي صفقه ممتازه مقابل سعرها في السعوديه